Mateo 26:45 - Nuevo Testamento Toba Sur

⁴⁵ Nachi qaltaq nqo'onalo soua lapaxaguenataqa, nachi 'enapegalo, 'eeta': –Hua', nagui mayi qau'ochii, qataq qanmachiiuec. Mashi ivita yi laloqo' da na shiÿaxaua llalec qoÿaneu'a na shiÿaxauapi 'itaxaloxoicpi.

Nuevo Testamento Toba Sombrero Negro

⁴⁵ Chane'eja ca'li yitaĝa 'viyelaĝa ga'me ueteda'a jogaa'me lapaĝaguenataqa qama'le enaac: —¿Qo'li maliaĝa a'uochiitac nataq'aen ja yenoĝonegue da'me a'nomataĝaqui? Male jovita nayi jena'me yaloqo', jayem jo'ne yataqachiñe Jiyaĝaua Lec'oĝot queda'me jayem qoyanouelo joga'me loeco lo'olpi.

La'aqtaqa Ñim Lo'onatac 'Enauacna 2013

⁴⁵ Ime, nache So Jesús qaltaq ỹe'eguelaxa ca huetra'a soua tres lapaxaguenataqa, nache 'enapegalo, 'eeta': «¿Ñaq qoquiito'ot da qanmacheeteguec qataq da qaro'ochaqai? Mashe anacta na 'etaxaloxoicpi da Aỹem ỹaconeua'a, Aỹem Shiỹaxaua Llalec.

Mateo 26:45 Iomraidhean Croise

Mateo 26:18

Nachi so Jesús 'enapeco': –Qanqo'oñiu'a qome yi la ciudad, nachi qaiteu'a yi lma' que'eca shiÿaxaua. Nachi qoñiÿapega, qoñiita': “Ñim qanapaxaguenaxala' 'eeta': Yi ÿaloqo' mashi sa qaÿapeque. Qaq na 'adma' qome huaña da sachic ca nallic mayi naigui da qaiuennate co'ollaq qanayica'ai yi Egipto, da sequi'iÿa'ai'salo naua ÿapaxaguenataqa.”

Mateo 26:2

–Qami' qauaÿajñi da qom inoxoodeec ne'enaua dos na'axa'te, nachi nnoxoneuo ca na'a'q mayi huetoigui da qaiuennate so na'a'q co'ollaq qanayica'ai yi Egipto. Nachi na shiÿaxaua llalec qome qoÿaneuo, da yaqto' qaiuaxaneuo.

Mateo 26:44

Nachi ca'aisalo soomayi, nachi qaltaq ñi'iguelaxai' da nqouagaxauen, qataq i'enaxatchigui so hua'auchiguiñi nqouagaxaunaxac.

Mateo 26:46

Qoñiishiguem qome, qolaq, mashi nvi' nam aÿim ÿaneuo.

Marcos 14:35

Nachi so Jesús taÿa cam cada'ac da qaÿata'a, nachi nqapaxanguet na 'alhua da iÿaxanot ñi Dios da huo'otaq ishit da sa ipagaqneguet da nque'ejnaxac mayi taÿa'a.

Lucas 22:53

Qami' soota'agueta soua na'axa'te añi n'onaxanaxaqui late'edai, qalaq ¿tá'ainco' yi sa ishito' da aÿim qauacoñiu'a? Qalaxayi mashi ivita yi laloqo' da qau'onataxañi qataq da do'onataxan da l'añaxac na napalaxa.

Juan 12:23

Nachi so Jesús 'enapegalo soomayi, 'eeta': –Nagui mashi ivita yi laloqo' da na shiÿaxaua llalec qaÿauo'o da lli'oxoyic.

Juan 12:27

Qaq nagui ÿataqta lta'adaic da shiita; qaq ¿chaq huá'ago' ca shiitec ca i'aqtac? ¿Peta'a shiita': “'Am ita'a, no'ónctaxa da aÿim 'anca'alaxateeguesop dam souaigui mayi aÿim naÿa'a?” Qalaxayi aÿim saÿaten da nachida da huo'o mshi ñanac.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 17:1

Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.