Mateo 4:13 - Nuevo Testamento Toba Sur

¹³ Qalaxayi sa ishit da naña yi Nazaret. Chaqdata da nqo'ona da naña yi pueblo Capernaum. Yimayi neto'ot na loigue aso lapel late'edai mayi netau'a na loigue yi 'alhua Zabulón qataq yi Neftalí.

Nuevo Testamento Toba Sombrero Negro

¹³ Qalaĝaja ja nale'en ua'a di'me Nazaret, dite da'me yec'ata di'me Capernaúm qaedi na'ña, dajoya'ata jaga'me qa'em, mach'e 'naleua dia'me net'al jo'ne Zabulón nataq'aen Neftalí.

La'aqtaqa Ñim Lo'onatac 'Enauacna 2013

¹³ Qalaxaye saishet da ỹe'eguelaxa so lma' maye naña ye nỹecpiolec le'enaxat Nazaret. Nachaqrata da nqo'ona da naña ye nỹecpiolec le'enaxat Cafarnaúm. Yemaye neto'ot na loigue aso lapel late'erai ye 'alhua Galilea. Yem hueta'a nam Israel le'ecpi maye chegoxoguet so Zabulón qataq so Neftalí.

Mateo 4:13 Iomraidhean Croise

Mateo 11:23

Qataq 'am pueblo Capernaum, ¿'am 'aupi'itaxaatega peta'a da ÿataqta 'avido'ot na piguem? Qalaxayi 'am qañi'iguelaxajñi qome, nachi ÿataqta 'avidaña cam laponqa' na leuaxaicpi. Cha'ayi yi la ciudad Sodoma da huo'otaq huañáctaxa nam so'otpi mayi huaigui da qoñiita, nachi se'eso la ciudad ishíttaxa da ivittaiguilo naua na'axa'te mayi souaqtaiguilo.

Mateo 17:24

Qaq so Jesús qataq soua lapaxaguenataqa co'ollaq mashi ivitra yi pueblo Capernaum, nachi nam ÿacootapeeguet ana nshiitenaxanaqte da qaishiiten aso n'onaxanaxaqui, namayipi nau'a so Pedro, nachi inattac, 'eeta': –¿Ñi qami' ÿapaxagueeta'pe peta'a sa ishit da ishiiten añi n'onaxanaxaqui?

Mateo 4:14

Qaq 'eetec de'eda, yaqto' ipacchigui dam ÿiyiñi co'olloxochiyi so Dios l'aqtaxanaxanec l'enaxat Isaías, 'eeta':

Mateo 4:15

Qaq 'am 'alhua mayi 'am lalamaxat na llalaqpi so Zabulón qataq so Neftalí, qataq 'am nqa'aic mayi 'anlectelec aso auaxai mayi 'aupa'aigue da nala' lliguishiguem yi tala Jordán. 'Am Galilea mayi netalec nam sa ishit da judiopi.

Mateo 9:1

Nachi so Jesús qataq huenojñigui aso barco da naitague na le'ego aso lapel da ñi'iguelaxata so maichi lalamaxat lma'.

Marcos 1:21

Qaq co'ollaq ivitra yi pueblo Capernaum, nachi so na'a'q mataxaqui so Jesús tau'a aso laponaxaqui na judiopi, nachi dapaxaguenataxaatac.

Marcos 2:1

Qaq co'ollaq mashi qaÿoqteguelo so na'axa'te, nachi so Jesús qaltaq ÿi'iguelaxa yi pueblo Capernaum, qaq co'ollaq chochi qaÿaÿaten da hueta'a ca lma'.

Lucas 10:15

Qaq qami' mayi qoñiitaña yi pueblo Capernaum, ¿qaupi'itaxañiitega peta'a da qami' qanauaxaÿaxaayishigue'm qome da qaviyiÿo'ot na piguem? 'A'i, qami' qañi'iguelaxajyiñi qome, nachi qaviyiÿaña ca lma' na lqui'i na leuaxaicpi.

Lucas 4:23

Nachi so Jesús 'enapeco': –Qami' yi'oqta qome da aÿim qaudoilec da' chi n'aqtacnaxa 'eeta': “'Am natannataxanaq, maichi 'anatadeela't.” Qataq yi'oqta qome da qoñiita': “Nam sa'axasoqtapeguelec da 'au'otpi co'ollaq huaña yi Capernaum, nataq'en 'au'ot nagui da huaña na 'adalamaxat 'an'alhua.”

Juan 2:12

Qaq co'ollaq ime de'eda, nachi somayi taÿa yi pueblo l'enaxat Capernaum, lÿatac aso late'e, nataq'en soua lqaÿa't, qataq soua lapaxaguenataqa. Nachi ÿataqta huo'oi soua na'axa'te da hueta'a yimayi.

Juan 4:46

Nachi somayi qataq nqo'ona yi Caná mayi nachi huaigui yi'iyi Galilea yim huaña co'ollaq so 'etaxat nañigui naq'en na lataxa. Nachi huo'o so ÿi'oxodaic ltaua so nta'a, qaq somayi huo'o so llalec sa no'on, hueta'a yi Capernaum.

Juan 6:17

Nachi huenojyingui aso nnotaxaqui', nachi qai'axasoxoolec aso lapel da qanqo'oota yi Capernaum. Qaq mashi ÿataqta napanñi, qalaq so Jesús ñaq saxanaxa da nvidaxasom.

Juan 6:24

Nachi se'eso shiÿaxauapi, co'ollaq ila'a da sa ishit da hueta'a yi'iyi so Jesús qataq soua lapaxaguenataqa, nachi somayipi huenojñiguilo se'esoua barcos da qanqo'oota yi Capernaum da qanmitaique somayi.

Juan 6:59

Qaq de'eda dapaxaguenataxaatapeguec so Jesús, damayi huaigui aso laponaxaqui na judiopi mayi naña yi Capernaum.