Mateo 8:2 - Nuevo Testamento Toba Sur

² Nachi anac so shiÿaxaua mayi nchiga na l'oc, nachi i'adoto naua l-llicte so Jesús, nachi 'enapega, 'eeta': –'Am ÿataxala', da 'aushit, qaq no'on da aÿim 'anataden.

Nuevo Testamento Toba Sombrero Negro

² Qama'le 'uo ñe'me jiyaĝaua jo'ne netaye ga'me daloĝo, yejoidiñe naa'me leliquetel da'me dajoya'aguet ñe'me Jesús qama'le enaac: —Jaliaĝanec, qom a'uamaqaten qama'le auen qaya jena'me yapite'na.

La'aqtaqa Ñim Lo'onatac 'Enauacna 2013

² Qaq anac so ỹale maye nchega na lo'oc, nache ỹa'aroto naua l-llectel So Jesús, nache 'enapega, 'eeta': –Aỹem saỹaten da 'am 'aushet da aỹem 'anataren ¿'auo'ot peta'a de'era?

Mateo 8:2 Iomraidhean Croise

Mateo 10:8

Qataq qanatayiñi qome na sa no'onpi, qataq qanca'alaxachiiuec nam mashi ileupi, qataq qauÿoi nam nchiga na l'oc, qataq qau'oyiÿauec na n'ec leguemaxaicpi. Qaq de'eda n'añaxac, damayi chochi qami' qoÿaatema, qaq ÿoqo'oyi sa ishit qome da qaushiichiñi da qau'onataxañiÿa.

Mateo 13:58

Nachi sa ishit da qalota na i'ot nam sa qaÿauanapega da huaigui naq'en somayipi, cha'ayi somayipi sa ishit da i'amaqten somayi.

Mateo 14:33

Nachi soua netanguilo aso barco, soomayi i'adoto naua l-llicte so Jesús, nachi 'eeta': –Ÿoqta 'eesa da nachi'am mayi 'am llalec ñi Dios.

Mateo 15:25

Qalaxayi aso 'alo nquigueuo, nachi i'adoto naua l-llicte so Jesús. Nachi 'eeta': –¡'Am ÿataxala', aÿim 'autauan qome!

Mateo 18:26

Nachi se'eso namaxashic, somayi i'adoto naua l-llicte so n'aco'. Nachi nachoxodeetot, 'eeta': “'Am ÿataxala', aÿim 'anhualaxaune' qome, yaqto' aÿim ishit da seshiiten 'enauac añi ÿavigaxaiste.”

Mateo 2:11

Qaq co'ollaq inoxoodoigui so noÿic, nachi iloda'a so nogotolec qataq aso late'e María. Ime, nachi i'alyiñi naua l-llicte, nachi ÿi'oxodeetrac somayi. Ime, nachi ÿauajnguilo soua lachoxonaxaqui', nachi qaÿachitec na chigaqaigui na oro, qataq na nchinaxanaxat, qataq na lcha'q ana qo'ipaq l'enaxat mirra.

Mateo 20:20

Nachi nqochineu'a so Jesús aso late'e' soua Santiago qataq so Juan som llalqa so Zebedeo. Nachi asomayi lÿatreuo soua llalqa da i'adoto na l-llicte so Jesús, da yaqto' iÿaxanot.

Mateo 26:6

So Jesús hueta'a yi Betania, hueta'a yi lma' so Simón mayi qaÿamata'ac da nchiga na l'oc.

Mateo 28:17

Qaq co'ollaq mashi qanauane' so Jesús, nachi qai'adoto naua nllicte, nai'ctaxa da huo'o na ÿoqolguettac da ÿoqta 'eesa da nachiso somayi.

Mateo 28:9

Huaña, nachi so Jesús nachaxanalo soomayi, nachi iquiita'pe. Nachi soomayi nquigueu'alo somayi, nachi i'adoto naua l-llicte, qataq qapaloiguilo naua lchil.

Mateo 4:9

Nachi 'enapeco': –Aÿim 'am sami' 'enauac ne'ena, da ishit da 'au'alyiñi naua 'adllicte da aÿim 'avi'oxoden.

Mateo 8:1

Qaq co'ollaq chigoqtalec aso qasoxonaxa so Jesús, nachi ÿataqta qalota so shiÿaxauapi quetague'.

Mateo 8:25

Nachi soua nale't nqo'onalo somayi da qanqotoxon, qoÿiita': –'Am qadataxala', ña qomi' 'anca'alaxatreec. Ten, huotaique da qomi' iyiiyiñi.

Mateo 9:18

Qaq so Jesús co'ollaq ña i'axattac de'eda, nachi anac som lataxala' na judiopi, nachi i'adoto naua l-llicte somayi. Qaq 'enapega, 'eeta': –Ayi ÿale chita'ague da ileu. Qalaxayi 'am da ishit da 'anqo'ona da 'auashil-lec, yaqto' qaltaq nca'aleec.

Lucas 4:27

Nataq'en yim lma' na Israel llalaqpi ÿataqta qalota na sa no'on, nchiga na l'oc, se'eso na'a'q co'ollaq huo'o so l'aqtaxanaxanec ñi Dios l'enaxat Eliseo. Qalaxayi qaica da huo'otaq huo'o ca 'oonolec da qanataden somayipi, qaq chaqsota so Naamán som lma' yi 'alhua l'enaxat Siria.

Juan 9:38

Nachi se'eso shiÿaxaua i'adoto naua l-llicte so Jesús, nachi 'enapega, 'eeta': –'Am ÿataxala', 'am sa'amaqten.

Hechos 10:14

Nachi so Pedro 'enapeco': –'A'i, 'am ÿataxala', aÿim ÿataqta sa ÿauanaga da sachic ca qaÿamata'ac nshipaxan, huo'otaq cam sa qaishitapec da qanallic.

Hechos 10:25

Qaq so Pedro co'ollaq iviteu'a ca noÿic, nachi so Cornelio nqo'onguet somayi, nachi i'adoto naua l-llicte da huotaique da natamnot.

1 Corintios 14:25

Qaq 'enauac na saq cha'a lhuennataxacpi mayi huetaigui añi lquiyaqte ishit da yi'aqlec. Ime, qaq ishit da i'adoto naua l-llicte ñi Dios da ÿi'oxoden, qataq i'axattac da 'eesa da ñi Dios ÿataqta qami' hueta'agueta.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.