Mateo 6:23 - Nuevo Testamento Toba Sur

²³ Qalaxayi naua 'ad'ai'te, da huo'otaq sa ÿaÿama'q, nachi 'enauac da 'ad'oquiaxac huetaigui na napalaxa. Qaq ÿoqo'oyi na yi'oqchiguiñi mayi 'am hueto'ot, da huo'otaq napalaxa, nachi ¡ÿataqta ÿapacteec na napalaxa mayi qouetaigui!

Nuevo Testamento Toba Sombrero Negro

²³ qalaĝaja qom ja 'noe'n naa'me at'ae'te, qama'le yema da'me at'oyaĝac uetaue da'me 'lalaĝa. Chane'eja, qom ga'me 'yoqochiñe 'me te'me am netaye taya da'me 'lalaĝa, qama'le ¡yataqachiñe napidiyi ga'me 'lalaĝa 'me am netaye!

Mateo 6:23 Iomraidhean Croise

Mateo 20:15

Cha'ayi ¿sa ishito' peta'a da aÿim maichi soiqueetac ca sangui aca maichi aÿom? ¿Loqo' chaq 'am 'adquiÿatega peta'a da souaxat da aÿim choxonnataxanaxaic?”

Mateo 6:22

Naua 'ad'ai'te, naamayi 'eeta'ama aca coÿadaxanaxaqui mayi icoÿadelec da 'ad'oquiaxac. Qaq naamayi da huo'otaq ÿaÿamaqte', qaq nataq'en 'enauac da 'ad'oquiaxac huetaigui na yi'oqchiguiñi.

Marcos 7:22

qataq da ncachaxac, qanqopitta'a ca ÿaqa'a, qataq na qauemsat, natenataxanaxac, nqopitaxanaqtaic, nquiÿaxanaqtaic, qai'axat ca saq 'en, 'amqajnaxac, sa daÿajnataxan.

Lucas 11:34

Naua qad'ai'te nachinaua na 'eeta'ama aca ncoÿadaxanaxaqui mayi icoÿadelec ca shiÿaxaua. Qaq naua 'ad'ai'te da huo'otaq sa ÿaÿama'q, nachi 'enauac da 'ad'oquiaxac huetaigui na napalaxa.

Lucas 8:10

Nachi somayi 'enapeco': –Ñi Dios qami' ÿaÿajnaxanaxanque nam saq cha'api lataxac da l'onataxanaxac. Qaq nam laÿipi qalaxayi sauota'a ÿaloqnaxanaxat da setaxaigui, yaqto' namayipi da demejnaxaatac qalaq 'eeta'am da sa nauaañi, qataq da hua'aqtac qalaxayi sa ÿaÿaten cam qai'axat.

Romanos 1:22

Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec.

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

Efesios 4:18

qataq da lauattonaxanaxac 'ico' huetaigui na napalaxa. Namayipi sa ishit da hueto'ot da achaalataxac mayi chigoqo'ot ñi Dios, cha'ayi qaica ca ÿaÿajnapec, souaxat da ÿataqta qadamchiguilo naua lquiyaqte.

Efesios 5:8

Cha'ayi qami' co'ollaxa qoviitaigui na 'ico' napalaxa, qalaxayi nagui da qami' qan'ayiitau'a so qadataxala', nachi qoviitaigui na yi'oqchiguiñi. Qaq ÿoqo'oyi qami' qau'enaxachiichigui qome ca shiÿaxaua mayi huetaigui na yi'oqchiguiñi.

1 Juan 2:11

Qaq cam nquiÿata'ai' ca lqaÿa, qalaq camayi nachattaigui na napalaxa, qataq sa ÿaÿaten cam tata'ague, cha'ayi nam napalaxa sa ishit da nauaañi naq'en camayi.