Mateo 26:41 - Nuevo Testamento Toba Sur

⁴¹ Qami' qanloitauec qome, qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua ÿataqta nasapatta da lquiyaqteÿaxac, qalaxayi da l'oquiaxac mayi qaica ca lasapachaxa.

Nuevo Testamento Toba Sombrero Negro

⁴¹ A'nañaĝachi qaedi aneloyitaye nataq'aen anetameñi, qaedi ja ami 'te noma't da'me anapiyenaguequi. Naa'me adai'lidi' 'uo da'me 'lañaĝa'j qalaĝaja choĝolaĝaic da'me anejiyaĝauayaĝaqui.

La'aqtaqa Ñim Lo'onatac 'Enauacna 2013

⁴¹ Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Mateo 26:41 Iomraidhean Croise

Mateo 24:42

Qaq qami' ÿataqta qanloiteec qome, cha'ayi sa qauaÿajñi ca laloqo' da ñi'iguelaq na qadataxala'ai.

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Mateo 26:38

Nachi 'enapegalo' soomayi, 'eeta': –Añi iquiyaqte ÿataqta daquico. Huotaique da yalauat da ÿaquicoxo. Qaq qoviita'a qome ne'ena, qataq sa ishit qome da qau'ochii.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Marcos 14:38

Qanloitauec qome qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua da lquiyaqteÿaxac ÿataqta nasapatta, qalaxayi da l'oquiaxac mayi qaica ca lasapachaxa.

Lucas 11:4

Qataq 'auapalaxat dam qadasouaxashit, cha'ayi qomi' nataq'en sapalaxataq 'enauac nam qomi' qai'oteque qauem. Qataq sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Lucas 22:40

Qaq co'ollaq qaiviteuga yimayi, nachi 'enapega somayipi, 'eeta': –Qanqouagaxauñi qome, yaqto' sa ishit da qami' inoxonoiguilo ca qauem nhuennataxac.

Lucas 22:46

Nachi 'eetega somayipi, 'eeta': –¿Tá'ainco' yi qau'ochiita? Ña qoñiishiguem. Ime, qaq qanqouagaxauñi, yaqto' sa ishit da qami' taiguilo ca qauem nhuennataxa.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

1 Corintios 9:27

Chaqdata da aÿim souaxan da maichi i'oquiaxac da ÿataqta ÿalaq ñaq'en, yaqto' sa ishit da aÿim sa qaÿalegaqneuo qom ime da sapaxagueetac ca iÿa.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

Apocalipsis 16:15

“Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.