Mateo 5:29 - Nuevo Testamento Toba Sur

²⁹ Qaq ÿoqo'oyi ana 'oiguishi 'ad'aite, da huo'otaq huo'o naq'en ca 'adasouaxashit, qaq no'on da 'anqat, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Nuevo Testamento Toba Sombrero Negro

²⁹ “Chane'eja naq'aeta, qom jana'me at'aete auayaten chiyaqayi da'me aua'uo adoec, 'noota qom anaqat qama'le auajaĝague ga'me qaya'ague; adiyamaqachiñe da'me onolec ga'me qaya da'me at'oyaĝac qama'le ja yema da'me at'oyaĝac da'me qoyajaĝaue ga'me payac 'lachaqa'.

La'aqtaqa Ñim Lo'onatac 'Enauacna 2013

²⁹ Qaq ỹoqo'oye ca ilota'a ana 'oiguishe 'ara'aite da 'am ỹo'otec da sa 'aualaxaguet Ñim Lo'onatac 'Enauacna, nache no'on da 'anqat, nache 'auỹotaxateueegue da 'auasaxauec. Cha'aye ỹaỹamaqchiguiñi da huo'o ca deqat naua 'ogoxoshe'ete, qalaxaye saishet da ỹaỹamaxañi da imauec da 'aro'ocỹaxac da qaỹasaxaña ca nhuaxanaqa' na 'etaxaloxoicpi.

Mateo 5:29 Iomraidhean Croise

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

1 Corintios 9:27

Chaqdata da aÿim souaxan da maichi i'oquiaxac da ÿataqta ÿalaq ñaq'en, yaqto' sa ishit da aÿim sa qaÿalegaqneuo qom ime da sapaxagueetac ca iÿa.

Romanos 6:6

Cha'ayi qomi' mashi saÿajnaqta da so toguishic qanachaalataxac mashi qaiuaxaneuo, lÿatchiguem so Cristo co'ollaq qaiuaxanguet so npe'enaxaqui, yaqto' da qadapachiyaxac mayi 'itaxaloxoic ishit da qanlaxajñi, yaqto' sa ishit da qomi' l-lataqa da ñi'itaxaloxo da qomi' ÿamaqta'pe da 'ico' qan'aco'.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Marcos 8:36

Cha'ayi ¿négue't ca ÿachigoxotaigui ca shiÿaxaua da huo'otaq imatta't 'enauac nam huetalec ana 'alhua, qaq da nachaalataxac daqat?

Mateo 19:12

Ÿotta'a't na lataxacpi mayi i'ot da sa ishit da deco'o naq'en ca shiÿaxaua. Cha'ayi huo'o na chigoqteuo da sa ishit da deco'o, qataq huo'o na chochi n'onatac da sa ishit da deco'o, qataq huo'o na maichi chigoqchigui da sa huadon, souaxat da l'onataxanaxac ñi Dios mayi neta'ague da piguem. Qaq ÿoqo'oyi cam ishit da i'ot de'eda sa'axattac, qaq no'on da i'ot.

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Mateo 23:15

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi! Cha'ayi qami' ÿataqta qaumachiÿa ana 'alhua qataq aso auaxai, da yaqto' ca shiÿaxaua i'amaqten qanqashiñi da qad'amqajnataxanaxaqui. Qaq da qaushichi que'eca shiÿaxaua, nachi camayi ÿataqta qau'ochiic da ÿataqta ÿacteec da nhuaxanaguec qom qaÿasaxaña ca nhuaxanqa' na 'itaxaloxoicpi, qaq saq 'en'am qome da qoñiita.

Mateo 16:26

Cha'ayi ¿négue't cam ÿachigoxotaigui ca shiÿaxaua da huo'otaq imatta't 'enauac nam huetalec ana 'alhua, qaq da nachaalataxac daqat? huo'otaq ¿chaq négue'to' ca deshiitenaxana da ñi'iguelaxajla't da nachaalataxac?

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

Lucas 12:5

Qalaxayi qami' sa'axatema cam ÿoqta ishit da qayi'iÿai, 'eeta': qayi'iÿai qome ñi Dios mayi huo'o naq 'enec da ÿamaxaña ca nhuaxanqa' na 'itaxaloxoicpi ca shiÿaxaua qom imat da nqat da nachaalataxac. Qaq 'iñi qome mayi qañi'iÿai.

Mateo 5:30

Qataq na 'oiguishic 'adhuaq, da 'am ÿanataxajñi, nachi no'on da 'auquesoxouec, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Mateo 11:6

Qaq ÿataqta machiguiñi qome cam sa ishit da aÿim ÿoqolguet.

Mateo 17:27

Qalaxayi da yaqto' sa ishit da huo'o ca qadasouaxashit, qaq no'on da 'anqo'onaxaama qome aso auaxai. Ime, nachi 'auasaxañi aca 'adqoina. Qaq ca hua'auchiguiñi 'adqoishic nÿaq, camayi huetaigui na alap aca anom lcatole. Qaq nachaca qome nalotañi da 'angui aca ishiitenaxanaqte qataq aca 'adshiitenaxanaqte. Ime, qaq 'audouo qome, 'aushiitenaxana.