Mateo 26:5 - Nuevo Testamento Toba Sur

⁵ Qalaxayi somayipi 'enapeco': –Sa ishit qome da huetoigui ñaqashinaq naua na'axa'te naponaxaqui', yaqto' sa ishit da i'elaxa't na shiÿaxauapi.

Nuevo Testamento Toba Sombrero Negro

⁵ Qalaĝaja enapega't: —'Noota qom ja naqaega ga'me nolo' jo'ne Pascua, qaedi ga'me jiyaĝadipi ja qo'mi 'te yeloiquiaĝa'n da'me jalilegue.

La'aqtaqa Ñim Lo'onatac 'Enauacna 2013

⁵ Qalaxaye somayepi huo'o na 'eeta' da la'aqtac: «Saishet qome da huetoigui ñaqa'enaq naua na'axa'te maye naponaxaqui', yaqto' na shiỹaxauapi saishet da qomi' dalemataỹalo qataq saishet da lliỹa't namayepi.»

Mateo 26:5 Iomraidhean Croise

Mateo 14:5

Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Mateo 21:26

Qaq da huo'otaq shinaqpec da chochi shiÿaxaua ca ÿamaxalec, qaq huo'o da qadcolanaxa na shiÿaxauapi. Cha'ayi 'enauac namayipi ÿataqta i'amaqten so Juan da l'aqtaxanaxanec ñi Dios.

Mateo 27:24

Qaq so Pilato co'ollaq ila'a da sa ishit da ÿañoxot so shiÿaxauapi, chaqdata da nquictashiguem somayipi da lliÿa't, nachi somayi damaxasoxonaique so 'etaxat. Nachi somayi ÿauaachigui naq'en so shiÿaxauapi da iÿoi' naua lhua'q, nachi 'enapeco': –Aÿim sa ishit da ÿasouaxashit da l-leuaxa de'eda shiÿaxaua mayi qaica ca ÿasouaxat. Qaq damayi maichi qadasouaxashichi.

Marcos 14:12

Qaq som l'auaxanec soua na'axa'te naponaxaqui' mayi huaigui da qanallic ana pan mayi qaca aca lalegue anam ÿashiidaxachigui, se'eso na'a'q nachi nalaataxaqui na qagueta mayi qanallic da qaiuennate co'ollaq qanayica'ai so Egipto, nachi soua lapaxaguenataqa inatta'po' so Jesús, qoÿiita': –¿Chaq huá'ague ca 'anshitaique da saxague, da yaqto' saqataxanqai' ca huaña da 'auque'e ca na'a'q huaigui da qaiuennate co'ollaq qanayica'ai so Egipto?

Marcos 14:2

Qalaxayi somayipi 'enapeco': –No'on da sa ishit qome da huetoigui ñaqshinaq na naponaxaqui, yaqto' sa ishit da huo'o ca l'elaxa na shiÿaxauapi.

Marcos 14:27

Nachi so Jesús 'enapegalo soomayi, 'eeta': –'Enauac da qoñiita aÿim qaualachiÿa'a't ne'ena pe, cha'ayi nachi 'enapec naua ñiyigui'shi l'aqtaqa ñi Dios, 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Lucas 20:6

Qaq da huo'otaq shinaqpec da chochi shiÿaxaua ca ÿamaxalec, qaq 'enauac na shiÿaxauapi ÿoqta qome da qomi' ÿasa'q na coma' da qomi' ÿalaua't, cha'ayi ÿoqta 'eesa da so Juan, somayi l'aqtaxanaxanec ñi Dios.

Lucas 22:7

Qaq mashi iviteuga so na'a'q mayi huetoigui da qanallic ana pan mayi sa qaÿauo'o anam ÿashiidaxachigui. Se'eso na'a'q nachi nalaataxaqui na qagueta llalec mayi qanallic, da yaqto' qaiuennate so na'a'q co'ollaq qanayica'ai yi Egipto.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Hechos 19:29

Nachi ÿataqta huo'o da l'axa 'enauac so la ciudad. Nachi qaÿaconeu'a so Gayo qataq so Aristarco, soomayi chigoqda'ague da Macedonia, qaq nachi nnaictrague' so Pablo. Nachi soomayi qaÿauecdau'a cam noÿic mayi huaña naxa da qai'ot na ntaxaÿaxac.

Hechos 21:38

Qachi ¿sa ishit qone' da nachi'am som Egipto l'ec mayi huo'o so na'a'q nachi i'ot so npa'aguenaxac, nachi ÿauegueuga so tojlec so cuatro mil shiÿaxauapi mayi laataxanaxaicpi?

Hechos 4:28

Qaq de'eda i'ot namayipi ipacchiguilo 'enauaque naua 'alapaxayiñi 'adhuennataxaco co'ollaq ñaq taÿa'a de'eda.