Mateo 9:2 - Nuevo Testamento Toba Sur

² Qaq huaña yimayi, co'ollaq qaidou'a so shiÿaxaua mayi sa da'añiigue, qaÿachitalec so lmala'. Qaq so Jesús co'ollaq ila'a da lpi'iÿaxa'c soomayi, nachi 'enapega som sa no'on, 'eeta': –Ÿataqta 'an'añaxat qome, 'am ÿalec. Na 'adasouaxashitpi mashi 'enauac da qaÿapalaxat.

Nuevo Testamento Toba Sombrero Negro

² Naqaedi ua'a da'me uo'oe gaa'me jiyaĝa'u yedodeuo'o ga'me laqaya' jo'ne choĝolaĝaic, uetalegue ga'me lela'. Mane'e ca'li Jesús yauana da'me lepe'e' jogaa'me, qama'le dojapegue' ñe'me leuaĝaic, enaac: —Am yaqaya, ¡yataqata a'nañaĝat, qa'a jodaa'me adoeco male qoyapalaĝa't!

La'aqtaqa Ñim Lo'onatac 'Enauacna 2013

² Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

Mateo 9:2 Iomraidhean Croise

Mateo 14:27

Nachi so Jesús 'enapegalo soomayi, 'eeta': –¡Qan'añaxachi qome, sa ishit da qayi'ii, nachaÿim!

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Mateo 6:12

'Auapalaxat qome da qadasouaxashit, 'eeta'ama qomi' da mashi sapalaxataq cam qomi' qai'oteque sa ÿaÿamaxañi.

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Mateo 8:16

Qaq co'ollaq mashi napaltapiguiñi, nachi qanauegueu'a so Jesús so qalota shiÿaxauapi mayi huo'o na l'ecpi leguemaxaicpi. Nachi somayi 'oonolec naq'en so l'aqtac da i'odauec se'eso n'ecpi, qataq nataden 'enauac som dalolaxaicpi.

Mateo 9:22

Qalaxayi so Jesús nqoilec, nachi ila'a asa'aso 'alo. Nachi 'enapega, 'eeta': –'Am ÿaqaÿole, 'an'añaxat qome. Nagui mashi 'am no'oita, cha'ayi 'au'amqajnataxan. Huaña, nachi asomayi no'oita.

Mateo 9:5

Cha'ayi ¿chaq négue't ca ÿoqta saq alaq da qoÿinapec? ¿Peta'a da qoÿiita': “Na 'adasouaxashitpi mashi qaÿapalaxat,” huo'otaq da qoÿiita': “Qoñishiguem, ime, qaq 'auqueuoÿapigui'?”

Mateo 9:6

Qalaxayi nachi 'en'am na shiÿaxaua llalec qami' nachaxanalo da ÿataqta huo'o naq 'enec da ishit da ÿapalaxat na nasouaxashitpi ana 'alhua. Ime, nachi 'enapega so sa da'añiigue, 'eeta': –Qoñishiguem qome, 'aunana't na 'admala'. Ime, qaq 'anqo'ona ca 'adma'.

Marcos 1:32

Qaq co'ollaq mashi inoxooñi aso nala', mashi napaltapiguiñi, nachi qandou'a so Jesús 'enauac na sa no'onpi qataq nam huo'o na l'ec leguemaxaic.

Marcos 10:49

Nachi so Jesús vi'iiguet, nachi 'enapeco': –Ña qauÿaxañiÿa ñimayi. Nachi qaiÿaxana so qanamaic, nachi qoÿiitega, qoÿiita': –'An'añaxat qome, qoñishiguem, cha'ayi 'am qanÿaxana.

Marcos 5:34

Nachi so Jesús 'enapego' asomayi, 'eeta': –'Am ÿalole, 'am qanataden, cha'ayi 'au'amqajnataxan. 'Aue qome, qojec, saqca ca da, 'am nagui mashi qaica so 'adalolaxa.

Marcos 6:50

cha'ayi 'enauaque soomayi da iloda'a nachi ÿataqta ñi'i'. Qalaxayi so Jesús 'enapegalo soomayi, 'eeta': –¡Qan'añaxachi qome, nachaÿim, sa ishit da qayi'ii!

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 2:25

Qaq sa ishit da iuen da huo'otaq huo'o ca da'aqtaxanem somayi da lataxac na shiÿaxauapi, cha'ayi somayi maichi ÿaÿateetac na lhuennataxacpi na shiÿaxauapi.

Juan 21:5

Nachi somayi 'enapegalo' soomayi, 'eeta': –Qami' ñaqpi, ¿qaica peta'a ca qadalliiguishiqui? Nachi soomayi 'ena'po': –Qaica.

Hechos 14:9

Qaq se'eso shiÿaxaua co'ollaq n'axaÿaxaatega da l'aqtaxanaxac so Pablo. Nachi so Pablo co'ollaq ÿamato'ot somayi, nachi ila'a da ÿataqta huo'o da lpi'iÿaxac da qanataden.

Hechos 19:12

chochi ivitta'a somayi da huo'otaq qaidouec ca camachicague't ncopaxa, huo'otaq ca l'ola' mayi nhuoctapeeguet da l'oquiaxac, da yaqto' qalapaxalec ca sa no'on, nachi ishit da no'oita, qataq i'odauec na n'ecpi leguemaxaic.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Romanos 5:11

Qaq sa ishit da nachaqdata de'eda. Cha'ayi nataq'en qomi' ñitonaqtapeguec ñi Dios, qaq de'eda qantonaxac chigoqchigui so qadataxala' Jesucristo. Cha'ayi somayi chigoqchigui da huo'o mshi ñaÿamaxannaqte' ñi Dios.

Santiago 2:18

Qaq da huo'o ca 'enapec da l'aqtac: “'Am huo'o da 'adpi'iÿaxac; aÿim, qalaxayi, huo'o da ÿaÿamaqchiguiñi i'onataxanaxac.” Qalaxayi aÿim shinapec: “Ñaq aÿim 'auachaxanem da 'adpi'iÿaxac 'andoxotteec, sa 'aualecneuo ca ÿaÿamaqchiguiñi 'ad'onataxanaxac. Ime, qaq aÿim 'am sachaxana da ÿaÿamaqchiguiñi l'onataxanaxac da ipi'iÿaxac.”