Mateo 5:3 - Nuevo Testamento Toba Sur

³ –Ÿataqta machiguiñi qome nam nauattootela't da iuen ca ltaunaxanaxac ñi Dios, cha'ayi namayipi huetaigui qome da l'onataxanaxac ñi Dios mayi neta'ague da piguem da ilo'ogue 'enauacna.

Nuevo Testamento Toba Sombrero Negro

³ “Made'tapolqa qomle gaa'me jo'ne natetotela'ajalo da'me youe'n ga'me lecochaĝac joñe'me Dios, qa'a nach'egaua gaa'me jo'ne uetedaue da'me lejaliaĝa ñe'me Dios 'me ne'tague di'me piyem.

La'aqtaqa Ñim Lo'onatac 'Enauacna 2013

³ Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Mateo 5:3 Iomraidhean Croise

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Mateo 11:6

Qaq ÿataqta machiguiñi qome cam sa ishit da aÿim ÿoqolguet.

Mateo 13:16

Qalaxayi qami' ÿataqta qauamaichiguiñi, cha'ayi naua qad'ai'chilli' nauaachiyiñi, qataq naua qadtelalauacolli' hua'axai'.

Mateo 19:14

Qalaxayi so Jesús 'enapeco': –Qauaqaita'a na ñaqpiolec da aÿim nau'a. Sa ishit da qauquiyoqoitapeeguet namayipi, cha'ayi ca huetaigui da l'onataxanaxac ñi Dios mayi neta'ague da piguem, camayi 'eeta'am ca 'oonolec namayipi.

Mateo 24:46

Qaq ÿataqta machiguiñi qome que'eca nlatac, da huo'otaq ivita da nvi' ca n'aco', qalaq ilalec da i'ottac cam qaÿamaxalec.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 8:11

Qaq aÿim shinapec da ÿataqta qalota qome na chigaqa'ague da yi'oxoñi qataq da avit da anac da nso'ona'ai' da lqui'axaua so Abraham, Isaac, qataq so Jacob, qom qainoxoneu'a cam l'onataxanaxac ñi Dios mayi neta'ague da piguem.

Marcos 10:14

Qaq so Jesús co'ollaq ÿauaachigui de'eda, nachi denoÿai'. Nachi 'eetegalo soomayi, 'eeta': –Ña qauauaqaita'a na ñaqpiolec da aÿim nau'a, sa ishit da sa qanashiñiiguet, cha'ayi de'eda l'onataxanaxac ñi Dios nam huetaigui nachina na 'eeta'am namayipi.

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

Lucas 18:14

Qaq aÿim shinapec da se'eso shiÿaxaua co'ollaq ÿi'iguelaxa ca lma', qalaq ÿataqta ÿaÿamaxadeeta ñi Dios, qaq sa ishit da 'eeta'am so fariseo. Cha'ayi ca maichi n'amaqten, qaq nachica cam qaica ca l'amaqchic qanqoÿin; qaq cam sa n'amaqten, qalaq nachica cam 'amaqtaq qanqoÿin.

Lucas 22:29

Qaq ÿoqo'oyi aÿim qami' sanema qome ca qad'onataxanaxaqui da qauloÿigue 'enauacna, 'eeta'am da 'eetec ñi ita'a da aÿim ÿanem da i'onataxanaxac,

Lucas 22:30

yaqto' qami' ñiuanaxa'u, qataq qami' ñiÿomaxa'u cam iqui'axala' qom mashi sootaigui ca i'onataxanaxac, qataq nataq'en qanso'oñiingui acam so'onaxaquipi mayi ÿi'oxodaq, da yaqto' qanmichi nam llalaqpi som doce llalaqpi so Israel.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Juan 20:29

Nachi so Jesús 'enapego' somayi, 'eeta': –'Am Tomás, nagui 'au'amqajnataxan, cha'ayi aÿim 'anauane'. Qalaxayi ÿataqta machiguiñi qome ca nai'ctaxa da sa ishit da aÿim ilogui, qalaxayi da'amqajnataxan.

Santiago 1:10

Nachi 'en'am ca sallaxanec, camayi no'on da ÿataqta machiguiñi qom ivita ca na'a'q da 'ico' qañi'iguelaxajñi. Cha'ayi cam hueto'ot ca nsallaxa, camayi 'eeta'am ana lauoxo na 'auaqpi da sa ishit da 'eetai'.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

Apocalipsis 19:9

Nachi som namaxashic aÿim 'enapega, 'eeta': –'Iyiñi qome da 'eeta': “Ÿataqta machiguiñi qome na qaiÿaxana da ÿalectau'a ca ladonaxac so qagueta llalec.” Nachi qaltaq aÿim 'enapega, 'eeta': –De'eda l'aqtac ñi Dios, damayi ÿataqta 'eesa.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Apocalipsis 3:17

Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.