Mateo 26:59 - Nuevo Testamento Toba Sur

⁵⁹ Nachi nam lataxala'pi na ntaxaÿaxanaxanecpi qataq so nquedoxonecpi qataq 'enauac nam nta'alpi mayi loicnatac na lataxacpi, namayipi nmittaique ca lataxac da huo'o ca chochi qaÿasaxalec lasouaxashit qanqoÿin so Jesús, nai'ctaxa da saq 'en, da yaqto' qaÿalauat.

Nuevo Testamento Toba Sombrero Negro

⁵⁹ Jogaa'me lejaliaĝanaqa ga'me tamenaĝaiqui lo'olpi nataq'aen ena'uaque gaa'me p'ajodaye 'me yema'a't nale yelotedaque ga'me ja eja 'naqataguec ñe'me Jesús qaedi chiyaqayi da'me qoyalat,

La'aqtaqa Ñim Lo'onatac 'Enauacna 2013

⁵⁹ Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq 'enauac som nmit na nasouaxashetpi, somayepi nmittaique da huo'o ca shiỹaxaua da huo'o ca latenataxanaxac da ỹasaxalec So Jesús, da yaqto' qaỹaconeua'a Somaye da qaỹalauat.

Mateo 26:59 Iomraidhean Croise

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Juan 18:19

Nachi som lataxala' na ntaxaÿaxanaxanecpi, somayi ichimaxattega so Jesús, denataxaatapegueque soua lapaxaguenataqa, qataq chaq 'eetec ca lapaxaguenataxanaxac somayi.

Juan 18:21

Qaq ¿tá'ainco' da aÿim 'aunattac? No'ónctaxa da 'aunat nam shiÿaxauapi mayi aÿim n'axaÿaxaatega, yaqto' namayipi ishit da i'axat cam i'aqtaxanaxac mayi sami' namayipi. Cha'ayi namayipi ÿaÿateeta dam i'aqtaxanaxac.