Mateo 8:4 - Nuevo Testamento Toba Sur

⁴ Nachi so Jesús 'enapega somayi, 'eeta': –Sa ishit qome da huo'o ca 'au'axatem de'eda. Chaqdata da 'am qojec, 'anachaxaneu'a ñim ltaxaÿaxanaxanec na shiÿaxauapi da qaitaxaÿapegue' ñi Dios, qataq 'ai'aneuo qome aca 'adachitaqtaxanaqte mayi damaxasoxoolec co'olloxochiyi so Moisés, yaqto' qaÿaÿaten da mashi 'am no'oita.

Nuevo Testamento Toba Sombrero Negro

⁴ Jesús yitaĝa enaac: —Ena'te gamachaqaega a'uaĝatem da'me dojo'. Nach'edata da'me auec'ata ñe'me tamenaĝaiqui lo'o qama'le analoĝoneguet, nataq'aen auedouo jaga'me adajaqaje, laloĝoiqui da'me male am yoqovita, nataq'aen naq'aeta da'me damaĝajoĝolegue di'me Moisés ca'li, qaedi ena'uaque jogaa'me yayate'n da'me yataqachiñe ademegue, ja am 'te netaye ga'me adapite'na. ¡Jamo: male oc!

La'aqtaqa Ñim Lo'onatac 'Enauacna 2013

⁴ Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Mateo 8:4 Iomraidhean Croise

Mateo 10:18

Qataq ivida'a qome da qami' qaÿauegueu'alo nam ilotagueto naua 'ale'u, qataq na lta'alpi namayipi, souaxat da aÿim qoquiitague'. Huaña, nachi ishit da aÿim qau'axachi da qau'aqtaxañiim namayipi qataq nam sa ishit da judiopi.

Mateo 16:20

Nachi so Jesús huaqattapeguelguete soua lapaxaguenataqa, da yaqto' sa ishit da huo'o ca da'aqtaxaadem da somayi nachiso so nta'a mayi nca'alaxaqui.

Mateo 17:9

Qaq co'ollaq mashi huenotreeguesop aso saqaÿoqotchiguemec 'alhua, nachi so Jesús huaqattegalo, 'eeta': –Sa ishit qome da huo'o ca qau'axachiim de'eda qadauanaqchiqui, to' qom mashi qaltaq nca'aleec ne'ena shiÿaxaua llalec.

Mateo 3:15

Qalaxayi so Jesús 'enapeco': –Qalaxayi nagui no'on da 'auauaqta'a da nachi shinaqtec de'eda. Cha'ayi ÿaÿamaqchiguiñi da qomi' so'otaq 'enauac nam 'eetapeguecpi ñi Dios. Nachi so Juan ÿaÿamaxadeeta.

Mateo 5:17

Sa ishit qome da qaupi'itaxañiitega da aÿim ñanac da imeuo ñaq'en na lqataxacpi so Moisés qataq na lapaxaguenataxanaxac som l'aqtaxanaxanecpi ñi Dios. Aÿim sa ishit da ñisoguiñi namayipi. Chaqdata da aÿim ñanac, da yaqto' ipacchigui ñaq'en cam ÿoqta naigui.

Mateo 6:1

Sa ishit qome da qanachaxañiita da huo'otaq qau'ochi da qad'amqajnataxanaxaqui, da yaqto' qami' ÿauaachiguilo na shiÿaxauapi. Cha'ayi da nachi qoñiitec de'eda, nachi ñi qadta'ai mayi neta'ague da piguem, ñimayi sa ishit da ÿauo'o ca qanshiitenaguiiqui.

Mateo 9:30

Nachi naua l'ai'te soomayi huo'oi. Nachi so Jesús huaqattegalo soomayi, 'eeta': –Ÿataqta sa ishit qome da huo'o ca qau'axachiim de'eda.

Marcos 13:9

Qalaxayi qami' ÿataqta qanloiteec qome. Cha'ayi qami' qoÿaneu'alo qome na nta'alpi, qataq qami' qaiuaxaata'pe da huaigui ana laponaxaquipi na judiopi. Huaña, nachi qami' qanachaalataxaneu'alo na nta'alpi mayi ilotagueto naua 'ale'u qataq na lta'alpi namayipi, souaxat da aÿim qoquiitague'. Huaña qome, nachi ishit da aÿim qau'axachiim namayipi.

Marcos 3:12

Qalaxayi so Jesús ÿataqta sa ÿala'ac da huaqattega na n'ecpi da sa ishit da i'axat somayi.

Marcos 5:43

Qalaxayi so Jesús ÿataqta sa ÿala'ac da huaqattega da sa ishit da huo'o ca qai'axatem de'eda, nachi damaxasoxoolec da qaiqui'axan asomayi.

Marcos 6:11

Qaq da huo'o ca huaña da sa ishit da qami' ÿacongueta qataq sa qami' n'axaÿaxanalo, nachi qoquiÿa'ai camayi, qalaxayi qauchigoqoiuec qome na namoxoÿaxa naua qadapia'chilli', qaq damayi nachi l'anaxat da camayipi maichi nasouaxajla't. Qaq ÿataqta 'eesa de'eda qami' sa'axatema da qom ivita que'eca pa'ateec na'a'q qom nmit na nasouaxashitpi ñi Dios, nachi saqalligueme qome da nhuaxanaguec nam lma' so Sodoma qataq so Gomorra, qaq saq 'en'am qome ca nhuaxanaguec qanqoÿin ne'ena shiÿaxauapi mayi sa qami' ÿacongueta.

Marcos 7:36

Nachi so Jesús huaqattapeguelec da sa ishit da qai'axat de'eda. Qaq co'ollaq nquigaxatteec de'eda lqataxac, qalaq nachi 'en'am ÿataqta qanquigaxatteec da qai'axattac de'eda.

Marcos 8:30

Qalaxayi so Jesús huaqajlec somayipi da sa ishit da huo'o ca i'axatem de'eda.

Marcos 9:9

Qaq co'ollaq mashi huenotreeguesop aso qasoxonaxa, nachi so Jesús huaqattapeguelguete soua lapaxaguenataqa da sa ishit da huo'o ca i'axatrem de'eda lauanaqchi'c, chaqdata da qom mashi qaltaq nca'aleec ne'ena shiÿaxaua llalec.

Lucas 17:14

Nachi so Jesús co'ollaq ila'a somayipi, nachi 'enapega, 'eeta': –Qauesomiÿa, qanachaxañiu'a cam ltaxaÿaxanaxanecpi nam shiÿaxauapi da qaitaxaÿapegue' ñi Dios. Qaq co'ollaq quetague' somayipi ca nqa'aic, nachi maichi no'oita.

Lucas 21:13

Qaq damayi nachi naigui qome da qami' ishit da aÿim qau'axachiitac.

Lucas 4:41

Qataq qalota na dalolaxaicpi jec na l'ec leguemaxaicpi. Nachi i'alaqtai', 'eeta': –Nachi'am mayi 'am llalec ñi Dios. Qalaxayi so Jesús nlaxa ne'ena n'ec leguemaxaicpi, qataq sa ÿashinem da detaqa, cha'ayi namayipi ÿaÿaten da somayi nachiso so nta'a mayi nca'alaxaqui.

Lucas 5:14

Nachi so Jesús 'enapega somayi da sa ishit da huo'o ca i'axatem de'eda. Qataq 'enapega, 'eeta': –Chaqdata da 'am qojec, 'anachaxaneu'a ñi ltaxaÿaxanaxanec na shiÿaxauapi da qaitaxaÿapegue' ñi Dios. Ime, qaq 'ai'aneuo aca 'adachitaqtaxanaqte mayi damaxasoxoolec co'olloxochiyi so Moisés acam naigui da mashi 'am qui'itta, yaqto' qaÿaÿaten 'enauac da mashi 'am qui'itta souaxat so 'adalolaxa.

Lucas 8:56

Nachi soua lta'al ÿataqta huo'o da l'aalaxa'. Qalaxayi so Jesús 'enapegalo da sa ishit da huo'o ca da'aqtaxaadem de'eda qanayiuaigui.

Lucas 9:21

Qalaxayi so Jesús nachi ÿataqta huaqajleguete soomayi da sa ishit da huo'o ca da'aqtaxaadem de'eda.

Juan 5:41

Aÿim sa ishit da saconguet da lli'oxonnataxanaxac na shiÿaxauapi da shiita.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Juan 8:50

Aÿim sa ishit da ñishitaique da aÿim qaÿi'oxoden, qalaxayi huo'o ñim nshitaique da aÿim qaÿi'oxoden, qaq nachiñi ñim i'ot ca nhuaxanaguec ca shiÿaxaua.