Mateo 5:1 - Nuevo Testamento Toba Sur

¹ Qaq so Jesús co'ollaq ila'a da ÿataqta qalota so shiÿaxauapi, nachi nqo'ooshiguemec aso qasoxonaxa, nachi nso'ooñi, nachi so lapaxaguenatacpi laponeu'a somayi.

Nuevo Testamento Toba Sombrero Negro

¹ Mane'e da'me yauana ga'me jiyaĝadipi, Jesús yec'adije'ma ga'me qajoĝonaĝa qama'le ñiyiñe. Jogaa'me lapaĝaguenataqa yec'adeta joñe'me,

La'aqtaqa Ñim Lo'onatac 'Enauacna 2013

¹ Qaq So Jesús co'ollaq ila'a da ỹataqta qalota so shiỹaxauapi, nache tasheguemec aso qaỹoqotcheguemec 'alhua, nache nso'ooñi, nache soua lapaxaguenataqa nquiguereua'a Somaye,

Mateo 5:1 Iomraidhean Croise

Mateo 13:2

Nachi ÿataqta qalota na shiÿaxauapi laponeu'a cam hueta'a somayi. Nachi so Jesús huenojñigui aso barco, nachi 'enauac se'eso shiÿaxauapi hueto'ot na loigue aso lapel.

Mateo 15:29

So Jesús ca'ai yi'iyi hueta'a, nachi queto'ot so loigue aso lapel late'edai mayi huaña yi Galilea. Ime, nachi tashiguemec aso saqaÿoqotchiguemec 'alhua, nachi nso'ooñi.

Mateo 4:25

Nachi ÿataqta qalota na shiÿaxauapi ca'attague' somayi, nam chigaqaña yi Galilea, qataq yiua diez pueblo mayi qaÿamata'ac Decápolis, qataq yi Jerusalén, qataq yi 'alhua Judea, qataq na pa'aigue da nala' lliguishiguem yi tala Jordán.

Mateo 5:2

Nachi so Jesús ÿapaxaguen somayipi, 'eeta':

Marcos 3:13

Qaq co'ollaq ime de'eda, nachi so Jesús tashiguemec aso qasoxonaxa, nachi huaña co'ollaq ÿauo'oi soua iÿaxanalo, som lca'agui'shi. Nachi soomayi naÿalo somayi.

Marcos 3:20

Nachi qaltaq qalota so laponeu'a shiÿaxauapi, ivitta'a da sa ishit da chochi deque'e somayipi.

Marcos 4:1

So Jesús qaltaq huetaxaama na loigue aso lapel da dapaxaguenataxaatac, nachi ÿataqta qalota so anac shiÿaxauapi da anaÿa somayi. Qaq co'ollaq ÿapacteec da qalota somayipi, nachi somayi huenojñigui aso barco mayi neto'ot na loigue aso lapel, qaq 'enauac so shiÿaxauapi hueto'ot so loigue.

Lucas 6:12

Qaq huo'o so na'a'q nachi so Jesús tashiguemec aso saqaÿoqotchiguemec 'alhua da natamen, nachi imatteec se'eso pe da natameetacot ñi Dios.

Lucas 6:17

Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.

Lucas 6:20

Nachi so Jesús ÿamataigui so lapaxaguenatacpi, nachi 'enapeco': –Ÿataqta qauamaichiguiñi qami' mayi qami' choxoda'q, cha'ayi qadalamaxachi da l'onataxanaxac ñi Dios.

Lucas 9:28

Qaq co'ollaq mashi inoxoodeec soua ocho na'axa'te da nasaxauec de'eda so Jesús, nachi nqo'ooshiguemec aso qasoxonaxa da nqouagaxauen, nnaictagueto soua Pedro, Santiago, qataq so Juan.

Juan 6:15

Qalaxayi so Jesús co'ollaq noma da qaÿauotaique da qaÿaconeu'a da qoÿanagui da nta'a, nachi somayi qaltaq ca'ai somayipi da tashiguemec aso qasoxonaxa, da yaqto' ndoteec.