Mateo 9:17 - Nuevo Testamento Toba Sur

¹⁷ Qataq sa ishit da qaÿachagui ca dalaxaic lataxa aca shiguiÿac l'oc ltoxoi. Cha'ayi da nachi qoÿiitec de'eda da qaÿachagui, nachi ishit da icolaxata'ague aca l'oc. Nachi que'eca lataxa qataq acam l'oc ishit da n'e'n. Qaq ÿoqo'oyi ca dalaxaicolec lataxa, camayi qaÿachagui aca shiguiÿac l'oc dalaxai, yaqto' caamayi nachi 'eetai'salo da sa ishit da n'e'n.

Nuevo Testamento Toba Sombrero Negro

¹⁷ Uotaĝa ta'le qoyen lataĝa lae't ga'me jiyac lo'oc jo'ne toijec, qa'a qom dalaĝaic ga'me lataĝa, qama'le ga'me jiyac lo'oc depoqoye. Chane'eja ga'me jiyac lo'oc nataq'aen ga'me lataĝa male ne'uela'ajalo. Qo'che' 'noota qom qoyachañgui ga'me lataĝa dalaĝaic ga'me jiyac lo'oc jo'ne nach'e ena'am dalaĝaic, qaedi nataq'aeta da'me ja ne'uela'ajalo.

La'aqtaqa Ñim Lo'onatac 'Enauacna 2013

¹⁷ Qataq nataqa'en saishet da qaicoyigui aca shiguiỹac lo'oc ltoxoi ca lataxa maye dalaxaicolec. Cha'aye ca dalaxaicolec lataxa da ỹashiiyigui, nache ishet da ỹachipiaxata'ague aca lo'oc, nache ca lataxa qataq aca lo'oc caamaye deqa't. Qaq ỹoqo'oye ca dalaxaicolec lataxa, camaye qaỹachagui aca shiguiỹac lo'oc maye dalaxaale, yaqto' caamaye nache 'eetai'salo da saishet da ne'e'n.

Mateo 9:17 Iomraidhean Croise

Mateo 9:16

Qaica ca ishit da napaden ca nogoxot ltoxoic da huo'otaq dapannaxana ca dalaxaicolec hualoq laÿi. Cha'ayi que'eca dalaxaicolec napannaxanaxat, da huo'otaq nquiga't, nachi ishit da icolaxata'ague cam ltoxoic, nachi ishit da nquiguec ca lcolaxa.

Mateo 9:18

Qaq so Jesús co'ollaq ña i'axattac de'eda, nachi anac som lataxala' na judiopi, nachi i'adoto naua l-llicte somayi. Qaq 'enapega, 'eeta': –Ayi ÿale chita'ague da ileu. Qalaxayi 'am da ishit da 'anqo'ona da 'auashil-lec, yaqto' qaltaq nca'aleec.

Marcos 2:22

Nataq'en qaica ca ishit da ÿachagui aca shiguiÿac l'oc ltoxoi ca dalaxaicolec lataxa. Cha'ayi ca dalaxaicolec lataxa ishit da icolaxata'ague acamayi, huaña, nachi daqat camayi, nataq'en aca l'oc. Qaq ÿoqo'oyi ca dalaxaicolec lataxa, camayi qaÿachagui aca dalaxaale l'oc.

Lucas 5:37

Qataq nataq'en sa ishit da qaÿachangui aca shiguiÿac l'oc ltoxoi ca lataxa mayi saxanaxa da ime. Cha'ayi da nachi qoÿiitec de'eda, nachi que'eca lataxa mayi dalaxaic ishit da icolaxata'ague aca l'oc, nachi ishit da daqat som lataxa dalaxaic, nachi 'en'am aso laÿi' l'oc.

Lucas 5:38

Qaq ÿoqo'oyi que'eca dalaxaicolec lataxa, camayi qaÿachangui acam dalaxaale l'oc ca shiguiÿac, qaq yaqto' caamayi nachi 'eetai' da sa ishit da daqa't.