Mateo 9:13 - Nuevo Testamento Toba Sur

¹³ Qauesomiÿa qome, nachi qanapaxaguiñiÿa cam naigui naua ñiyigui'shi l'aqtaqa ñi Dios mayi 'eeta': “Aÿim ñishitaique da qami' qauchoxonnataxañi. Qaq sa ishit da nachida da qai'añiiuo da qaÿavigaxat ca shiguiÿac da qadachitaqtaxanaqchi.” Cha'ayi aÿim sa ishit da ñanac da seÿaxanaique nam no'on da lataxac, chaqnata nam 'itaxaloxoicpi, da yaqto' ÿaxaadeec naua n'onataxaco.

Nuevo Testamento Toba Sombrero Negro

¹³ Jamoyi qama'le anapaĝagueñiya jo' da'me yelo'teguet jenjo' 'naqatac: «Nach'eda jepaquetapega ta'le ami choĝodenataĝanaĝayaqa, qama'le ja naqaeda ta'le auauoyi adajaqajequi 'me aviquiyoue nale.» Qa'a nach'eda da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi.

La'aqtaqa Ñim Lo'onatac 'Enauacna 2013

¹³ 'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Mateo 9:13 Iomraidhean Croise

Mateo 12:3

Nachi somayi 'enapeco': –¿Sa ishito' peta'a da qautaxaÿaxañiÿapec da 'eetec so David co'ollaq huo'o so na'a'q somayi qataq soua lÿata'pe ÿataqta huo'o na lqouaqa'?

Mateo 12:5

Qataq qami' ¿sa ishit peta'a da qautaxaÿaxañiÿa'pe naua lqataxaco so Moisés da na ltaxaÿaxanaxanecpi na shiÿaxauapi da qaitaxaÿapegue' ñi Dios mayi do'onataxaatapoigui aso n'onaxanaxaqui da namayipi sa ishit da nmateec yi na'a'q mataxaqui, qalaq ñaqyita sa ishit da huo'o ca lasouaxashit?

Mateo 12:7

Qaq qami' sa ishit ÿoqta da qauaÿachiñi cam naiguilo naua ñiyigui'shi l'aqtaqa ñi Dios, mayi 'eeta': “Aÿim ñishitaique da qami' qauchoxonnataxañi, qaq sa ishit da nachida da qai'añiiuo da qaÿavigaxat ca shiguiÿac da qadachitaqtaxanaqchi.” Cha'ayi da qami' qauaÿajñiita de'eda, qaq sa ishíttaxa da qauauo'oi ca lasouaxashit cam qaica ca ÿasouaxat.

Mateo 19:4

Nachi so Jesús 'enapeco': –¿Sa ishito' peta'a da qautaxaÿaxañi qami' naua ñiyigui'shi l'aqtaqa ñi Dios dam 'eetec ñimayi co'ollaq chita'ague da do'onataxan, nachi “i'ot so shiÿaxaua qataq aso 'alo”?

Mateo 21:42

Nachi so Jesús 'enapeco': –¿Qami' peta'a sa ÿauanapego' da qautaxaÿaxañi' naua ñiyigui'shi l'aqtaqa ñi Dios? Mayi 'eeta': Ca coma' mayi i'otan nam noÿic l'opi, nachica nagui cam nllañi ca noÿic. Qaq damayi chigoqchigui da i'ot ñi qadataxala'. Qaq damayi ÿataqta qaica ca 'en'am ñaqashinaq da lli'oxoyic.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 3:8

Ÿataqta qanachaxañiita qome, yaqto' ishit da qaila'a da 'eesa da qami' qai'axañiideec naua qan'onataxacolli'.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Marcos 12:26

Qaq de'eda lataxac da qaltaq qanca'alaxateec na leuaxaicpi, qalaq ¿sa ishito' peta'a da qautaxaÿaxañiÿa'pe naua lliyigui'shi l'aqtaqa so Moisés, da 'eetec co'ollaq ñi Dios detaqtague' somayi, detaqtapoigui aso qo'ipaq lapole mayi ÿavictaigui? Qaq ñimayi 'enapeco': “Aÿim mayi nachaÿim nDios so Abraham, qataq so Isaac qataq so Jacob.”

Marcos 12:33

Qataq da ÿataqta qaÿauotec ñi qadataxala' Dios, imauec qanqoÿin da nquiyaqteÿaxac, qataq da nhuennataxa, qataq da achaalataxac, qataq 'enauac da n'añaxac, qataq qaÿauotec ca nÿa, 'eeta'am da 'eetec da maichi nauojla't ca shiÿaxaua. Nachi damayi ÿataqta napacalec 'enauac na nachitaqtaxanaxat mayi qoÿanot ñi Dios, qataq ana nachitaqtaxanaqte mayi qaÿachalec aca nca'atoxonaxalate da qaÿavigaxat.

Marcos 2:17

Nachi so Jesús co'ollaq hua'axaÿa de'eda, nachi 'enapeco': –Sa ishit da iuen ca natannaxanaq nam saqca ca da qataq nam no'oitapi, chaqnata nam sa no'onpi. Cha'ayi aÿim sa ishit da ñanaÿa da seÿaxana ca no'on da lataxac, chaqcata ca 'itaxaloxoic.

Lucas 10:26

Nachi so Jesús 'enapeco': –¿Négue't nam nanettañi nqataxacpi mayi chigoqo'ot so Moisés? ¿'Éetec cam 'adtaxaÿaxanataxanaxac?

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Lucas 5:31

Nachi so Jesús 'enapeco': –Sa ishit da iuen ca natannataxanaq ca shiÿaxaua da qaica ca da qataq no'oita, chaqcata cam sa no'on mayi iuen.

Lucas 5:32

Aÿim sa ishit da ñanac da seÿaxana ca no'on shiÿaxaua, chaqcata ca 'itaxaloxoic da yaqto' ca'aisalo naua n'onataxaco.

Juan 10:34

Nachi so Jesús 'enapega somayipi, 'eeta': –Na nqataxacpi mayi qami' qoÿanema co'ollaxa, nanettañi da l'aqtac ñi Dios mayi 'eeta': “Qami', qami' diospi.”

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.