Mateo 4:12 - Nuevo Testamento Toba Sur

¹² Qaq so Jesús co'ollaq l'axaÿaxac da so Juan qoÿanaigui aca ncoñitaxanaxaqui, nachi somayi taÿa yi 'alhua Galilea.

Nuevo Testamento Toba Sombrero Negro

¹² Ca'li Jesús dep'iyeya ñe'me Juan da'me qoyanetaue jaga'me coñetaĝanaĝaiqui, qama'le yec'ata di'me Galilea.

La'aqtaqa Ñim Lo'onatac 'Enauacna 2013

¹² Qaq So Jesús co'ollaq la'axaỹaxac so Juan da qaicoñerai' qoỹanaigui aso ncoñetaxanaxaqui, nache Somaye taỹa ye 'alhua Galilea.

Mateo 4:12 Iomraidhean Croise

Mateo 11:2

Qaq so Juan mayi netaigui aso ncoñitaxanaxaqui, somayi ividau'a da ÿaÿaten 'enauac nam i'otpi so Cristo. Huaña, nachi huo'oi soua ÿama'q som quetague'pi somayi, da yaqto' nqo'ooda so Jesús,

Mateo 14:3

Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

Marcos 1:14

Qaq co'ollaq mashi qoÿanaigui aso ncoñitaxanaxaqui so Juan, nachi so Jesús taÿa yi Galilea. Huaña, nachi i'axattac dam no'on qad'axaÿaxac mayi i'axat da l'onataxanaxac ñi Dios da ilo'ogue 'enauacna.

Marcos 6:17

Cha'ayi so Herodes damaxasoxoolec co'ollaxa da qaicoñi' so Juan qaÿauo'o ca lquet, qoÿanaigui aca ncoñitaxanaxaqui, souaxat aso Herodías. Asá'aso Herodías, asomayi lhua co'ollaxa so Felipe som lqaÿa so Herodes. Qalaxayi so Herodes deuotaxanec co'ollaxa da ÿauo'o lhua.

Lucas 23:5

Qalaxayi somayipi ÿi'iguelaxalec da l'aqtac ÿataqta n'axannec, 'eeta': –Namayi ÿasouaxattega't na shiÿaxauapi mayi netaña yi Judea, souaxat da lapaxaguenataxanaxac. Chigoqchiguiña yi Galilea, qaq nagui qataq nvitta'a ne'ena souaqta'a.

Lucas 3:20

qalaxayi so Herodes sa ishit da ÿalaq. Chaqdata da nquigaxatteec da i'ot sa ÿaÿamaxañi co'ollaq icoñi' so Juan, ÿanaigui aso ncoñitaxanaxaqui.

Lucas 4:14

Nachi so Jesús ÿataqta nlaqchigui da l'añaxac so Espíritu Santo co'ollaq ÿi'iguelaxague da Galilea. Nachi jec da qan'aqtaxaatapigui somayi 'enauaque naua laÿil yi'iyi 'alhua.

Lucas 4:31

Ime, nachi so Jesús nqo'ona yi Capernaum yim pueblo mayi huaigui yi 'alhua Galilea. Qaq co'ollaq huaña yimayi, nachi ÿapaxagueetac so shiÿaxauapi som na'a'q mayi mataxaqui.

Juan 1:43

Qaq so lÿa na'a'q, nachi so Jesús ÿauotaique da taigue da 'alhua Galilea. Nachi natenalec so Felipe, nachi 'enapega, 'eeta': –Aÿim qoquegue.

Juan 2:11

Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Juan 3:24

Qaq 'eda da 'eetec co'ollaq saxanaxa da qoÿanaigui aso ncoñitaxanaxaqui so Juan.

Juan 4:43

Qaq co'ollaq mashi inoxoodeec soua dos na'axa'te, nachi so Jesús ca'ai yi Samaria, nachi taÿa yi 'alhua Galilea.

Juan 4:54

Qaq 'eda da lÿa n'anec mayi sa qaÿauanapega mayi i'ot so Jesús co'ollaq chigoqta'a yi Judea da naÿa yi Galilea.