Mateo 5:18 - Nuevo Testamento Toba Sur

¹⁸ Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Nuevo Testamento Toba Sombrero Negro

¹⁸ Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

La'aqtaqa Ñim Lo'onatac 'Enauacna 2013

¹⁸ Cha'aye ỹataqta 'eesa de'era qami' sa'axatema da huo'otaq ñaqauo'o na piguem qataq ana 'alhua, qalaq saishet da huo'o ca qanqat nam saq 'amaqtaq leraxatpiolec nam namaxasoxonaxacpi, nato' qom mashe 'enauac da ipacchigui.

Mateo 5:18 Iomraidhean Croise

Mateo 10:15

Qaq ÿataqta 'eesa de'eda shinapec da qom ivita que'eca na'a'q mayi huetoigui da ñi Dios nmit 'enauacna, nachi ca nhuaxanaguec que'eca pueblo ÿataqta napacalec qome da nhuaxanaguec som shiÿaxauapi mayi netaña co'ollaxa yi Sodoma qataq yi Gomorra.

Mateo 10:23

Qaq da huo'otaq qami' qaicana'pe da huo'otaq qoviita'a ca pueblo, qalaq qananeltaxañiÿa ca lÿa. Cha'ayi aÿim qami' shinapegalo da ne'ena shiÿaxaua llalec mashi nvi' qom saxanaxa da qaumachi da qauconñiigui 'enauac nam pueblopi mayi lma' na llalaqpi so Israel.

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.

Mateo 11:11

Qaq ÿataqta 'eesa de'eda shinapec da 'enauac nam shiÿaxauapi co'ollaxa da chigoqta'ague, chochi ivitta'a nagui, da qaica ca ishit da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui dam l'onataxanaxac ñi Dios mayi neta'ague da piguem, namayipi napacalec somayi.

Mateo 13:17

Qaq ÿataqta 'eesa de'eda qami' sa'axatema, da qalota co'ollaxa so l'aqtaxanaxanecpi ñi Dios qataq som no'on da lataxac shiÿaxauapi da nshitaique da ÿauaachigui de'eda mayi qami' qaumijñiitac, qalaxayi sa ishit da ila'a; qataq nshitaique da hua'axaÿa dam qau'aqaitega, qalaxayi namayipi sa ishit da hua'axaÿa.

Mateo 16:28

Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Mateo 18:18

Qaq ÿataqta 'eesa de'eda qami' sa'axatema, da ca qami' sa qauashiñi ana 'alhua, qalaq nataq'en da piguem sa ishit da qaÿashin. Qataq cam qami' qauashiñiita ana 'alhua, qalaq nataq'en da piguem qaÿashiita.

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

Mateo 19:23

Nachi so Jesús 'enapegalo soua lapaxaguenataqa, 'eeta': –Ÿataqta 'eesa de'eda qami' sa'axatema, da ÿataqta huo'o da lqalaic na sallaxanecpi da inoxoneu'a da l'onataxanaxac ñi Dios mayi neta'ague da piguem.

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Mateo 21:21

Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Mateo 21:31

Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

Mateo 23:36

Qaq ÿataqta 'eesa de'eda qami' sa'axatema da 'enauac qome ne'ena nasouaxashitpi qaipataxalec qome qanqoÿin na shiÿaxauapi mayi huetaiguilo ne'enaua na'axa'te mayi souaqtaiguilo.

Mateo 24:2

Qalaxayi so Jesús 'enapeco': –¿Qami' qauloita'a peta'a ne'ena? Aÿim ÿataqta 'eesa de'eda qami' sa'axatema nagui da ne'ena coma' sa ishit qome da huo'o ca coma' da nachi 'eetai' da huetalec ca lÿa. Namayipi ÿataqta 'enauac qome da qailaxachigui.

Mateo 24:47

Qaq ÿataqta 'eesa de'eda qami' sa'axatema da que'eca n'aco' ishit da ipataxalec camayi 'enauac nam lalamaxatpi.

Mateo 25:12

Qalaxayi somayi 'enapeco': “Aque', qami' sa sauatto'n.”

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Mateo 25:45

Nachi ne'ena nta'a 'enapec qome: “Ÿataqta 'eesa de'eda qami' sa'axatema, da 'enauac nam sa ishit co'ollaxa da qau'ochiic ca 'oonolec ne'ena saq 'amaqtaqpi, qaq nataq'en aÿim sa ishit da huo'o ca aÿim qau'ochiic.”

Mateo 5:26

Huaña, nachi 'am sa ishit da 'annoxoneec da huo'otaq saxanaxa da 'aumatteec da 'aushiiten aca 'adavigaxaiste.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Mateo 6:2

Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Marcos 10:29

Nachi so Jesús 'enapeco': –Ÿataqta 'eesa de'eda qami' sa'axatema, da camachicague't shiÿaxaua da huo'otaq ÿalat ca lma', lqaÿa qataq aca lqaÿa, lta'a huo'otaq late'e, huo'otaq lhua qataq llalaqpi, huo'otaq ca n'alhua, souaxat aÿim qataq da n'aqtac mayi chigaqaigui da nca'alaxa,

Marcos 11:23

Ÿataqta 'eesa de'eda qami' sa'axatema, da huo'o ca camachicague't da huo'otaq 'enapega añi qasoxonaxa da 'eeta': “Qoca'ai qome na qonetaña, nachi 'angui aso auaxai,” qaq camayi da sa ishit da ÿoqolguet da l'aqtac, nda'a't da i'amaqten, nachi ishit da ipacchigui.

Marcos 12:43

Nachi so Jesús iÿaxanoiguilo soua lapaxaguenataqa, nachi 'enapegalo, 'eeta': –Ÿataqta 'eesa de'eda qami' sa'axatema, da asa'aso pa'ai mayi choxodaq, asomayi ÿataqta ÿagueec aso ÿasaxañi, napacalec 'enauac na laÿipi mayi huo'o ana ÿasaxañi lachitaqtaxanaqte.

Marcos 13:30

Qaq ÿataqta 'eesa de'eda qami' sa'axatema, da 'enauac qome ne'ena hua'auñi da yi'oq, qom saxanaxa da ileu nam shiÿaxauapi mayi huetaiguilo ne'enaua na'axa'te.

Marcos 14:18

Nachi somayi co'ollaq mashi datatalec so nqui'axala' da deque'etac, nachi so Jesús 'enapegalo' soomayi, 'eeta': –Ÿataqta 'eesa de'eda qami' sa'axatema, da ñi 'oonolec da qoñiita mayi aÿim lqui'axaua, ñimayi nachiñi ñi aÿim ÿaneuo.

Marcos 14:25

Qaq ÿataqta 'eesa de'eda qami' sa'axatema, da nagui nachi tachiguiña da sa lÿa da qaltaq ñiÿomgui ne'ena lli'i ana uvas, to' qom mashi ivita ca na'a'q da sootaigui ca l'onataxanaxac ñi Dios da ilo'ogue 'enauacna, nachi qaltaq ñiÿomgui ca lataxa dalaxaic.

Marcos 14:30

Nachi so Jesús 'enapego' somayi 'eeta': –Ÿataqta 'eesa de'eda 'am sa'axatem, da ne'ena pe qom yaqta'a da dos ÿi'iguelaxalec da noÿin ca 'olgaxa, qaq mashi ivi' tres qome da 'anqoleguettac da qonetega aÿim sa 'auauatton.

Marcos 14:9

Qaq ÿataqta 'eesa de'eda qami' sa'axatema, da cam pa'aigue naua laÿil ana 'alhua da qai'axattac de'eda n'aqtac mayi chigaqaigui da nca'alaxa, nachi nataq'en qai'axattac qome de'eda i'ot ada'ada 'alo, yaqto' nachi 'eetai' qome da qaiuennatapega adamayi.

Marcos 3:28

Qaq ÿataqta 'eesa de'eda qami' sa'axatema nagui, da 'enauac na shiÿaxauapi ishit da qaÿapalaxat na lasouaxashitpi, qataq 'enauac nam qauem l'aqtacpi mayi nasaxauec.

Marcos 6:11

Qaq da huo'o ca huaña da sa ishit da qami' ÿacongueta qataq sa qami' n'axaÿaxanalo, nachi qoquiÿa'ai camayi, qalaxayi qauchigoqoiuec qome na namoxoÿaxa naua qadapia'chilli', qaq damayi nachi l'anaxat da camayipi maichi nasouaxajla't. Qaq ÿataqta 'eesa de'eda qami' sa'axatema da qom ivita que'eca pa'ateec na'a'q qom nmit na nasouaxashitpi ñi Dios, nachi saqalligueme qome da nhuaxanaguec nam lma' so Sodoma qataq so Gomorra, qaq saq 'en'am qome ca nhuaxanaguec qanqoÿin ne'ena shiÿaxauapi mayi sa qami' ÿacongueta.

Marcos 8:12

Qalaxayi so Jesús decovi, nachi 'enapeco': –¿Tá'ainco' ne'ena shiÿaxauapi yi iÿaxaataique da qai'ot cam n'anec mayi sa qaÿauanapigui? Qaq ÿataqta 'eesa de'eda qami' sa'axatema, da nagui sa ishit da huo'o ca qami' qoÿanema n'anec.

Marcos 9:1

So Jesús nataq'en 'enapeco': –Ÿataqta 'eesa de'eda qami' sa'axatema, da huo'o nagui nam ÿalectauopi nam saxanaxa qome da ileu, chochi ivitta'a da ÿauaachigui da nvi' da l'onataxanaxac ñi Dios qataq da l'añaxac da ilo'ogue 'enauacna.

Marcos 9:41

Cha'ayi ca camachicague't da huo'otaq qami' ÿanema ca nai'ctaxa da saq 'amaqtaq 'etaxat, qaq souaxat da qami' lalamqa'te na Cristo, nachi camayi ÿataqta huo'o da nshiitenaguec.

Lucas 11:51

Qaq chigoqchiguiña naq'en co'ollaq qaÿalauat so Abel, chochi ivitta'a da nalaataguec so Zacarías mayi qaÿalauat co'ollaq huangui na laiñi aso n'onaxanaxaqui late'edai yim naña aso nca'atoxonaxalate. Qaq ÿoqo'oyi aÿim shinapec da ñi Dios ÿachilec da nalaataguec somayipi qome naq'en ne'ena shiÿaxauapi mayi huetaigui nagui.

Lucas 12:37

Ÿataqta huo'o qome da lamaxayic ca nlatacpi qom huo'otaq ca n'aco' ilalec camayipi da nlotauec qom ivita da nvi'. Qaq aÿim shinapec da que'eca 'aco' ishit da maichi huapegue' qome da nso'onaxanaxaañi camayipi da ÿataxaalec ca nqui'axala', ime, qaq nÿoxoshiguem ca nallic.

Lucas 13:35

Qomoxochictaxa naua qadma'chilli' qome qalaq ÿataqta tojleguete, qaq nachi tachiguiña nagui da sa ishit da aÿim qanauañi', to' qom qoñiita': “Ÿataqta no'on qome da lliquiaxac cam nactaigui da l'enaxat ñi qadataxala'.”

Lucas 16:17

Qaq nai'ctaxa qome da imeuo na piguem qataq ana 'alhua, qalaxayi sa ishit da sa ipacchigui cam i'axat ñim 'oonolec saq 'amaqtaq nam ledaxatpiolec nam nqataxacpi.

Lucas 18:17

Cha'ayi aÿim shinapec da ca ÿaconguet da l'onataxanaxac ñi Dios da ilo'ogue 'enauacna, da huo'otaq sa ishit da 'eeta'am ca nogotolec, nachi camayi sa ishit da ÿañoxot da inoxoneuo.

Lucas 18:29

Nachi so Jesús 'enapeco': –Ÿataqta 'eesa de'eda qami' sa'axatema, da nagui ca ca'ai ca lma', huo'otaq caua lta'al, ca lqaÿañicpi, aca lhua, ca llalaqpi, souaxat da l'onataxanaxac ñi Dios da ilo'ogue 'enauacna,

Lucas 23:43

Nachi so Jesús 'enapeco': –Ÿoqta 'eesa da shinapec da nachina nagui da sogote aÿim qoueta'aguet da qoueta'a yi lma' na qanca'alaxateecpi da piguem.

Lucas 4:24

Nachi qaltaq cot da l'aqtac, 'eeta': –Qami' shinapegalo da ÿoqta 'eesa da qaica ca l'aqtaxanaxanec ñi Dios da lhuotta da qai'amaqten ca maichi lalamaxat n'alhua.

Juan 1:51

So Jesús nataq'en 'enapeco': –Ÿataqta 'eesa de'eda qami' sa'axatema nagui, da qami' qauloÿa'a qome na piguem qom qanauatoigui, nachi na namaxashic piguem l'ecpi taÿashiguemecda, qataq da naÿaña na shiÿaxaua llalec.

Juan 10:1

Qaq ÿoqta 'eesa de'eda qami' sa'axatema, da ca sa ishit da tateu'a ca lasom aca laÿi' ana qaguetapi da huo'otaq inoxoneuo, chaqdata da tateu'a na laÿi, qachi camayi cachaxaic qataq huotaxanaxaic.

Juan 10:7

Nachi so Jesús qaltaq ÿi'iguelaxalec da da'aqtaxan, 'eeta': –Ÿataqta 'eesa de'eda qami' sa'axatema, 'eeta': Aÿim mayi nachaÿim lasom mayi aÿim lligueuo ana qagueta.

Juan 12:24

Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat.

Juan 13:16

Qaq ÿataqta 'eesa de'eda qami' sa'axatema, da qaica ca chochi nlatac da napacalec ca n'aco', qataq qaica ca namaxashic da ishit da napacalec cam ÿamaqtac camayi.

Juan 13:38

Nachi so Jesús 'enapego' somayi, 'eeta': –¿Ÿoqta 'eesa peta'a da 'am ishit da aÿim 'ai'aalec da 'anachaalataxac? Ÿoqta 'eesa de'eda 'am sa'axatem nagui, da qom yaqta'a da noÿin ca 'olgaxa, qaq mashi sogote qome da ivi' tres da 'avi'iguelaxalec da qonetega aÿim sa 'auauatton.

Juan 14:12

Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Juan 16:20

Qaq ÿataqta 'eesa de'eda qami' sa'axatema nagui, da qami' qome qanoÿiñiitac, qataq qauaquicoita, qaq nam shiÿaxauapi mayi huetalec ana 'alhua, namayipi qome machiguiñi. Qalaxayi nai'ctaxa qome da qami' ÿataqta qauaquicoita, qalaxayi de'eda qadaquicoqoi, damayi naigui ca qantonaxaqui.

Juan 16:23

Qaq que'eca na'a'q qome, nachi sa ishit da huo'o ca aÿim inattac da qoñiita. Qaq ÿataqta 'eesa de'eda qami' sa'axatema, da ñi ita'a qami' ÿanema qome 'enauac ca qauÿaxañiÿaique da qoviilec da i'enaxat.

Juan 21:18

Qaq ÿataqta 'eesa de'eda 'am sa'axatem nagui, da co'ollaq ñaq 'am nsoqolec, qalaq 'am maichi 'ai'aayiñi naua 'ogo da 'an'ot qataq 'am maichi 'oiqueetac ca 'aigue. Qalaxayi da ivita da 'am ÿi'axaiquiolec, nachi 'am 'ai'aatrauec naua 'adhua'q, qaq ÿaqa'a ca 'am n'otaxanaxan, qataq 'am qaÿaueegue cam sa ishit da ÿoqta 'atapeegue.

Juan 3:11

Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

Juan 3:3

Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Juan 6:26

Qalaxayi so Jesús 'enapega somayipi, 'eeta': –Ÿataqta 'eesa de'eda qami' shinapegalo, da qami' aÿim qanmichiitaique, cha'ayi qami' qauqui'ii, nachi qami' comadaxaiqa, qaq sa ishit da souaxat da qami' qauaÿajñi ca naigui na n'anecpi mayi sa qaÿauanapega.

Juan 6:32

Nachi so Jesús 'enapeco': –Aja', ÿataqta 'eesa de'eda qami' sa'axatema, da sa ishit da nachiso so Moisés som qami' ÿanema aso pan mayi chigoqo'ot na piguem, chaqñita ñi ita'a mayi nachiñi ñi qami' ÿanema acam ÿataqta 'eesa pan mayi chigoqo'ot na piguem.

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.

Juan 6:53

Nachi 'enapega somayipi so Jesús, 'eeta': –Aja', ÿataqta 'eesa de'eda qami' sa'axatema, da huo'otaq sa ishit da qolliqui da l'oquiaxac na shiÿaxaua llalec, qataq da sa ishit da qanÿomiiguilo naua ltago'q, nachi sa ishit da huo'o ca qadca'alaqai.

Juan 8:34

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da 'enauac nam i'ottac da lli'itaxaloxo, namayipi 'eeta'am da l-latacpi de'eda ñi'itaxaloxo.

Juan 8:51

Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.

Juan 8:58

Nachi so Jesús 'enapeco': –Aÿim ÿataqta 'eesa de'eda qami' sa'axatema, da co'ollaq saxanaqca da huo'o so Abraham, qalaq nal'ena da aÿim huo'o.

1 Pedro 1:25

qalaxayi da l'aqtac ñi qadataxala' sa ishit da huo'o ca loga't. Qaq de'eda n'aqtac nachida da n'aqtaxanaxac mayi chigaqaigui da nca'alaxa dam qami' qai'axattapeguema.

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.