Mateo 27:40 - Nuevo Testamento Toba Sur

⁴⁰ Nachi 'eeta': –'Am mayi qonetega co'ollaxa da 'anlaxajñi añi n'onaxanaxaqui late'edai, ime, nachi qaltaq 'an'oxooshiguem, tres na'axa'te nachi 'aumat. Qaq nagui maichi 'anca'alaxajla't qome. Qom ÿoqta 'eesa da 'am llalec ñi Dios, qaq 'aunoteeguesop qome na 'am qaiuaxaata'aguet.

Nuevo Testamento Toba Sombrero Negro

⁴⁰ nataq'aen enaac: —Am jo'ne jetaque auapalaĝat mañaĝa ga'me tamenaĝaiqui let'adaic nataq'aen auaqanatet ta'le yitaĝa a'niyelaĝachijeguem qom tresolqa gaa'me noloqo'ote, ¡mach'e anec'alaĝatela't! Qom eja am Dios Lec'oĝot, ¡male auachiyaqalegue jana'me anesodoso da'me anenochiñe!

La'aqtaqa Ñim Lo'onatac 'Enauacna 2013

⁴⁰ Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Mateo 27:40 Iomraidhean Croise

Mateo 16:4

Ne'ena shiÿaxauapi qauemaicpi qataq ÿalat ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit da qoÿami', cha'ayi chaqsota som n'anec mayi huaigui co'ollaxa so Jonás mayi qoÿan. Ime, nachi jec, ca'ai somayipi.

Mateo 26:61

Nachi 'ena'po': –De'eda shiÿaxaua huo'o so na'a'q nachi 'eeta': “Aÿim seshit da ñilaxajñi ñi'iñi lauo' ñi Dios, qataq ishit da ñi'oxooshiguem tres na'axa'te, nachi ime ñaq'en.”

Mateo 27:41

Qaq nachi 'eetec nataq'en nam lataxala'pi na ntaxaÿaxanaxanecpi qataq na dapaxaguenataxaatacpi qataq na fariseopi qataq na nquedoxonecpi da ÿi'iitac somayi. Nachi 'enapeco' namayipi:

Mateo 27:42

–Nca'alaxateec ca lÿa, qalaq ñimayi sa ishit da maichi nca'alaxajla't. Qom ÿoqta 'eesa da nachiñi ñi lta'a na llalaqpi so Israel, qaq no'on da huenoteeguesop ñi npe'enaxaqui, yaqto' ishit da sa'amaqtenaq ñimayi.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Mateo 4:6

Nachi 'enapega, 'eeta': –Qom ÿataqta 'eesa da 'am llalec ñi Dios, qaq 'aupadenaxaneec qome. Cha'ayi yi l'aqtac ñi Dios mayi nanettañi 'eeta': Ñi Dios namaq qome ca lamaxashic piguem l'ec, da yaqto' 'am ntela'a. Nachi 'am ÿachitalguete qome naua lhua'q camayipi, da yaqto' sa ishit da ntoqneto naua 'adchil na coma'pi.

Lucas 16:31

Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

Apocalipsis 11:10

Qaq 'enauac qome nam shiÿaxauapi mayi huetalec ana 'alhua ÿataqta ntootapeguec da nalaatague'c soomayi. Qaq souaxat de'eda ntonaxac, nachi ñi 'oonolec ÿamaxa ca lachitaqtaxanaxat ca lÿa. Cha'ayi se'esoua dos l'aqtaxanaxanqa ñi Dios, soomayi ÿataqta huo'o naq'en da nque'ejnaxac namayipi.