Mateo 24:43 - Nuevo Testamento Toba Sur

⁴³ Qalaxayi qami' qauaÿajñi da huo'otaq que'eca lma' ca noÿic, da huo'otaq ÿaÿaten ca laloqo' ca pe da nvi' ca cachaxaic, nachi camayi sa ishit da do'ochi, da yaqto' sa ishit da ÿashin da qainoxotau'a ca lma' da qaicachiÿot.

Nuevo Testamento Toba Sombrero Negro

⁴³ 'Noota qom auayachiñe da'me dojo': qom ga'me ladipa ga'me emec joote yayaten jaga'me hora da'me novi' ga'me cachaĝaic, qama'le joote yeviteta't qama'le ja yajeta ga'me cachaĝaic ta'le yenoĝonoue ga'me 'lemec qaedi decachi.

La'aqtaqa Ñim Lo'onatac 'Enauacna 2013

⁴³ Qaq ỹoqta 'eesa de'era qami' sa'aqtaxanema da ca lalamaxat ca nỹec da huo'otaq ỹaỹaten ca laloqo' da nvi' ca cachaxaic, nache camaye nauaatac ca lma', da yaqto' saishet da qaicachiỹot.

Mateo 24:43 Iomraidhean Croise

Mateo 14:25

Qaq co'ollaq mashi sa qaÿapeque so na'a'q, nachi so Jesús nqo'oneueegue somayipi, petalec na 'etaxat.

Mateo 20:11

Qaq co'ollaq ÿaconguet aso nshiitenaqte, nachi qainoÿa so 'aco'. Nachi qoÿinapega,

Mateo 24:42

Qaq qami' ÿataqta qanloiteec qome, cha'ayi sa qauaÿajñi ca laloqo' da ñi'iguelaq na qadataxala'ai.

Mateo 24:44

Qaq ÿoqo'oyi qami' ÿataqta qanaÿamaxachiitai' qome. Cha'ayi qom mashi sa ishit da taÿapigui qadvilli de'eda, nachi nvi' na shiÿaxaua llalec.

Mateo 25:10

Qalaxayi se'esoua cinco qa'añole mayi qaica ca ÿaÿajna'pe, co'ollaq je'c da deshijnaxaadaique ca lcoÿadaxanaxa't, nachi mashi nvideuo so adonaq. Nachi som qa'añi mayi lhuotte', nachi lÿatreuo somayi da pa'adeu'a ca nadonaxac. Ime, nachi qaÿapogui so lasom.

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Marcos 13:35

Qaq ÿoqo'oyi qami' ÿataqta qanloiteec qome, cha'ayi qami' sa qauaÿajñi ca laloqo' da nvi' que'eca lma' ca noÿic, cha'ayi sa iuena'a da nvi' da napalchiguiñi, huo'otaq laiñi ca pe, huo'otaq da mashi noÿin na 'olgaxa, huo'otaq da mashi yi'oxoñi.

Marcos 6:48

Nachi somayi ila'aguelo soua lapaxaguenataqa da nqalligotta'pe da delloctaxaata'pe, cha'ayi soomayi ÿataqta datatreguet so l'at. Qaq co'ollaq mashi chi'iguejda, nachi so Jesús jec da nqo'oneueeguelo soomayi, quetalec na 'etaxat. Nachi somayi nshitaique co'ollaxa da napactalguete.

Lucas 12:38

Qaq nai'ctaxa da laiñi na pe da nvi' camayi, huo'otaq da mashi yaqta'a da yi'oxoñi, qalaxayi nachi 'en'am nlotauec camayipi da qaivideu'a. Qaq ÿataqta machiguiñi qome que'eca nlatacpi.

Lucas 12:39

Qataq qauaÿajñiita de'eda shinapec da huo'otaq ca lalamaxat ca noÿic da huo'otaq ÿaÿaten ca laloxoqui da nvi' ca cachaxaic, nachi camayi sa ishit da do'ochi, qataq sa ishit da ÿashin da qainoxotau'a da yaqto' qaicachiÿot.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Apocalipsis 16:15

“Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.