Mateo 7:7 - Nuevo Testamento Toba Sur

⁷ Qauÿaxañi, yaqto' ñi Dios qami' ÿanema ca qauÿaxañiÿaique; qaumitaxañi, yaqto' qauanachiÿa ca qanmichiitaique; qataq qautoqñiu'a ca lasom, yaqto' qami' qanauategueta.

Nuevo Testamento Toba Sombrero Negro

⁷ “Auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

La'aqtaqa Ñim Lo'onatac 'Enauacna 2013

⁷ Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Mateo 7:7 Iomraidhean Croise

Mateo 18:19

Nataq'en qami' shinapegalo da huo'otaq huo'oi caua dos da qoñiita nagui da ñaq huetra'a ana 'alhua da huo'otaq ÿataqta qan'aqtaxaachigui ca qaiÿaxanaique da natame'n, nachi ñi ita'a mayi neta'ague da piguem, ñimayi ÿan cam qaiÿaxanaique.

Mateo 21:22

Qataq 'enauac nam qami' qauÿaxañiÿaique da qanqouagaxauñiitac, da ÿataqta qau'amaqchiñi, nachi ishit da qauacoñiiguet.

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

Mateo 7:11

Yi qami' matem qami' qauemaiqa, qalaq qauaÿajñi da qai'añiim ca no'on cam qai'alqui. Qaq ¡táloxochiyictoxo' da saq ÿacteec ñim qadta'ai mayi neta'ague da piguem da ishit da ÿanem ca no'on cam iÿaxanot ñimayi!

Mateo 7:8

Cha'ayi cam deÿaxan, qalaq ÿaconguet ca iÿaxanaique; qataq cam demitaxan, qalaq ÿanata ca nmittaique; qataq ca itoqneu'a ca lasom, qalaq qanauateguet.

Marcos 11:24

Qaq ÿoqo'oyi qami' shinapegalo da 'enauac nam qauÿaxañiÿaique da qanqouagaxauñiitac, da huo'otaq ÿataqta qau'amaqchiñi da qauacoñiiguet, nachi ishit da ipacchigui.

Lucas 13:25

Cha'ayi que'eca lma' ca noÿic, da ime da ñishiguem, nachi ÿapogui ca lasom ca lma', nachi qami' mayi qaupa'aitauec nachi qauÿaxañiitapegueu'a que'eca lasom. Qaq qoñiita': “'Am qadataxala', qomi' 'anauategueta.” Qalaxayi camayi ÿasat, 'eeta': “Aque', sa saÿaten ca qauachigoqoita'ague qami'.”

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Juan 4:10

Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Romanos 3:11

qataq sa ishit da huo'o ca chochi 'oonolec da nshitaique da huo'o ca ÿaÿaten, qataq sa ishit da huo'o ca nmitaique ñi Dios.

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Santiago 5:15

Qaq da ÿataqta huelec da lpi'iÿaxac namayipi da nqouagaxauen, nachi de'eda nqouagaxaunaxac nca'alaxateec ca dalolaxaic. Qaq ñi qadataxala' Dios nachaalataxaañi. Qaq da huo'otaq huo'o ca lasouaxashit camayi, nachi qaÿapalaxat.

1 Juan 3:22

Qaq ñimayi ishit da qomi' ÿanema 'enauac cam seÿaxanqaique, cha'ayi ÿataqta salaxasoxoguet nam lamaxasoxonaxacpi, qataq so'otaq cam ÿaÿamaxadeeta ñimayi.