Mateo 7:2 - Nuevo Testamento Toba Sur

² Cha'ayi ñimayi da qami' nmi't, qalaq i'enaxatteguet da 'eetec da qanmichi ca qadÿai, qataq i'enaxatteguet cam qami' qaualoqnaxañiÿa da qanaloqñi ca lataxac ca qadÿai.

Nuevo Testamento Toba Sombrero Negro

² Qa'a Dios ami naloqote'n qomle, qama'le yaloqochichigui da'me mach'e adaloqotenaĝanaĝaqui qom analoqochiñe' jogaa'me adaqayadi'; yaloqochichigui da'me adapogoqotaĝanaĝaqui jo'ne auañema nale gaa'me adaqayadi', qama'le nach'e naq'aeta da'me ami qo'yeteque qomle.

La'aqtaqa Ñim Lo'onatac 'Enauacna 2013

² Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Mateo 7:2 Iomraidhean Croise

Mateo 6:14

Cha'ayi da qami' qauchoxoyiñi cam sa ÿaÿamaxañi mayi qami' i'oteque cam qadÿai, nachi ishit da qami' ichoxode'n nataq'en ñi qadta'ai mayi neta'ague da piguem.

Marcos 4:24

So Jesús nataq'en 'enapeco': –Ÿataqta qauloitelec qome ca qau'aqaichigui. Cha'ayi cam qadaloqnaxanaxaquii da huo'o ca qai'añiiuec, camayi nachica ca ipagaqchiichigui ñi Dios, da huo'o ca qami' ÿanema. Qataq ÿataqta nquicteec ca qami' ÿanema, qami' mayi qan'axaÿaxañiitac.

Lucas 6:38

Qauauo'oi ca qai'añiim ca qadÿai, yaqto' ñi Dios huo'o ca qami' ÿanema. Ca qami' ÿanema ÿataqta nlaqchigui naq'en ca qadachoxonaxaquii, qantoqoochiguiñi qataq qaipataqta't, imootapeguelec naq'en. Ñimayi ipagaqchiichigui yi lcata cam 'ai'anem ca 'adÿa, qaq nachiyi 'am ÿami'.

2 Corintios 9:6

Qaq qauennachiÿa'a qome de'eda shinapec, 'eeta': Ca saq 'amaqtaq ca ÿaañi, qaq nataq'en saq 'amaqtaq ca nqat; qaq ca qalota ca ÿaañi, qaq nataq'en qalota ca nqat.

Santiago 2:13

Cha'ayi ca sa ishit da ichoxoden ca lÿa, nachi qai'enaxatteguet qom qanmit. Sa ishit da qaichoxonnai'. Ÿoqo'oyi ca huo'o da lchoxonnataxanaxa, ÿataqta saqca ca da qom qanmitna.

Apocalipsis 18:6

Qaq qaushiichiñiÿa'aguet qome yimayi, ÿataqta qau'enaxachiiteguet da 'eetec naq'en nam laÿipi. Qalaxayi ÿataqta ÿacteec qanqashiñi cam qai'añiim yimayi, 'eeta'am da 'eetec da ÿataqta qauallicñiÿa't na ÿotta'a't qui'aq lataxa, da yaqto' qai'añiim.