Mateo 6:34 - Nuevo Testamento Toba Sur

³⁴ Qaq sa ishit qome da qami' ÿaquicoqchi't cam huaigui ca lÿa na'a'q. Cha'ayi ca lÿa na'a'q ÿataqteguet cam huaigui lqalaic. Qaq ñi 'oonolec na'a'q mashi 'eeso'oya' cam huaigui lqalaic.

Nuevo Testamento Toba Sombrero Negro

³⁴ Ena'te aueyachitapiye't qa'a jouaĝat qom 'yoĝoñi, qa'a qom nete' 'uo ga'me adedaqa' da'me aueyachitapiye't. Yemeda naa'me noloqo'ote nalochilo gaa'me qayoĝode' laqalaico.

La'aqtaqa Ñim Lo'onatac 'Enauacna 2013

³⁴ Qaq ỹoqo'oye saishet qome da leetapigui ye qarvilli cam huaigui ca lỹa na'a'q. Cha'aye ca lỹa na'a'q huo'o ca maiche lalamaxat da huaigui. Qauennachiỹa'a da mashe qalota na seviraxaguet lqalaicpi ye 'oonolec na'a'q.

Mateo 6:34 Iomraidhean Croise

Mateo 6:11

Ña qomi' 'anañanema na na'a'q ca sachiguenaq mayi souenaqtac.

Mateo 6:25

Qaq ÿoqo'oyi nagui qami' shinapegalo da sa ishit qome da qami' ÿaquicoqchitta'pe cam qolliqui qataq cam qanÿomiigui mayi qaviñiitac, qataq cam qodogoxochi. Cha'ayi da achaalataxac sa ishit da 'eeta'am cam qanallic, qataq da n'oquiaxac sa ishit da 'eeta'am cam nogoxot.

Mateo 6:27

Cha'ayi ¿négue't ca 'oonolec da qoñiita da huo'otaq ÿapacteec da lhuogoqchic, nachi ishit da nquigaxatshiguem da lalogaxa?

Lucas 10:41

Qalaxayi so Jesús, 'enapeco': –Marta, Marta, ÿataqta 'admela't, qataq 'am ÿaquicoqchit nam qalota 'addaxacpi.

Lucas 11:3

Ña qomi' 'anañanema cam chochaq huañi qonoq na na'a'q.

Lucas 12:11

Qaq qom ivita da qami' qaÿauegueu'alo anam laponaxaquipi na judiopi huo'otaq nam nta'alpi qataq nam nataxala'pi, qalaq sa ishit qome da tatapigui qadvilli cam qadasataxaqui qataq cam qoñiÿapec.

Lucas 12:22

Qaq co'ollaq ime, nachi so Jesús 'enapega som lapaxaguenatacpi, 'eeta': –Nagui qami' shinapegalo: Sa ishit qome da qami' ÿaquicoqchi't cam qonoqoi qataq cam qanapoiña.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

1 Pedro 5:7

Qataq 'enauac na qauennachiitapega ÿataqta qaumachiÿo'ot ñi Dios, cha'ayi ñimayi ÿataqta qami' ÿoqocha'alo.