Mateo 27:19 - Nuevo Testamento Toba Sur

¹⁹ Qaq so Pilato co'ollaq ña nso'ootaña so l'onataxanqa', nachi aso lhua namaxai' da l'aqtac, 'eeta': “Sa ishit qome da 'aÿapegueu'a que'eca shiÿaxaua mayi no'on da lataxac, cha'ayi so pe ÿataqta qaica ca 'en'am da lchic so ichoxonaxac, souaxat camayi.”

Nuevo Testamento Toba Sombrero Negro

¹⁹ Mane'e ca'li Pilato maliaĝa netaue ga'me lejaliaĝaiqui, jañe'me loua yedenaqatena da'me 'laqatac enaac: “Ena'te aualequeten ga'me qo'yetec na'me jiyaĝaua jo'ne yataqatelegue, qa'a jepi'yaq chaqae'ta ga'me jechoĝona jouaĝat na'me nojo' jiyaĝaua.”

La'aqtaqa Ñim Lo'onatac 'Enauacna 2013

¹⁹ Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Mateo 27:19 Iomraidhean Croise

Mateo 1:20

Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

Mateo 2:19

Qalaxayi co'ollaq mashi ileu so Herodes, nachi huaña yi Egipto da qaltaq nachaxana so José so lamaxashic ñi qadataxala', huaigui naq'en so l'ochaxa. Nachi 'enapega, 'eeta':

Mateo 2:22

Qalaxayi so José co'ollaq ÿaÿaten da so Arquelao da qoÿanagui da l'onataxanaxac so lta'a Herodes da qaltaq ilo'ogue yi 'alhua Judea, nachi somayi ÿataqta huo'o da lcolanaxa. Ime, nachi huo'o da nqataxac huaigui da l'ochaxa, nachi somayi taÿa yi 'alhua Galilea.

Mateo 27:18

Cha'ayi somayi ÿaÿaten da chochi huo'o da nquiÿaxa so Jesús, ÿoqo'oyi qoÿaneuo.

Mateo 27:24

Qaq so Pilato co'ollaq ila'a da sa ishit da ÿañoxot so shiÿaxauapi, chaqdata da nquictashiguem somayipi da lliÿa't, nachi somayi damaxasoxonaique so 'etaxat. Nachi somayi ÿauaachigui naq'en so shiÿaxauapi da iÿoi' naua lhua'q, nachi 'enapeco': –Aÿim sa ishit da ÿasouaxashit da l-leuaxa de'eda shiÿaxaua mayi qaica ca ÿasouaxat. Qaq damayi maichi qadasouaxashichi.

Mateo 27:4

Nachi 'eetega somayipi, 'eeta': –Aÿim huo'o da ÿasouaxashit, cha'ayi sanguet da nalaataguec so shiÿaxaua mayi qaica ca ÿasouaxat. Qalaxayi somayipi 'enapeco': –Aque', ¡Damayi sa ishit da qomi' saqtapegueu'a! ¡Damayi maichi 'adasouaxashit!

Lucas 23:41

Qomi' ÿoqta 'itchiguiñi dam qanque'ejnaxac, cha'ayi maichi seshiitenaqtac dam naigui nam so'otaqpi. Qaq ñim ña' shiÿaxaua, qalaxayi sa ishit da huo'o ca i'ot qauem.

Lucas 23:47

Nachi som lataxala' so huataxanaqpi co'ollaq ÿauaachigui de'eda, nachi ÿi'oxoden ñi Dios, 'eeta': –Ÿoqta 'eesa ñi'iñi shiÿaxaua da qaica ca ÿasouaxat.

Juan 19:13

Nachi so Pilato co'ollaq hua'axaÿa de'eda, nachi damaxasoxoolec da qanqateec so Jesús. Nachi somayi nso'ootaña som huaña da qai'ot na nasouaxashitpi, mayi qaÿamata'ac da l'enaxat Gabatá nam hebreo l'aqtaqa. Damayi naigui da ndoteec na coma' ca napiaqa'.

Hechos 12:21

Nachi so Herodes ÿauo'o so na'a'q mayi laloqnec da anac naq'en so shiÿaxauapi. Qaq co'ollaq ivita se'eso na'a'q, nachi somayi ÿaayiñi soua alogo mayi lalegaxaqui', nachi nso'oongui aso nso'onaxaqui da nta'a, nachi ÿauo'o so ltaxaÿaxac.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Hechos 18:16

Nachi ÿamaqhuec somayipi aso l'onataxanaxaqui.

Hechos 18:17

Nachi 'enauac nam griego l'ecpi ÿaconeu'a so Sóstenes som nataxala' aca naponaxaqui, nachi ÿataqta qaiuaxaatac, ÿauaachigui qanqoÿin so nta'a Galión. Qalaxayi somayi sa ishit da ÿoqochitega de'eda.

Hechos 25:10

Nachi so Pablo 'enapeco': –Aÿim mashi sootaigui mque' ana l'onataxanaxaqui ca nta'a mayi neta'ague da Roma, qaq namayi nachina na huaña da ishit da aÿim qanmit. Cha'ayi 'am mashi 'auaÿateeta da aÿim qaica ca ÿasouaxashit da huo'otaq huetaigui na judiopi.

Hechos 25:17

Qaq ÿoqo'oyi somayipi can anac da naÿa ne'ena, nachi aÿim sa saÿaloxonai' da so lÿa na'a'q nachi sau'a añi i'onataxanaxaqui, nachi samaxasoxoneuga ñi'iñi shiÿaxaua.

Hechos 25:6

Nachi so Festo huac da ivi' naua ocho huo'otaq diez na'axa'te da hueta'a yi Jerusalén. Ime, nachi ÿi'iguelaxague da Cesarea, qaq so lÿa na'a'q nachi nqo'oneu'a aso l'onataxanaxaqui, nachi damaxasoxoneuga so Pablo.

1 Pedro 2:22

Somayi sa ishit da huo'o ca lasouaxashit, qataq sa ÿauango' da huo'o ca ÿatenachit.

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.