Mateo 25:4 - Nuevo Testamento Toba Sur

⁴ Qalaxayi soua ÿajnaxanaqchaqai, soomayi ÿachita'pe soua lcoÿadaxanaxaqui', nataq'en soua laÿi' so lqataxanata'c lcoÿadaxanaxa't.

Nuevo Testamento Toba Sombrero Negro

⁴ Qalaĝaja gaa'me yatenaĝanaĝail yauote livitaĝanaĝa't aceite da'me yaconalo gaa'me lecoyadaĝanaqatel.

La'aqtaqa Ñim Lo'onatac 'Enauacna 2013

⁴ Qalaxaye soua lỹa't cinco maye naỹamaxatte', soomaye ỹacheta'ape so lqataxanata'c aceite, yaqto' da ivita da imeuo na le'ec aso lcoỹaraxanaxaqui', nache qaltaq icoyingui.

Mateo 25:4 Iomraidhean Croise

Mateo 10:16

¡Qaq qan'axaÿaxañiichigui de'eda shinapec! Da aÿim qami' sama'q, qalaq qoñiita'am qome ana qagueta da quichiguingui nam shiguiÿacpi mayi dequi'iÿapec. Qalaq ÿataqta sa qanqalaachi qome, qoñiita'am na n'adaxanaq, qalaxayi sa ishit da qauacoñiÿa'aguet ca qad'oi, qoñiita'am na qoto'pi.

Mateo 25:2

Qaq cinco soomayi soua qaica ca ÿaÿajna'alo, qataq cinco soua ÿajnaxanaqchaqai.

Mateo 25:3

Qaq se'esoua qaica ca ÿaÿajna'pe co'ollaq je'c nachi ÿachi' soua lcoÿadaxanaxaqui', qalaq sa ishit da ÿachi' ca lcoÿadaxanaxa't da ivita da imedeuo soua lcoÿadaxanaxaqui'.

Mateo 25:5

Qaq cha'ayi ÿataqta qaÿaloqteguet se'eso adonaq, nachi 'enauaque soomayi huo'o na l'ochaqa', nachi do'ochi'.

Mateo 7:24

Qaq ÿoqo'oyi cam ÿataqta aÿim n'axaÿaxana qataq i'ot da shiitega, qaq camayi 'eeta'am ca shiÿaxaua mayi ÿataqta ÿajnaxanaxaic mayi n'oxootelec naq'en ca coma' da n'oxooshiguem ca lma'.

Juan 3:34

Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

2 Corintios 1:22

Qataq nachiñi ñi qomi' l'angui'shi qataq ÿanaiguilo naua qadquiyaqte so n'Espíritu Santo, qaq nachiso som ÿoqta 'itchiguiñi naq'en cam qomi' qoÿanma.

1 Juan 2:20

Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.

Judas 1:19

Qaq 'ena nam i'ot da iÿodacachi naq'en na shiÿaxauapi, cha'ayi ÿalaxaguet cam 'eetapeguec da lapachiyaxac. Qataq namayipi sa ishit da netanguit so n'Espíritu ñi Dios.