Mateo 6:10 - Nuevo Testamento Toba Sur

¹⁰ Ña 'anamaxaño' qome da 'ad'onataxanaxac, yaqto' i'ot ca qonetapeguec 'enauac nam huetalecna, 'eeta'am nam hueto'ot na piguem.

Nuevo Testamento Toba Sombrero Negro

¹⁰ 'Noota qom nach'e eta't qo'mi anejaliaĝatelo'te. Ga'me aleua laje'pi, 'noota qom yauote da'me adoequenataĝanaĝac, Nach'e naq'aeta nale yauote gaa'me neteda'ague di'me piyem.

La'aqtaqa Ñim Lo'onatac 'Enauacna 2013

¹⁰ Ña 'auanac yaqto' 'am 'oonolec da 'am Qarta'a maye ỹataqta ỹactec da 'ara'amaqchec. Yaqto' 'enauac na shiỹaxauapi maye huetalec ana 'alhua 'am ỹalaxaguet, 'eeta'am da lalaxayec nam hueto'ot na piguem.

Mateo 6:10 Iomraidhean Croise

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Mateo 16:28

Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

Mateo 26:42

Nachi qaltaq ÿi'iguelaxalec da nqouagaxauen, 'eeta': –'Am ita'a, qom huo'otaq ishit da sepaca'aguet da ñique'etaxangui de'eda ñi'iguenataguec, qalaxayi no'on qome da 'au'ot ca maichi qonetapeguec.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 7:21

Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

Marcos 11:10

¡Ÿataqta no'on dam natai' n'onataxanaxac, mayi 'eeta'am da l'onataxanaxac so qadta'a David! ¡Huo'o da lli'oxoyic ñi Dios!

Marcos 3:35

Cha'ayi ca i'ot ca 'eetapeguec ñi Dios, qaq nachica ca 'eeta'am ca ÿaqaÿa, qataq aca ÿate'e.

Lucas 19:11

Qaq so shiÿaxauapi co'ollaq ñaq queta da n'axaÿaxaatega so Jesús, nachi somayi ÿauo'o da daloqnaxana, cha'ayi souaxat da mashi sa qaÿapeque yi Jerusalén. Cha'ayi somayipi ipi'itaxaatega da mashi ivita ca laloqo' da ñi Dios ilo'ogue 'enauacna.

Lucas 19:38

Nachi qoÿiita': –¡Ÿataqta no'on da lliquiaxac na qadta'a mayi nactaigui da l'enaxat ñi qadataxala'! ¡Huo'o qome da nlagaxayic na piguem, qataq da lli'oxoyic ñi Dios!

Lucas 22:42

Nachi 'eeta': –'Am ita'a, da 'aushit, qaq no'on da sa ishit da aÿim 'apagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot ca maichi shiitapeguec, chaqcata cam qonetapeguec.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Hechos 13:22

Qaq co'ollaq ime, nachi ñi Dios nqat somayi da yaqto' sa nta'a, nachi ÿanem namayipi da lta'a naq'en so David. Cha'ayi ñimayi 'enapeco': “Nagui sanata ñi David ñim Isaí llalec, ñimayi ÿataqta saÿamaxadeeta, cha'ayi ÿataqta i'ot qome 'enauac nam shiitapeguecpi.”

Hechos 21:14

Qaq cha'ayi sa ishit da qomi' ÿalaxagueta so Pablo, nachi saxanaxañi, nachi shinaqtega, shinaqta': –Hua', no'on da ÿataqta ipacchigui ca 'eetapeguec ñi qadataxala'.

Hechos 22:14

Nachi somayi aÿim 'enapega, 'eeta': “Ñim nDios som hua'au qadta'alpi, ñimayi 'am lca'aguishic co'ollaxa, cha'ayi nshitaique da yaqto' 'am 'auaÿaten cam maichi 'eetapeguec ñimayi, qataq da 'anauane' som no'on da lataxac, qataq da yaqto' 'an'axaÿaxana somayi da 'am detaxaÿot.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Efesios 6:6

Da qau'onataxañiitac, qalaq sa ishit da chaqdata da qami' ilotaguilo namayipi da chochi qauauoitaique da qami' ÿaÿamaxadeete'. Chaqdata da 'eeta'am da qami' l-lataqa so Cristo da ÿataqta imauec da qadquiyaqteÿaxaqui da qau'ochi 'enauac na 'eetapeguecpi ñi Dios.

Colosenses 1:13

Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

1 Ts 4:3

Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

1 Ts 5:18

Nai'ctaxa da huo'o na qami' huelguete, qalaxayi nachi 'en'am qai'añiitacot da qan'achiquiaxaqui ñi Dios. Cha'ayi nachida da 'eetapeguec ñi Dios da qoñiita, cha'ayi mashi qau'amaqchiñi so Cristo Jesús.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

Hebreos 10:7

Nachi aÿim shiita': “Aÿim nagui ñanac, da yaqto' so'ot ca qonetapeguec, 'am ita'a Dios, cha'ayi nachida da qoÿittañi ÿiquiaxac nam 'ad'aqtaqa mayi nanettrañi.”

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

1 Pedro 2:15

Cha'ayi ñi Dios nshitaique da qami' qau'ochi ca ÿaÿamaqchiguiñi, yaqto' qaica ca llic naq'en ca l'aqtac nam qaica ca ÿaÿajnapec qataq 'oopaicpi.

1 Pedro 4:2

da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 12:10

Nachi sa'axaÿa so n'aqtac ÿataqta alam, chimqot na piguem, 'eeta': –Mashi nvi' da nca'alaxa, qataq da n'añaxac, qataq da l'onataxanaxac da ilo'ogue 'enauacna ñi qadta'a Dios, qataq da lamaxasoxonaxac som namaq nta'a nca'alaxaqui. Cha'ayi mashi qaÿamaqhuec som ÿasaqtapeguelec na lasouaxashit na qadqaÿañicpi som na'axa'tesa'chi qataq pesa'chi da ÿi'iguelaqtau'a ca netaña ñi qadta'a Dios.

Apocalipsis 19:6

Qaq nataq'en sa'aqchigui na l'aqtacpi na 'eeta'am na qalota shiÿaxauapi, qataq 'eeta'am da l-lamaxa na lta'adaic l'auaxac qataq na lta'adaic nalataxa, 'eeta': ¡Shi'oxonnataxanaq! Cha'ayi ivita yi laloqo' da ilo'ogue 'enauacna ñim qadataxala' Dios mayi qaica ca ÿaqalanapec.

Apocalipsis 20:4

Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.