Mateo 5:25 - Nuevo Testamento Toba Sur

²⁵ Qaq da huo'otaq huo'o ca 'am ncotaÿapegue', nachi 'am ÿauegueu'a ca nmit na nasouaxashitpi. Qalaq 'am 'au'auaxaañi da 'anaÿamaxate' camayi, da yaqto' sa ishit da 'am icoñi' naq'en ca nta'a. Qaq que'eca nta'a nachi 'am ÿaneu'a ca huataxanaq. Huaña, nachi 'am qaÿamaxaigui aca ncoñitaxanaxaqui.

Nuevo Testamento Toba Sombrero Negro

²⁵ “Qom 'uo ga'me jetaque am yauegalo joga'me c'atenaĝanaĝaic, 'noota qom paja'a aniyamaĝade'ne' yatemaliaĝa 'uo da'me adedaqa', qaedi ja am 'te yauega ga'me c'atenaĝanaĝaic. Qalaĝaja qom ja naq'aeta, ñe'me c'atenaĝanaĝaic am yamaĝauelo qomle joga'me vitaĝayaqa qama'le jogaa'me am yamaĝadoue jaga'me coñetaĝanaĝaiqui.

La'aqtaqa Ñim Lo'onatac 'Enauacna 2013

²⁵ Qaq da huo'otaq huo'o ca 'am nmaxalec da 'eetega huo'o ca 'auo'otec sa ỹaỹamaxañi, nache no'on da 'anaỹamaxate' camaye qom huo'otaq saxanaxa da 'am ỹauegueua'a ca nmit na nasouaxashet. Cha'aye da saishet da qonetec, nache que'eca nmit na nasouaxashet ishet da ỹamaxalec ca huataxanaq le'ec da 'am ỹauegueua'a aca ncoñetaxanaxaqui da 'am icoñerai'.

Mateo 5:25 Iomraidhean Croise

Mateo 26:58

Qalaxayi so Pedro ca'attaueegue somayipi, qalaxayi qaÿoqteguet, chochi ivittau'a ca nqasoxoc ca lma' som lta'a na lataxala'pi na ntaxaÿaxanaxanecpi. Huaña, nachi pa'auo, nachi nso'ootañi, netangui so huataxanaqpi, cha'ayi ÿauotaique da ÿauaachigui ca loga't 'enauac de'eda.

Lucas 18:3

Qaq se'eso pueblo nataq'en netaña aso 'alo pa'ai. Nachi asomayi ÿi'iguelaqtau'a se'eso shiÿaxaua, iÿaxaatacot da ña iuejlec asomayi souaxat so npa'aguenaxaua.

2 Corintios 6:2

Cha'ayi ñimayi nam l'aqtaqa mayi nanettrañi 'eeta': So na'a'q mayi ichoxonnataxanaxaqui, qalaq 'am sa'aqtega; qataq so na'a'q mayi huetoigui da seca'alaqtaxan, qalaq 'am setauan. Qaq nachina na na'a'q nchoxonnataxanaxaqui; qataq nachina na na'a'q nca'alaqtaxanaxaqui.

Hebreos 12:17

Qaq qami' qauaÿajñi da co'ollaq imat da imen, nachi co'ollaq ivita so na'a'q da so Esaú nshitaique da ÿaconguet da no'on lliquiaxac mayi ÿami' so lta'a, nachi somayi qaimaqa'aguet. Nai'ctaxa da ÿataqta noÿiitac, qalaxayi mashi sa ishit da nadalaxat ca 'eetec dam mashi i'ot.

Hebreos 3:13

Nachaqdato' da ñi 'oonolec quetot naua na'axa'te da i'añaqchittac ca lÿa, llaxatemallaxa da ñaq huo'o yi qaddaqa' na na'a'q, yaqto' sa ishit da huo'o ca 'oonolec da qoñiita da 'ico' ÿatenachit da ñi'itaxaloxo, nachi da lquiyaqteÿaxac sa ishit da ÿalaq.

Hebreos 3:7

Qaq ÿoqo'oyi naua nanettrañi l'aqtaqa so Espíritu Santo 'eeta': Nagui da qami' qau'aqaichigui ca 'enapec ñi Dios,