Mateo 5:9 - Nuevo Testamento Toba Sur

⁹ Qataq ÿataqta machiguiñi qome nam huetapec da yaqto' huo'o ca nlagaxayic, cha'ayi ñi Dios ÿamata'ac qome da ÿataqta llalaqpi.

Nuevo Testamento Toba Sombrero Negro

⁹ “Nataq'aen made'tapolqa qomle gaa'me jo'ne 'yetedac da'me 'nemaĝac, qa'a Dios e'n lec'oqo'tolqa jogaa'me.

La'aqtaqa Ñim Lo'onatac 'Enauacna 2013

⁹ Ñim Lo'onatac 'Enauacna ỹaalec da nqouagaxa nam do'onataxaatacpi da yaqto' huo'o ca nlagaxayec ana 'alhua, cha'aye namayepi da qaiỹaxana qalaq ỹataqta llalaqpi Ñim Lo'onatac 'Enauacna.

Mateo 5:9 Iomraidhean Croise

Mateo 5:45

Qaq yaqto' ÿataqta qami' llalqa ñim qadta'ai mayi neta'ague da piguem. Cha'ayi ñimayi icoÿadelec naq'en añi nala' ca qauemaic qataq ca soxodaic, qataq da namaq na auot, qalaq talec naq'en cam no'on da lataxac qataq cam qauem da lataxac.

Mateo 5:48

Qaq ÿoqo'oyi ÿataqta nalochiguiñi qome da qadataxaqui, yaqto' qoñiita'am da lataxac ñim qadta'ai mayi neta'ague da piguem da ÿataqta nalochiguiñi.

Lucas 20:36

Cha'ayi huaña, qaq sa ishit da huo'o ca ileu. Cha'ayi namayipi 'eeta'am nam piguem l'ec lamaxashicpi ñi Dios. Cha'ayi mashi qaltaq qanca'alaxateec, nachi namayipi ÿataqta llalaqpi ñi Dios.

Lucas 6:35

Qalaxayi qami' ÿataqta qauauochiic ca qami' ipa'agueeta'pe, qataq qauaÿamaxachiita ca shiÿaxaua, qataq qau'aalaxanaxañi. Qalaxayi sa ishit da chochi huo'o ca qanaquichiita'a. Qaq yaqto' ÿataqta lta'adaic ca qanshiitenaguiiqui, qataq ÿataqta qami' llalqa ñim Dios mayi 'amaqtaqaic. Cha'ayi ñimayi ÿataqta choxonnataxanaxaic, ichoxoden nam 'agaqaicpi qataq nam qauemaicpi.

Hechos 7:26

Qaq so lÿa na'a'q, nachi so Moisés ilalguete soua dos Israel lashi' deloctega't. Nachi somayi nshitaique da nmanaqchi't, nachi 'eetegalo', 'eeta': “Qami' maichi qami' nqaÿa't. Qalaq ¿tá'ainco' yi maichi qauloquiitega't?”

Romanos 12:18

Qaq souaxat da qanshiitaique da qaica ca da qanqashiñi 'enauac na shiÿaxauapi, qaq ÿoqo'oyi qan'añaxachi qome, ÿataqta cam tachiguiña ca qauañoxochi.

Romanos 8:14

Cha'ayi 'enauac nam lataxala' so Espíritu mayi chigoqo'ot ñi Dios, nachi namayipi 'enauac llalaqpi ñi Dios.

Romanos 8:16

Qataq se'eso Espíritu nachi huaxaiguet ñi qolaqpegue' qadqui'i da i'axa't da qomi' mashi qomi' llalqa ñi Dios.

Romanos 8:19

Cha'ayi ÿataqta lta'adaic da lyaxa 'enauac nam l'onatacpi ñi Dios da iuatta'a que'eca na'a'q qom ivita da na llalaqpi ñi Dios qaÿachaxan ca 'eetec ca lataxac.

1 Corintios 6:6

Da huo'o ca 'amqajnataxanaxaic huo'otaq nasouaxata'ai' ca l'amqajnataxanaxaua, qaq ¿iuen peta'a da iÿaxanot ca nta'a mayi sa da'amqajnataxan da ÿaÿamaxajñi?

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Filipenses 4:2

Qaq huo'o da ÿaqataxac aca Evodia qataq nataq'en aca Síntique da caamayi no'on da ÿataqta nhuoteeta't, cha'ayi caamayi 'eeta'ama da maichi nqaÿa't naq'en so qadataxala'.

Colosenses 3:13

Ñi 'oonolec da qoñiita ÿataqta nhualaxaune' ca lÿa qataq ichoxoden da huo'otaq huo'o ca ÿasouaxat. Da 'eetec so Cristo da qami' ichoxode'n, qaq nachida qau'ochi.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.