Mateo 7:22 - Nuevo Testamento Toba Sur

²² Qaq qom ivita que'eca na'a'q, qaq qalota qome na aÿim 'enapega, 'eeta': “'Am qadataxala', qomi' so'onataxanaqtega naxa da 'ad'enaxat da sa'aqtaxanaqtac, qataq da so'odaqhuec na n'ecpi leguemaxaicpi, qataq da so'otaq na n'anecpi mayi i'ot da n'aalaxa.”

Nuevo Testamento Toba Sombrero Negro

²² Qom yovita ga'me nolo' da'me 'uo da'me nec'atenaĝanaĝac qama'le qayoĝode' gaa'me jayem yiyaĝatedapecot, enapega't: «Am Jaliaĝanec, ¿qo'li ja eja da'me ja'aĝataqatac da'me adenaĝat ca'li japaĝaguenataĝanaq, nataq'aen ca'li jamaĝajoĝodegue ga'me payagodipi choqoda'me jalcote jenaĝa di'yoq da'me lañoqotaĝanaĝac joñe'me Dios?»

La'aqtaqa Ñim Lo'onatac 'Enauacna 2013

²² Qaq qom ivita que'eca na'a'q da Ñim Lo'onatac 'Enauacna nmit 'enauac na shiỹaxauapi, nache qalota qome na 'enapec: «'Am Qarataxala' maye qomi' 'aralamqa'ate, qomi' naxa 'am sa'axataqtac da sa'aqtaxanaqteguem na laỹepi shiỹaxauapi. Qomi' so'onataxanaqtega da 'are'enaxat da so'oraqauec na saqcha'a na'añaxac leguemaxaicpi, qataq so'otaqtac na sa qaỹauanapegapi.»

Mateo 7:22 Iomraidhean Croise

Mateo 10:15

Qaq ÿataqta 'eesa de'eda shinapec da qom ivita que'eca na'a'q mayi huetoigui da ñi Dios nmit 'enauacna, nachi ca nhuaxanaguec que'eca pueblo ÿataqta napacalec qome da nhuaxanaguec som shiÿaxauapi mayi netaña co'ollaxa yi Sodoma qataq yi Gomorra.

Mateo 24:36

Qalaxayi que'eca na'a'q qataq ca laloqo' de'eda, qalaq qaica ca ishit da ÿaÿaten, ivida'a na namaxashic piguem l'ecpi sa ÿaÿaten qataq na llalec ñi Dios. Chaqñita ñi ita'a mayi ÿaÿaten.

Mateo 25:11

Qaq co'ollaq qaÿata'ague, nachi nvildeuo soua lÿa't qa'añole. Nachi deÿaxaata'pe, 'eeta': “¡'Am qadataxala'! ¡Ña qomi' 'auauategueta!”

Mateo 7:21

Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

Lucas 10:12

Qaq qami' sa'axatema da que'eca pa'ateec na'a'q, da nhuaxanaguec que'eca pueblo ÿataqta napacalec da nhuaxanaguec so shiÿaxauapi mayi lma' so la ciudad Sodoma.

Juan 11:51

Qaq so Caifás sa ishit da huo'otaq maichi ndojlec de'eda 'enapec, cha'ayi somayi nachiso so lataxala' na ntaxaÿaxanaxanecpi se'eso vi'i. Qaq ñi Dios nachi i'aqtaxanaxanec somayi da so Jesús, somayi ileualec 'enauac nam judiopi;

1 Ts 5:4

Qalaxayi qami' qadqaÿa't, sa ishit da qoviitaigui ca 'ico' napalaxa, yaqto' que'eca na'a'q, lvidaxaqui so qadataxala', sa ishit da qami' ique'elaxa't, 'eeta'am cam cachaxaic.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Timoteo 1:18

Qaq ñi Dios itauan qome somayi que'eca pa'ateec na'a'q, da yaqto' ÿaconguet da lchoxonnataxanaxa. Qaq 'am mashi 'auaÿateeta somayi da ÿataqta saqalota da ltaunaxanaxac, co'ollaq 'am soota'aguet na Éfeso.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.