Mateo 24:14 - Nuevo Testamento Toba Sur

¹⁴ Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

Nuevo Testamento Toba Sombrero Negro

¹⁴ Qama'le dojo' 'laqataĝanaĝac ñe'me Dios 'me 'yaĝatetac da'me lejaliaĝa qo'yaĝatapema qomle ena'uaque ga'me jiyaĝadipi jo'ne uetedalegue jena'me aleua qaedi yateto'n. Yem qama'le novi' ga'me loiquiaqa'.

La'aqtaqa Ñim Lo'onatac 'Enauacna 2013

¹⁴ Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Mateo 24:14 Iomraidhean Croise

Mateo 10:7

Nachi qau'axachiim qome da mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 18:19

Nataq'en qami' shinapegalo da huo'otaq huo'oi caua dos da qoñiita nagui da ñaq huetra'a ana 'alhua da huo'otaq ÿataqta qan'aqtaxaachigui ca qaiÿaxanaique da natame'n, nachi ñi ita'a mayi neta'ague da piguem, ñimayi ÿan cam qaiÿaxanaique.

Mateo 24:3

Nachi nqo'ooyishiguemec aso saqaÿoqotchiguemec 'alhua mayi nanqa' ana olivos. Nachi so Jesús co'ollaq nso'ootañi, nachi soua lapaxaguenataqa isoxoototo somayi da ina't, 'eetra': –Sauoqtaique da qomi' 'au'axatema chaq lagui qaq ivita de'eda. ¿Chaq négue't qome ca l'anaxat ca 'ayi'iguelaxasoxoc qataq cam loga't ana 'alhua?

Mateo 24:6

Qami' qau'aqaitapeguelec qome da chimaqchiguiñalo na alaataxac. Qalaxayi sa ishit qome da qayi'ii, cha'ayi damayi nachi qoÿina'ac. Qalaxayi saxanaxa qome da ivita ca laloqo'na.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Marcos 13:10

Cha'ayi qom yaqta'a da ivita ca loga'tna, nachi da n'aqtac mayi chigaqaigui da nca'alaxa, damayi sogote da qai'aqtaxanem 'enauac na ÿotta'a't shiÿaxauapi.

Lucas 2:1

Qaq se'esoua na'axa'te, nachi so lta'a na nta'alpi l'enaxat Augusto, somayi ÿan so l'aqtac da 'enauac na shiÿaxauapi qoÿideuo na l'enaxatpi da qanaloqna't.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Lucas 4:5

Ime, nachi so shiÿaxaua lma'na qaltaq ÿaviguishiguema somayi aso qasoxonaxa, nachi saqaÿaloq da ÿachaxanalo 'enauaque naua 'ale'u.

Hechos 1:2

chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo.

Hechos 11:28

Qaq huo'o so 'oonolec soomayi, l'enaxat Agabo. Somayi nachajñi co'ollaq huetaigui so nqaÿañicpi, nachi so Espíritu Santo i'aqtaxanaxanec somayi da huo'o qome ca lta'adaic nqouaxa ana 'alhua. Qaq de'eda l'aqtaxanaxac ipacchigui, huetoigui so na'a'q co'ollaq lta'a na nta'alpi so l'enaxat Claudio.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Hechos 17:6

Qaq co'ollaq sa qaÿanatalo soomayi, nachi qaÿauec so Jasón, qaÿauogleeta. Qataq huo'oi soua lÿa't 'amqajnataxanaxaiqa da qaÿauegueu'alo som lta'alpi se'eso la ciudad. Nachi i'alaqtagui somayipi, 'eeta': –Ne'enaua shiÿaxa'u mayi idaxaatrapigui 'enauac na shiÿaxauapi da chigoqtra'ague, naamayi nagui qataq nvitra ne'ena souaqta'a.

Hechos 19:27

Qaq damayi ÿataqta huo'o da lchic, cha'ayi de'eda qad'onataxanaxac ishit da nlaguiñi. Nataq'en ñi lauo' añi ñatamnaqtacot qadate'e Artemisa, ñimayi ishit da daqat da lli'oxoyic. Huaña, nachi sa ishit da huo'o ca 'enec qanqoÿin dam l'amaqchic añim qadate'e mayi natameetacot na netaña na Asia qataq 'enauac nam neta'alo naua lÿa't 'ale'u.

Hechos 20:25

Qaq nagui yi'oqta da 'enauac da qoñiita nam sa'aqtaxaatapeguem co'ollaxa da l'onataxanaxac ñi Dios da ilo'ogue 'enauacna, da nachi tachiguiña nagui da aÿim sa nauane'.

Romanos 10:18

Qalaxayi aÿim senataxan, shiita': ¿Namayipi sa ishit peta'a da hua'axaÿa de'eda n'aqtaxanaxac? ¡'A'i, sogote da hua'aqtega! Cha'ayi naua ñiyigui'shi l'aqtaqa ñi Dios 'eeta': Naua l'aqtaqa so n'aqtaxanaxanecpi ima 'enauac na huetalec ana 'alhua da hua'axaÿa, qataq naua l'aqtaxanaxaco ivida'alo 'enauaque naua pa'atreec laÿil ana 'alhua.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Hebreos 1:6

Qalaxayi co'ollaq anacot so l'auaxanec llalec da namaxa ana 'alhua, nachi 'enapeco': 'Enauac qome nam lamaxashic piguem l'ecpi ñi Dios, namayipi qome i'adoto naua l-llicte.

Hebreos 2:5

Cha'ayi ñi Dios sa ishit qome da ÿachito'ot naq'en ca lamaxasoxonaxac na lamaxashic piguem l'ecpi cam 'alhua mayi sa'axataqtac.

Apocalipsis 14:6

Ime, qataq sela'a so lÿa namaxashic piguem l'ec, huaÿotac, hueto'ot na piguem, ÿachitac so n'aqtaxanaxac mayi qaica ca loga't mayi chigaqaigui da nca'alaxa, da yaqto' da'aqtaxanem 'enauac nam netalec ana 'alhua ÿotta'a't shiÿaxauapi mayi ÿotta'a't na l'aqtacpi.

Apocalipsis 16:14

Qaq soomayi nachisoua soua lamaxa'shi so Satanás mayi i'ottac na n'anecpi mayi i'ot da n'aalaxa. Qaq soomayi huenoxoodeec, da yaqto' laÿona't 'enauac na nta'alpi mayi huetalec ana 'alhua, da ÿaqataxaatai' da deloqui que'eca na'a'q mayi lvidaxaqui da ÿauo'o ca nhuaxanaguecna ñim Dios mayi qaica ca ÿaqalanapec.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.