Mateo 8:10 - Nuevo Testamento Toba Sur

¹⁰ Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Nuevo Testamento Toba Sombrero Negro

¹⁰ Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

La'aqtaqa Ñim Lo'onatac 'Enauacna 2013

¹⁰ Qaq co'ollaq hua'axaỹa de'era So Jesús, nache ỹataqta huo'o da la'aalaxa. Nache 'enapega som nnaictague'pi, 'eeta': –¡Aỹem ỹataqta 'eesa de'era shenapec da 'enauac na Israel le'ecpi qaica ca selalec da ỹapactec da lpi'iỹaxac Aỹem, da 'eeta'am de'era ỹale maye chegaqauec!

Mateo 8:10 Iomraidhean Croise

Mateo 15:28

Nachi so Jesús 'enapeco': –¡'Am 'alo, ÿataqta 'eesa da lta'adaic da 'adpi'iÿaxac! Qaq nagui ÿataqta ipacchigui qome cam qonetapeguec. Qaq co'ollaq chochi qoÿan da n'aqtac, nachi aso llale no'oita.

Mateo 8:11

Qaq aÿim shinapec da ÿataqta qalota qome na chigaqa'ague da yi'oxoñi qataq da avit da anac da nso'ona'ai' da lqui'axaua so Abraham, Isaac, qataq so Jacob, qom qainoxoneu'a cam l'onataxanaxac ñi Dios mayi neta'ague da piguem.

Mateo 8:9

Cha'ayi aÿim nataq'en sootañot da lamaxasoxonaxac na nta'alpi, qataq nataq'en aÿim huo'o na ñallippi mayi samaqtac. Qaq da huo'otaq huo'o ca samaq, qalaq jec. Qataq da seÿaxana ca lÿa, qalaq anac. Qataq da huo'otaq samaq ca ÿamaxashic da huo'o ca samaxalec, qalaq i'ot.

Marcos 6:6

Nachi so Jesús ÿataqta i'aalac somayipi, cha'ayi sa ishit da da'amqajnataxan. Ime, nachi somayi jec da quetagui na pueblopiolec mayi sa qaÿapeque da dapaxaguenataxaatac.

Lucas 5:20

Nachi so Jesús co'ollaq ila'a da lpi'iÿaxa'c soomayi, nachi 'enapega so sa no'on, 'eeta': –'Am ÿaqaÿa, na 'adasouaxashitpi nagui 'enauac qaÿapalaxat.

Lucas 7:50

Qalaxayi so Jesús 'enapega aso 'alo, 'eeta': –'Am nagui 'adca'aleec, cha'ayi 'au'amqajnataxan. 'Aue, qojec, nagui 'aulactapiguiñi.

Lucas 7:9

Nachi co'ollaq hua'axaÿa de'eda so Jesús, nachi ÿataqta huo'o da l'aalaxa que'eca shiÿaxaua. Ime, nachi ÿamataigui so shiÿaxauapi, nachi 'enapeco': –Ÿataqta 'eesa da na Israel llalaqpi qaica ca selalec da ÿataqta lta'adaic da lpi'iÿaxac da 'eeta'am se'eso ÿale.

Hechos 2:7

Nachi ÿataqta huo'o da l'aalaxa qataq da l'elaxa, nachi maichi detaqtega't, 'eeta': –¿Sa ishito' peta'a da 'enauac ne'ena detaqtacpi da lma' yi Galilea?