Mateo 6:5 - Nuevo Testamento Toba Sur

⁵ Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Nuevo Testamento Toba Sombrero Negro

⁵ “Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

La'aqtaqa Ñim Lo'onatac 'Enauacna 2013

⁵ Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Mateo 6:5 Iomraidhean Croise

Mateo 21:22

Qataq 'enauac nam qami' qauÿaxañiÿaique da qanqouagaxauñiitac, da ÿataqta qau'amaqchiñi, nachi ishit da qauacoñiiguet.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Mateo 23:6

Qataq nqopita nam so'onqa' mayi ÿataqta ÿi'oxodaq da huo'o na nqui'axac, qataq nam so'onqa' mayi huo'o da lli'oxoyic nam laponaxaquipi na judiopi.

Mateo 6:1

Sa ishit qome da qanachaxañiita da huo'otaq qau'ochi da qad'amqajnataxanaxaqui, da yaqto' qami' ÿauaachiguilo na shiÿaxauapi. Cha'ayi da nachi qoñiitec de'eda, nachi ñi qadta'ai mayi neta'ague da piguem, ñimayi sa ishit da ÿauo'o ca qanshiitenaguiiqui.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Mateo 6:2

Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.

Mateo 9:38

Qaq ÿoqo'oyi qami' qauÿaxañiÿot qome ñim lalamaxat na nanguishic, da yaqto' ñimayi namaq cam 'onataxanaxaicpi.

Marcos 11:25

Qaq da huo'otaq qanqouagaxauñiitac, nachi da huo'otaq huo'o ca qanasouaxachiÿa'ai' qadÿai, qalaq camayi qauchoxoyiñi, yaqto' nataq'en ñim qadta'ai mayi neto'ot na piguem, ñimayi ishit da ÿapalaxat ca qadasouaxashichi.

Marcos 12:38

Qaq so Jesús co'ollaq ÿapaxagueetac so shiÿaxauapi, nachi 'enapeco': –Ÿataqta qadvichiÿa'a qome na dapaxaguenataxaatapeguec na nqataxacpi, cha'ayi namayipi ÿataqta nqopita da logodaiqa naua alogo, qataq nqopita da huo'otaq huetangui na nqa'aic nachi qaiyaata da qaiquin.

Lucas 11:43

¡Ÿataqta choxodaxasodo' qami' mayi qaualliquiitaigui na fariseopi! Cha'ayi qami' qadqopitaxachi da qanso'oñiingui ana nso'onaxaqui nam ÿataqta ÿi'oxodaq añi laponaxaqui na judiopi, qataq da ÿataqta qami' qaÿi'oxode'n da qami' qaiqui'n da huangui na nqa'aic.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Lucas 18:13

Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

Lucas 20:47

Nataq'en namayipi ÿataqta iÿalaxat na huetañalo naua lma'te nam pa'aipi, nachi namayipi chochi nqañoxotoigui da i'ot da ÿataqta logodaic naq'en da nqouagaxaunaxac. Qaq ÿataqta ÿacteec qome da nhuaxanaguec namayipi.

Lucas 6:24

Qalaxayi choxodaxasodo' qami' mayi qami' sallaxanecpi nagui, cha'ayi mashi huo'o da qadamaiqui.

Juan 16:24

Qaq chochi ivitta'a nagui da qami' saxanaxa da huo'o ca qauÿaxañiÿaique da qoviilec da i'enaxat. Qaq qauÿaxañi qome, nachi qauacoñiiguet ca qauÿaxañiÿaique, yaqto' ÿataqta qami' nlaqchiguilo da qantonaxaqui.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

1 Ts 5:17

Qoquiitot da qanqouagaxauñiitac.

Santiago 4:6

Qalaxayi ñi Dios ÿacteec da lqouagaxanaqtaic da qomi' itaua'n. Cha'ayi ana'ana ñiyiguishi 'eeta': “Ñi Dios nachaata'aguet ca n'amqajnaxaic, qalaxayi nqouaguec da itauan ca ÿataqta sa n'amaqten.”