Mateo 6:25 - Nuevo Testamento Toba Sur

²⁵ Qaq ÿoqo'oyi nagui qami' shinapegalo da sa ishit qome da qami' ÿaquicoqchitta'pe cam qolliqui qataq cam qanÿomiigui mayi qaviñiitac, qataq cam qodogoxochi. Cha'ayi da achaalataxac sa ishit da 'eeta'am cam qanallic, qataq da n'oquiaxac sa ishit da 'eeta'am cam nogoxot.

Nuevo Testamento Toba Sombrero Negro

²⁵ “Chane'eja, ami ja'aĝatema: ena'te diyachitapiyelo naa'me adai'lidi' qa'a jouaĝat da'me at'oyaĝaqui qom qaya'te aualiqui, uotaĝa ga'me aniyomiyigui uotaĝa ga'me adeuodi'. Qa'a da'me qat'oyaĝac, ¿qo'li ja napacalegue ga'me qoyalic? Nataq'aen da'me qanejiyaĝauayaĝac, ¿qo'li ja napacalegue ga'me qoyaiñe?

La'aqtaqa Ñim Lo'onatac 'Enauacna 2013

²⁵ Qaq ỹoqo'oye nagui qami' shenapegalo da saishet qome da nachaqrata da qauennacheetega cam qolliqui qataq cam qanỹomiigui, qataq cam qorogoxoche maye qaviñiitac. Cha'aye, ¿qaỹo'ot peta'a da achaalataxac da yaqto' nachaqrata da lquia'axac? Qataq ¿qaỹo'ot peta'a da no'ocỹaxac da nachaqrata da qano'otaxanaxaatac?

Mateo 6:25 Iomraidhean Croise

Mateo 10:19

Qalaxayi da ivita da qami' qoÿaneu'alo ne'ena nta'alpi, qalaq sa ishit qome da qami' ÿaquicoqchi't cam 'eetec ca qadtaxaÿaxaqui, huo'otaq ca qad'aqtaqui. Cha'ayi da ivita ca laloqo' da qautaqai, qalaq ñi Dios qami' ÿanema cam qad'aqtaqui.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Mateo 6:31

Qaq ÿoqo'oyi sa ishit qome da qami' ÿaquicoqchi't da qoñiita': “¿Chaq negue'to' ca sachiguenaq, huo'otaq cam ñiÿomaxagui? qataq ¿chaq negue'to' cam ñapoxoña?”

Mateo 6:34

Qaq sa ishit qome da qami' ÿaquicoqchi't cam huaigui ca lÿa na'a'q. Cha'ayi ca lÿa na'a'q ÿataqteguet cam huaigui lqalaic. Qaq ñi 'oonolec na'a'q mashi 'eeso'oya' cam huaigui lqalaic.

Marcos 13:11

Qaq qom ivita da qami' qoÿaneu'alo na nta'alpi, qalaq sa ishit qome da qami' ÿaquicoqchi't cam qad'aqtaqui, ÿataqta sa ishit qome da tatapigui yi qadvilli. Chaqdata da qau'axachi cam qami' ÿanema ñi Dios, cha'ayi sa ishit da nachiqami' da qautaqai, cha'ayi nachiso so Espíritu Santo som detaqa.

Marcos 4:19

Qalaxayi ÿapacteec da ime'eguet na chochina huetalec ana 'alhua, qataq anac da nsallaxa ÿatenachit, ivitta'a da nqopita 'enauac na chochinasat. Nachi 'enauac ne'enapi ÿapolec da n'aqtac, nachi sa ishit da ÿauo'o ca alaÿaxac naq'en que'eca shiÿaxaua.

Lucas 12:11

Qaq qom ivita da qami' qaÿauegueu'alo anam laponaxaquipi na judiopi huo'otaq nam nta'alpi qataq nam nataxala'pi, qalaq sa ishit qome da tatapigui qadvilli cam qadasataxaqui qataq cam qoñiÿapec.

Lucas 8:14

Qaq asom nanguishi mayi tajlec som 'alhua mayi huo'o ana ÿaxat, qalaq naigui ca shiÿaxaua mayi n'axaÿaxaatega da n'aqtac. Ime, qaq jec, qaÿata'ague nachi qaÿapolec da n'aqtac souaxat da lqochoxo nam huetalec ana 'alhua, qataq dam nsallaxa, qataq dam lqopitaxanaqtaic 'enauac na chochina qauem. Qanachi sa ishit da huo'o ca alaÿaxac naq'en da n'aqtac.

Romanos 8:32

Cha'ayi ñim Dios mayi ÿataqta sa ÿauota'ac so lalamaxat llalec, chaqdata da ÿanguet da nalaataguec souaxat da shinaqta. Qaq ¿táloxochiyictoxo' da sa lÿateec naq'en so llalec da qomi' ÿanema 'enauacna, da yaqto' qadalamaxat?

1 Corintios 7:32

Ñishitaique da ÿataqta qami' huosochiyiñi, qaica ca qami' nqanaxa't. Ca shiÿaxaua da ñaq lamaxaic, ÿataqta nalamaqteguet da quetague' so qadataxala', cha'ayi nshitaique da qaÿaÿamaxadeeta.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

2 Timoteo 2:4

Cha'ayi ca ale, da qaÿamaqtac, sa ishit da maichi ncoñida'aguet ca maichi l'onataxanaxac, cha'ayi mashi huetañot da lamaxasoxonaxac so huataxanaq lta'a.

1 Pedro 5:7

Qataq 'enauac na qauennachiitapega ÿataqta qaumachiÿo'ot ñi Dios, cha'ayi ñimayi ÿataqta qami' ÿoqocha'alo.