Mateo 7:15 - Nuevo Testamento Toba Sur

¹⁵ Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec.

Nuevo Testamento Toba Sombrero Negro

¹⁵ “Achiya'agueta gaa'me qovinaĝanaĝayaqa jo'ne eetapela'ajalo 'yaĝatetedac ñe'me Dios, jo'ne nojomaĝaquidi'ña da'me 'naĝanaĝate 'loyaĝac da'me ami nec'atalo, qalaĝaja naqaegaua yejidi jo'ne diquiya'ape.

La'aqtaqa Ñim Lo'onatac 'Enauacna 2013

¹⁵ ¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Mateo 7:15 Iomraidhean Croise

Mateo 10:17

Qaq maxatchaxa qome, cha'ayi na shiÿaxauapi qome ishit da qami' ÿaneu'alo na nta'alpi mayi i'ot na lataxacpi, da yaqto' qami' qaiuaxaata'pe da huaigui ana laponaxaquipi na judiopi.

Mateo 16:11

Qataq ÿoqta da sa ishit peta'a da qauaÿajñiiguet da aÿim sa ishit da shiitega aca yi'oqchigui pan can shiitegalo qami' da maxatchaxa qome da qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Mateo 24:11

Qataq qalota qome na tenataxanaxaicpi na nachaxan, 'eetega da l'aqtaxanaxanecpi ñi Dios, nachi ÿataqta qalota qome na ÿatenachit shiÿaxauapi.

Mateo 7:14

Qaq ñim lasom qataq so nqa'aic mayi taÿa'a da nca'alaxa, qalaq ÿataqta qapi'olec qataq sa lca'ague. Qaq ÿataqta saq 'amaqtaq nam ÿanata.

Lucas 12:15

Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

Lucas 6:26

Qataq choxodaxasodo' qami' qom no'on 'enauac da qan'aqtaguiiqui, cha'ayi nachida da 'eetec som hua'au lta'alpi namayipi, som tenataxanaxaicpi mayi 'enapec da l'aqtaxanaxanec ñi Dios.

Juan 10:12

Qaq cam chochi do'onataxaatapeguelec aca lashiue, camayi da huo'otaq ila'aguet cam dequi'iÿapec, nachi camayi n'onaxatchigui aca qaguetapi da datauec, cha'ayi camayi sa ishit da ÿoqta l'o ana qagueta, qataq sa ishit da ÿoqta lalamaqtepi anamayi. Nachi cam dequi'iÿapec ishit da ÿaconeu'a ana qaguetapi qataq ilagaxatapec.

Hechos 13:40

Qaq ÿoqo'oyi maxatchaxa qome da qoñiita, ten qom qami' tachiguilo naua l'aqtaqa som l'aqtaxanaxanecpi ñi Dios, mayi 'eeta':

Hechos 13:6

Nachi soomayi co'ollaq ime da i'axasoxoodelec aso ÿaqa'ata 'alhua, nachi qaivitta'a yi la ciudad Pafos. Qaq huaña yimayi, nachi qanatenalec so judío l'ec, l'enaxat Barjesús, pi'oxonaq, somayi ÿataqta tenataxanaxaic, 'eetega da l'aqtaxanaxanec ñi Dios.

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

Efesios 5:6

Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq.

Filipenses 3:2

Qaq maxatchaxa, qadvichiÿa'aguet qome na 'eeta'am da lataxac na pioxotpi, qataq i'otta'pe naua qauema, qataq ipelectac na n'oc.

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

2 Timoteo 4:3

Cha'ayi huo'o qome ca na'a'q da na shiÿaxauapi sa ishit da ishiteguet da napaxaguenataxanaxac no'oita. Chaqdata da n'axaÿaxaata'a ca maichi lqopitaxanaqtaic, qataq nmitta'a da ÿotta'a't naq'en na napaxaguenaxala' da qaÿapaxaguenec cam n'axaÿaxaata'ai.

2 Pedro 3:17

Qaq ÿoqo'oyi qami' ÿaqaÿadolqa, nagui da mashi qauaÿajñiitac de'eda, qaq no'on da ÿataqta qanchilliila't, da yaqto' sa ishit da chochi qami' ÿauecta'pe da latenataxanaxac na shiÿaxauapi qauemaicpi, nachi ishit da qoquiÿa'ai da qad'amqajnataxanaxaqui.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

Apocalipsis 16:13

Huaña, nachi sauaachigui na alap so 'ico' da'ail'oc, qataq som shiguiÿac, qataq som 'eetega da l'aqtaxanaxanec ñi Dios, da chigoqtoiguilo soua n'eco leguemaxaiqa, 'eeta'ama ana miÿo.

Apocalipsis 17:6

Qaq can ime, nachi aÿim ñanoma da asa'aso 'alo taxai. Asomayi itaqchit na ltago'q nam lalamaxatpi ñi Dios qataq nam qaÿalauatpi souaxat da i'axattac so Jesús. Qaq can sauaachigui de'eda, nachi ÿataqta huo'o da i'aalaxa.

Apocalipsis 19:20

Qaq se'eso shiguiÿac, qalaq qaicoñi', nataq'en so 'eetega l'aqtaxanaxanec ñi Dios mayi i'ottac na n'anecpi mayi sa qaÿauanapega da yaqto' qai'amaqten so shiguiÿac. Qaq chigoqchigui ne'ena n'anecpi se'eso 'eetega da n'aqtaxanaxanec da ÿatenachit nam nashiiteguet aso l'anaxanaqte so shiguiÿac, qataq da ÿi'oxoden so n'enaqtac lqui'i. Qaq se'eso shiguiÿac qataq som 'eetega da n'aqtaxanaxanec, soomayi nachi nca'altrauec qanqoÿin da qaÿasaxayingui so lta'adaic nodec mayi huaña da ÿavictac na quiquiaxadaic.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.