Mateo 27:42 - Nuevo Testamento Toba Sur

⁴² –Nca'alaxateec ca lÿa, qalaq ñimayi sa ishit da maichi nca'alaxajla't. Qom ÿoqta 'eesa da nachiñi ñi lta'a na llalaqpi so Israel, qaq no'on da huenoteeguesop ñi npe'enaxaqui, yaqto' ishit da sa'amaqtenaq ñimayi.

Nuevo Testamento Toba Sombrero Negro

⁴² —Nec'alaĝatedegue jogaa'me jiyaĝa'u laqaya', qalaĝaja ja yaqanatet ta'le mach'e nec'alaĝatela't. Nach'eñe lajoĝola't joga'me israelpi: qama'le 'noota ta'le chiyaqalegue jana'me sodoso da'me nenochiñe, qama'le jep'iyaqa joñe'me.

La'aqtaqa Ñim Lo'onatac 'Enauacna 2013

⁴² «Nca'alaxatec naxa ca lỹa, qalaq Ñimaye saishet da maiche nca'alaxaala't. Qataq 'eetega da nacheñi ñi lta'a na Israel le'ecpi. ¡Qaq Ñimaye iuen da huenoteeguesop ñi npe'enaxaqui, yaqto' ishet da sa'amaqtenaq Ñimaye!

Mateo 27:42 Iomraidhean Croise

Mateo 2:2

Nachi soomayi denataxaata'pe, 'eeta': –¿Huá'ague ca hueta'ague ca lta'a na judiopi mayi chita'ague da ñiguiñi? Cha'ayi de'eda nala' lliguishiguem mayi sepa'aqta'ague, qomi' ñiloqta'a aso l'anaqte huaqajñi. Qaq ÿoqo'oyi ñanaguenaq da shi'oxodenaq.

Mateo 27:37

Qaq na nalotchiguema na lqaic somayi, nachi qoÿanaña som nanettalec da lasouaxashit, 'eeta': “Ne'ena, nachina na Jesús mayi lta'a na judiopi.”

Mateo 27:40

Nachi 'eeta': –'Am mayi qonetega co'ollaxa da 'anlaxajñi añi n'onaxanaxaqui late'edai, ime, nachi qaltaq 'an'oxooshiguem, tres na'axa'te nachi 'aumat. Qaq nagui maichi 'anca'alaxajla't qome. Qom ÿoqta 'eesa da 'am llalec ñi Dios, qaq 'aunoteeguesop qome na 'am qaiuaxaata'aguet.

Mateo 27:41

Qaq nachi 'eetec nataq'en nam lataxala'pi na ntaxaÿaxanaxanecpi qataq na dapaxaguenataxaatacpi qataq na fariseopi qataq na nquedoxonecpi da ÿi'iitac somayi. Nachi 'enapeco' namayipi:

Marcos 15:31

Qaq nataq'en na lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi ÿi'eetac somayi, qataq maichi detaqtega't, 'eeta': –Ñimayi ishit da nca'alaxateec ca lÿa, qalaxayi sa ishit da ÿañoxot da maichi nca'alaxajla't.

Marcos 15:32

Ñim 'eetega da nca'alaxaqui lta'a na llalaqpi so Israel, da ishit da sauanaqchigui nagui da huenoteeguesop ñi npe'enaxaqui, nachi ishit da sa'amaqtenaq. Qaq ivida'alo soua lÿa't mayi qaiuaxaatrauo, soomayi ishiueetrac so Jesús.

Lucas 19:38

Nachi qoÿiita': –¡Ÿataqta no'on da lliquiaxac na qadta'a mayi nactaigui da l'enaxat ñi qadataxala'! ¡Huo'o qome da nlagaxayic na piguem, qataq da lli'oxoyic ñi Dios!

Lucas 23:35

Qaq 'enauac na shiÿaxauapi imeteetac somayi qataq ivida'a nam nta'alpi ÿi'iitac, 'eeta': –Nca'alaxateecnaxa ca lÿa. Qaq nagui, qaq no'on da maichi nca'alaxajla't, qom ÿoqta 'eesa nachiñi ñi nta'a nca'alaxaqui mayi lca'aguishic ñi Dios.

Lucas 23:37

Qataq qoÿiitega, qoÿiita': –Qom nachi'am mayi 'am lta'a na judiopi, qaq no'on qome da maichi 'anca'alaxajla't.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Juan 12:13

Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

Juan 12:47

Qalaxayi da huo'o ca chochi n'axaÿaxaategalo naua i'aqtaqa, qalaq sa ishit da i'o't, qaq sa ishit qome da nachaÿim da so'ot ca nhuaxanaguec camayi; cha'ayi aÿim sa ishit da ñanaÿa ana 'alhua da sauo'o ca nhuaxanaguec na shiÿaxauapi; chaqdata da aÿim ñanac, da yaqto' ñica'alaxateec namayipi.

Juan 9:24

Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita': –Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.

Hechos 4:14

Qataq nataq'en souaxat da qailota'a som shiÿaxaua mayi no'oita qanqoÿin da nachattauo, nachi sa ishit da huo'o ca n'aqtac da qoÿinapegalo soomayi.