Mateo 7:3 - Nuevo Testamento Toba Sur

³ Qataq ¿tá'ainco' yi ishit da 'auamata'a cam 'auaqpi lsochi mayi huetangui ana l'aite ca 'adqaÿa, qaq sa ishito' da 'aula'a cam qo'ipaq lta'adaic mayi huetangui ana maichi 'ad'aite?

Nuevo Testamento Toba Sombrero Negro

³ ¿Toqoch'e adema'a da'me auec'aten ga'me letauoĝojec ga'me adaqaya jo'ne netaye jaga'me 'laete, qama'te ja auetaden da'me nach'e ena'am 'uo na'me mach'e adetauoĝojet jo'ne t'adaic 'me am netaye?

La'aqtaqa Ñim Lo'onatac 'Enauacna 2013

³ Qataq ¿ta'ainco' ye 'aulotagui nam qauem maye ỹo'ot ca 'arỹa, qaq sa 'ananomo' peta'a nam qalota 'auo'otpi maye qauem? 'Eeta'am da 'aula'a ca ltagoxoshet 'auaqpi lte ca 'arỹa ana la'aite, qaq sa 'ananoma ca maiche 'artagoxoshet 'epaq laỹe.

Mateo 7:3 Iomraidhean Croise

Mateo 7:4

Qaq da huo'otaq huetangui ana 'ad'aite ca qo'ipaq lta'adaic, qalaq ¿tá'ainco' da ishito' da qonapega ca 'adqaÿa da qoneta': “Ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?”

Mateo 7:5

Qaq ¡'am mayi qonetega da 'am 'eesa! 'Au'auaxaañi qome da 'anqat yi qo'ipaq lta'adaic mayi huetangui ana 'ad'aite, yaqto' ÿataqta 'anauaachiguiñi. Nachi ishit da 'anqat ca 'auaqpi lsochi mayi huetangui ana l'aite ca 'adqaÿa.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

Romanos 2:1

Qaq ÿoqo'oyi sa ishit da saqca ca 'adasouaxashit, 'am mayi 'ai'aatapigui ca lasouaxashit ca 'adÿa, nai'ctaxa da chaq negue't da qoneta. Cha'ayi da 'am 'ai'aatapigui ca lasouaxashit ca 'adÿa, nachi 'am maichi qoquetau'a da qaÿauo'o qome ca 'anhuaxanaguec, cha'ayi 'am nataq'en 'au'ottac nam 'anshitaique da 'anmit.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.