Mateo 4:4 - Nuevo Testamento Toba Sur

⁴ Nachi so Jesús 'enapeco': –Naua ñiyigui'shi l'aqtaqa ñi Dios 'eeta': Sa ishit da nachacata aca pan da i'añaqchit ca shiÿaxaua, mayi nataq'en 'enauac na l'aqtacpi ñi Dios.

Nuevo Testamento Toba Sombrero Negro

⁴ Qalaĝaja Jesús 'yateguet: —Joda'me Dios 'laqatac enaac: «Ja nach'egata ga'me pan ta'le nec'aleta'yejop ga'me jiyaĝaua, dite da'me qoyouetaque ena'uaque jodaa'me 'laqataqa joñe'me Dios.»

La'aqtaqa Ñim Lo'onatac 'Enauacna 2013

⁴ Nache So Jesús ỹasateguet 'eeta': –Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Saishet da nachaqacata aca nauole 'ayiiña da ỹa'añaqchet ca shiỹaxaua, nataqa'en iuen da ỹalaxaguet 'enauac na lamaxasoxonaxacpi Ñim Lo'onatac 'Enauacna.»

Mateo 4:4 Iomraidhean Croise

Mateo 15:11

Da 'enauac na chic ca shiÿaxaua, sa ishit da nachina na ishipaxanaqchit da nachaalataxac. Chaqnata nam l'aqtacpi mayi chigaqaigui na alap mayi nachina na ishit da ishipaxanaqchit da nachaalataxac.

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Mateo 4:7

Nachi so Jesús 'enapeco': –Nataq'en yi nanettañi l'aqtac ñi Dios 'eeta': Sa ishit qome da 'avi'iguen ñi 'adataxala' Dios.

Marcos 7:20

Nataq'en 'enapeco': –Ca chigaqaigui añi lquiyaqte ca shiÿaxaua mayi nachica ca ishipaxanaqchit da nachaalataxac.

Lucas 4:12

Nachi so Jesús 'enapeco': –Nataq'en yi nanettañi l'aqtac ñi Dios 'eeta': “Sa ishit da chochi 'avi'iguen ñi 'adataxala' Dios.”

Lucas 4:4

Nachi so Jesús 'enapeco': –Yi l'aqtac ñi Dios mayi nanettañi 'eeta': “Sa ishit da nachaqacata aca pan da i'añaqchit ca shiÿaxaua, mayi nataq'en 'enauac na l'aqtacpi ñi Dios.”

Lucas 4:8

Qalaxayi so Jesús 'enapeco': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita ñimayi 'au'onataxanot.”

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Romanos 15:4

Cha'ayi 'enauac nam l'aqtacpi ñi Dios mayi qoÿiyiñi co'ollaxa, namayipi qoÿiyiñi da qanapaxaguenaxat, yaqto' sachigoxotaqaigui da qadhualaxavic qataq qan'añaqchitaguec, da yaqto' huo'o da qanaquitaxac.

Efesios 6:17

Qataq da qadca'alqai 'eeta'am qanqashiñi aca qanado'oi, da yaqto' npaxajlec na qadqaiqui. Qataq qauacoñiÿa da l'aqtac ñi Dios da 'eeta'am qanqashiñi ca ÿilonec mayi qami' ÿanema so Espíritu Santo.