Mateo 3:2 - Nuevo Testamento Toba Sur

² Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Nuevo Testamento Toba Sombrero Negro

² Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

La'aqtaqa Ñim Lo'onatac 'Enauacna 2013

² Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Mateo 3:2 Iomraidhean Croise

Mateo 10:7

Nachi qau'axachiim qome da mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 11:20

Nachi so Jesús ÿataqta ividaxattega nam netaña na pueblopi mayi huaña da ÿacteec na i'ot mayi sa qaÿauanapega, cha'ayi nam shiÿaxauapi netañalo, naamayi sa ishit da ÿaxaadeec naua n'onataxaco. Nachi 'eeta':

Mateo 12:41

Qaq ÿoqo'oyi som shiÿaxauapi mayi lma' co'ollaxa yi la ciudad Nínive, somayipi qome nachajñi que'eca na'a'q qom qanmit 'enauac ne'ena shiÿaxauapi, nachi ÿauo'o ca lasouaxashit namayipi. Cha'ayi som lma' yi Nínive ÿaxaadeec co'ollaxa naua n'onataxaco, co'ollaq i'axatem da l'aqtac ñi Dios som l'aqtaxanaxanec l'enaxat Jonás. Qaq nagui mashi qami' huetaiguilo nam ÿataqta napacalec som Jonás.

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Mateo 13:24

So Jesús ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am ca shiÿaxaua mayi ÿataqta no'on aca languishi mayi ÿaalec ca n'alhua.

Mateo 13:31

So Jesús nataq'en ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ala ana l'enaxat mostaza mayi ÿacona ca shiÿaxaua da ÿaalec ca n'alhua.

Mateo 13:33

Nataq'en ÿauo'o so lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ÿashiidaxachigui ana pan mayi ÿacona aca 'alo. Ime, nachi ÿalecneguet ca lta'adaic lvigoxoshic trigo lsochi mayi ivi' yi lcata da tres qanaloqten, da yaqto' 'enauac ÿashiidaxachigui.

Mateo 13:47

Nataq'en da l'onataxanaxac ñi Dios mayi neta'ague da piguem, damayi 'eeta'am ca naleguec mayi qaÿalliguingui aca auaxai, nachi ÿataqta ÿalecta't nam lalliiguishic nÿaqpi.

Mateo 13:52

Nachi somayi 'enapeco': –Ca dapaxaguenataxaatapeguec na lqataxacpi so Moisés da huo'otaq ñaq napaxagueetega da l'onataxanaxac ñi Dios mayi neta'ague da piguem, nachi camayi ishit da ivida'a da 'eeta'am cam lalamaxat ca noÿic mayi ÿataqta ÿaÿaten da nqatshiguem nam ÿaÿamaxattacpi cam dalaxaicolec qataq cam toguishic.

Mateo 18:23

Qaq ÿoqo'oyi de'eda l'onataxanaxac ñi Dios mayi neta'ague da piguem, damayi 'eeta'am ca nta'a mayi huotaique da naloqna't aca lavigaxaiste ca lamaxashicpi.

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

Mateo 22:2

–Da l'onataxanaxac ñi Dios mayi neta'ague da piguem, damayi 'eeta'am ca nta'a mayi i'ot ca lqui'axac da deque'elec ca ladonaxac ca llalec.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Mateo 25:1

Nachi de'eda l'onataxanaxac ñi Dios mayi neta'ague da piguem, damayi 'eeta'am qome caua diez qa'añole mayi ÿaconalo soua lcoÿadaxanaxaqui' mayi lca'atoxo't na aceite. Nachi nqo'ooda so nadonaxac, da yaqto' huaqatra'aguet ca adonaq.

Mateo 25:14

De'eda l'onataxanaxac ñi Dios mayi neta'ague da piguem, damayi 'eeta'am ca shiÿaxaua da huotaique da taÿa ca lÿa 'alhua. Nachi camayi iÿaxanalo soua l-lataqa, nachi ipataxalguete aso alom.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Mateo 5:10

Qataq ÿataqta machiguiñi qome nam nque'etaxangui da ncanaguec, souaxat da i'ottac cam 'eetapeguec ñi Dios, cha'ayi namayipi huetaigui qome da l'onataxanaxac ñi Dios mayi neta'ague da piguem da ilo'ogue 'enauacna.

Mateo 5:3

–Ÿataqta machiguiñi qome nam nauattootela't da iuen ca ltaunaxanaxac ñi Dios, cha'ayi namayipi huetaigui qome da l'onataxanaxac ñi Dios mayi neta'ague da piguem da ilo'ogue 'enauacna.

Mateo 6:10

Ña 'anamaxaño' qome da 'ad'onataxanaxac, yaqto' i'ot ca qonetapeguec 'enauac nam huetalecna, 'eeta'am nam hueto'ot na piguem.

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

Marcos 1:15

'Eeta': –Mashi yaqta'a ivita yi laloqo' da nvi' da l'onataxanaxac ñi Dios da ilo'ogue 'enauacna. Qaq qaualachi' qome naua qan'onataxacolli', qataq qau'amaqchiñi da n'aqtaxanaxac mayi chigaqaigui da nca'alaxa.

Marcos 1:4

Qaq nachida da 'eetec so Juan co'ollaq nachilaxaatac na shiÿaxauapi, huaña so tojlec 'alhua. Nachi 'eetega namayipi da ÿaxaadeec naua n'onataxaco, nachi qanachilaxan, yaqto' qaÿapalaxa't naua lasouaxashi'te.

Marcos 6:12

Nachi soomayi je'c, nachi da'aqtaxaadem na shiÿaxauapi, da yaqto' ÿaxaadeec naua n'onataxaco.

Lucas 1:16

Camayi i'oteguet qome da ÿataqta qalota na Israel llalaqpi na ÿi'iguelaxa ñim lataxala' Dios.

Lucas 11:20

Qalaxayi nachida da l'añaxac ñi Dios da so'otaxaatega da so'odauec na n'ecpi, qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

Lucas 13:3

'A'i, sa ishit. Qami' nataq'en qom sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

Lucas 13:5

'A'i, sa ishit. Qami' nataq'en da sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Lucas 15:7

Qaq aÿim shinapec da nachi 'eetec nataq'en na hueto'ot na piguem ÿataqta huo'o qome ca lta'adaic ntonaxac, qom huo'otaq ÿaxaadeec naua n'onataxaco ca shiÿaxaua 'itaxaloxoic, qaq saq 'en'am cam noventa y nueve no'on shiÿaxauapi mayi sa iuen da ca'aisalo naua n'onataxaco.

Lucas 16:30

Nachi som sallaxanec ÿasat, 'eeta': “Aja' 'am ita'a Abraham, qalaxayi da huo'o ca qaltaq nca'aleec nam leuaxaicpi da nqo'onalo caamayi, qaq ishit qome da ÿaxaadeec naua n'onataxaco.”

Lucas 21:31

Qaq nachi 'eetec nataq'en qom qami' mashi qauloiÿa'a da yi'oq 'enauac ne'ena, nachi qauaÿajñi da mashi sa qaÿapeque da nvi' ca l'onataxanaxac ñi Dios da ilo'ogue 'enauacna.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Lucas 6:20

Nachi so Jesús ÿamataigui so lapaxaguenatacpi, nachi 'enapeco': –Ÿataqta qauamaichiguiñi qami' mayi qami' choxoda'q, cha'ayi qadalamaxachi da l'onataxanaxac ñi Dios.

Lucas 9:2

Ime, nachi ÿamaxalec somayipi da i'axat da ñi Dios nachiñi ñi ilo'ogue 'enauacna, qataq ÿamaxalec somayipi da nataden 'enauac na sa no'onpi.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

2 Corintios 7:10

Cha'ayi de'eda naquicoxo mayi ÿaÿamaxadeeta ñi Dios, damayi i'ot da qoÿaxaadeec naua 'onataxaco qataq naigui da nca'alaxa. Qaq ÿoqo'oyi sa ishit da qanayictega. Qaq dam laquicoxo nam sa da'amqajnataxanpi, damayi naigui da nleuaxa.

Colosenses 1:13

Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Hebreos 6:1

Qaq ÿoqo'oyi qomi' no'on da ñiquigaqtashiguem, da yaqto' sevidaxa da qomi' ÿi't. Ñi'onaxataqchigui qome nam hua'auchiguiñi qanapaxaguenataguecpi so Cristo. Qataq sa ishit da shi'iguelaxasoxolec da sa'axataxaco mayi taÿa'alo naq'en da nleuaxa camayi, qataq da qaipi'iÿa'a ñi Dios,

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

Apocalipsis 2:21

Qaq aÿim mashi sami' da ldaqa' añimayi, da yaqto' ÿaxaadeec naua n'onataxaco. Qalaxayi sa ishit da ÿaxaadeec, qataq sa ishit da ÿaxaañi da nquishishaxac.

Apocalipsis 2:5

Qaq ÿoqo'oyi 'auennate qome cam huaña da 'am 'auanajñi. Ime, qaq 'anadalaxat ca 'adataxac, nachi 'au'ot som hua'auchiguiñi co'ollaxa da 'au'ottac. Ten, qom saqaÿaloq da 'am ñoqo'ona, nachi seuotaxanec añi 'adcoÿadaxanaxaqui. Qalaxayi qom 'anadalaxat da 'adataxac, qaq sa ishit da seuotaxanec.