Mateo 27:32 - Nuevo Testamento Toba Sur

³² Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

Nuevo Testamento Toba Sombrero Negro

³² Ca'li joote yenoĝodegue uadeda'aguet ñe'me jiyaĝaua lenaĝat Simón, 'lachaqa' di'me Cirene, nach'eñe qoyamaĝalegue qaedi yepen jaga'me nesodoso ñe'me Jesús.

La'aqtaqa Ñim Lo'onatac 'Enauacna 2013

³² Qaq co'ollaq mashe qanayecot So Jesús. Nache co'ollaq huangui so nqa'aic, nache qanatena'aguet so ỹale maye le'enaxat Simón somaye lma' ye nỹecpiolec le'enaxat Cirene. Nache qoỹenapega somaye da ỹache so npe'enaxaqui So Jesús.

Mateo 27:32 Iomraidhean Croise

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Mateo 5:41

Qataq da huo'otaq huo'o ca 'am ÿachilec ca lli'ac da 'auda'a ca taÿa'a, qalaq 'anquigaxatteec ca tachiguiña ca 'auda'a.

Marcos 15:21

Qaq huo'o so shiÿaxaua mayi lma' yi Cirene, l'enaxat Simón, som lta'a' soua Alejandro qataq Rufo. Somayi chigoqtauga na n'onaxa. Qaq somayi co'ollaq qanatena'aguet, nachi ÿachi qanqoÿin som npe'enaxaqui so Jesús.

Lucas 23:26

Qaq co'ollaq mashi qaÿauec so Jesús da qaÿauotaique da qaiuaxaneuo, nachi qaÿaconeu'a so shiÿaxaua, l'enaxat Simón, mayi lma' yi Cirene. Somayi chigaqauga na n'onaxa. Nachi qaÿachilec somayi so npe'enaxaqui so Jesús, nachi ca'attaueegue qanqoÿin somayi.

Juan 19:17

Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Hechos 2:10

qataq da Frigia, qataq da Panfilia, qataq da Egipto, qataq dam laÿi yi Cirene dam África. Nataq'en huo'o na chigaqa'ague da Roma mayi hueta'a ne'ena, qaq namayipi huo'o na chigoqteuo da judío llalec, qataq huo'o na sa ishit da judío l'ec, qalaxayi quegue da l'amqajnataxanaxac namayipi.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Hechos 7:58

Nachi qanqateeguesop so la ciudad, nachi qaida'a na coma' da qaÿasaq. Qaq 'enauac nam ÿalectau'a de'eda nasaxasoxonaxac, namayipi icotano'oto naua lapo'te so nsoq l'enaxat Saulo.