Mateo 3:6 - Nuevo Testamento Toba Sur

⁶ Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

Nuevo Testamento Toba Sombrero Negro

⁶ Yechoĝote'tape jogaa'me loeco, qama'le Juan nachilaĝadiñgui di'me ñache.

La'aqtaqa Ñim Lo'onatac 'Enauacna 2013

⁶ Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Mateo 3:6 Iomraidhean Croise

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Marcos 1:5

Qaq anac da n'axaÿaxana somayi 'enauac nam chigaqa'a yi 'alhua Judea qataq yi la ciudad Jerusalén. Nachi namayipi i'axa't naua lasouaxashi'te, nachi so Juan nachilaxan, huaña so tala Jordán.

Lucas 1:16

Camayi i'oteguet qome da ÿataqta qalota na Israel llalaqpi na ÿi'iguelaxa ñim lataxala' Dios.

Lucas 3:16

Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te.

Hechos 1:5

Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.

Hechos 11:16

Huaña, nachi aÿim seuennate co'ollaxa da l'aqtac so qadataxala' mayi 'eeta': “'Eesa so Juan da dachilaxanataxana na 'etaxat, qalaxayi da qoñiita qome qami' qanachilaxanguilo ca Espíritu Santo.”

Hechos 19:18

Qaq nam da'amqajnataxanpi nataq'en ÿataqta qalota na n'axateuo nam i'otpi qauem co'ollaq saxanaxa da da'amqajnataxan.

Hechos 22:16

Qaq ÿoqo'oyi nagui, ¿négue't cam 'au'aptapigui? Qoñishiguem qome, nachi 'am qanachilaxan, ÿataqta 'aupi'iÿa'a da l'enaxat so qadataxala', yaqto' ishit da qaÿapalaxat na 'adasouaxashitpi.”

1 Corintios 10:2

Qaq 'enauac de'eda lliquiaxac somayipi co'ollaq qaica'attaueegue so l'oc qataq co'ollaq qai'axasoxoolec aso auaxai, damayi 'eeta'am da nachida da nachilaxanataguec somayipi da yaqto' n'adeu'a qanqoÿin so Moisés.

Colosenses 2:12

Cha'ayi co'ollaq qami' qanachilaxa'n, nachi 'eeta'am da qadÿaichiguiñi' so Cristo co'ollaq qailayiñi. Qataq co'ollaq qanca'alaxateec, nachi qaltaq qadÿaitchiguem, cha'ayi qami' ÿataqta qau'amaqchiñi da l'añaxac ñi Dios mayi nca'alaxateeguesop da nleuaxa somayi.

Hebreos 6:2

qataq da llic da qanachilaxan ca shiÿaxaua, qataq da qaÿachiltalec na 'amqajnataxanaxaicpi, qataq da llic qom qaltaq qanca'alaxateec na leuaxaicpi, qataq qom qanmit 'enauacna.

Hebreos 9:10

Cha'ayi damayi nachida da chochi yi'oqchigui nqui'axac qataq ÿomaxac qataq dam ÿotta'a't ÿoxoc mayi chochi lataxac da qad'oquiaxac, qaq damayi ÿataqta huo'o da naigui da huo'otaq ñaq saxanaxa da nadalaxat ca lataxac ñi Dios.

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

1 Juan 1:9

Qalaxayi da sa'axata'q naua qadasouaxashi'te, nachi sepi'aqa'a da ñi Dios ishit da i'ot ca ÿaÿamaqchiguiñi da ÿapalaxat 'enauac na qadasouaxashitpi qataq da iÿouec 'enauac na sa ÿaÿamaxañisat.