Mateo 8:20 - Nuevo Testamento Toba Sur

²⁰ Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Nuevo Testamento Toba Sombrero Negro

²⁰ Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

La'aqtaqa Ñim Lo'onatac 'Enauacna 2013

²⁰ Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Mateo 8:20 Iomraidhean Croise

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Mateo 12:40

Cha'ayi de'eda 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nÿaq, qaq nachida qome da 'eetec nataq'en na shiÿaxaua llalec da ivi' caua tres na'axa'te qataq tres pe' da huetaigui ana 'alhua.

Mateo 12:8

Cha'ayi na shiÿaxaua llalec, namayi nataq'en huo'o naq 'enec da huo'o ca damaxasoxoolec da qai'ot yi na'a'q mataxaqui.

Mateo 13:37

Nachi so Jesús 'enapeco': –Som shiÿaxaua mayi no'on aso languishi, nachina na shiÿaxaua llalec.

Mateo 16:13

Qaq so Jesús co'ollaq ivita yi 'alhua Cesarea mayi ilotague' so Filipo, nachi inatta'pe soua lapaxaguenataqa, 'eeta': –Na shiÿaxauapi nagui ¿chaq négue't ca ipettega na shiÿaxaua llalec?

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Mateo 17:9

Qaq co'ollaq mashi huenotreeguesop aso saqaÿoqotchiguemec 'alhua, nachi so Jesús huaqattegalo, 'eeta': –Sa ishit qome da huo'o ca qau'axachiim de'eda qadauanaqchiqui, to' qom mashi qaltaq nca'aleec ne'ena shiÿaxaua llalec.

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Lucas 12:8

Qaq aÿim shinapec da 'enauac nam da'aqtaxanem na shiÿaxauapi da aÿim quetague', qaq nataq'en nam shiÿaxaua llalec ishit da i'axat da lalamaxat namayipi qom huetaigui na piguem l'ec lamaxashicpi ñi Dios.

Lucas 18:8

Qaq aÿim shinapec da ÿataqta qaica ca ÿiga ñimayi da iuejlec ca shiÿaxaua. Qalaxayi ne'ena shiÿaxaua llalec qom ñi'iguelaq, qaq ¿peta'a ñaq huo'o qome nam i'amaqteetac namayi nam huetalec ana 'alhua?

Lucas 2:12

Qaq 'eda qome da qad'anaqui, 'eeta': qauloÿalec qome ca nogotolec, qoÿaxatta'ague ca lapo', nnaatangui qanqoÿin aca lqui'axaqui na nlo shiguiÿacpi.

Lucas 2:16

Nachi ÿataqta iÿalapigui' da jec somayipi. Ime, qaq qaÿanata aso María qataq so José nataq'en so nogotolec huetangui aso lqui'axaqui na nlo shiguiÿacpi.

Lucas 2:7

Nachi huaña yimayi co'ollaq ñiguiñi so l'auaxanec llalec. Nachi lpataxangui so lapo', ime, nachi ÿachangui aso lqui'axaqui na nlo shiguiÿacpi, cha'ayi souaxat da qaica ca lma't soomayi som noÿic mayi n'ochaqa'.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Lucas 8:3

nataq'en aso Juana asom lhua so l'enaxat Cuza, som ilotague' ca lma' so Herodes. Qataq ÿalectauo aso Susana, nataq'en qalota so laÿipi 'alpi mayi detaunaxaatacot nam huo'o lalamaxatpi.

Lucas 9:58

Nachi so Jesús 'enapeco': –Ana huaxaÿaxapi huo'o na lauac, qataq na qoÿopi 'enauac huo'o na lpata'c, qaq ne'ena shiÿaxaua llalec, qalaxayi sa ishit da huo'o ca l'axasoqo' da do'ochi.

Juan 1:51

So Jesús nataq'en 'enapeco': –Ÿataqta 'eesa de'eda qami' sa'axatema nagui, da qami' qauloÿa'a qome na piguem qom qanauatoigui, nachi na namaxashic piguem l'ecpi taÿashiguemecda, qataq da naÿaña na shiÿaxaua llalec.

Juan 12:34

Nachi na shiÿaxauapi 'enapega somayi, 'eeta': –Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?

Juan 13:31

Qaq co'ollaq mashi pa'auec so Judas, nachi so Jesús 'enapeco': –Nagui qaÿachaxan da lli'oxoyic na shiÿaxaua llalec, qataq da lli'oxoyic ñi Dios qaÿachaxan da chigoqchigui qanqoÿin namayi.

Juan 3:13

Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Juan 3:14

Qaq de'eda 'eetec co'ollaxa so Moisés da nauaxaÿaxaashiguem so l'enaqtac n'adaxanaq co'ollaq hualec so tojlec 'alhua, qaq nachida da 'eetec nataq'en na shiÿaxaua llalec da namayi taÿa'a da qanauaxaÿaxaashiguem,

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Juan 6:53

Nachi 'enapega somayipi so Jesús, 'eeta': –Aja', ÿataqta 'eesa de'eda qami' sa'axatema, da huo'otaq sa ishit da qolliqui da l'oquiaxac na shiÿaxaua llalec, qataq da sa ishit da qanÿomiiguilo naua ltago'q, nachi sa ishit da huo'o ca qadca'alaqai.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Hechos 7:56

Nachi somayi 'enapeco': –¡Ña qauloÿa! Aÿim sela'a da nauatoigui na piguem qataq ñim shiÿaxaua llalec, ñimayi nso'oota'ague da aloic ñi Dios.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.