Mateo 24:10 - Nuevo Testamento Toba Sur

¹⁰ Nachi que'eca na'a'q ÿataqta qalota qome na ÿaxaneec da lpi'iÿaxac, nachi nquiÿa ca lÿa qataq da imenguet ca sa lataxac.

Nuevo Testamento Toba Sombrero Negro

¹⁰ Qomle gaa'me noloqo'ote qayoĝode' gaa'me nematedapec qomle da'me lepe'e', nataq'aen ja neuotena't nataq'aen onolqa'tape p'ayapega't jogaa'me.

La'aqtaqa Ñim Lo'onatac 'Enauacna 2013

¹⁰ Nache qalota qome nam Aỹem ca'attague' da ỹaxanec da lpi'iỹaxac Aỹem, qataq huo'o qome ca decachiỹalec ca lỹa da sa iyacnapec, cha'aye souaxat da lquiỹaxa.

Mateo 24:10 Iomraidhean Croise

Mateo 10:21

Na shiÿaxauapi i'otec qome ca maichi lqaÿa da qaÿalauat, qataq ca shiÿaxaua i'otec qome ca maichi lalamaxat llalec da qaÿalauat. Qataq ca nsoq maichi npa'aguene' ca lta'a, nachi damaxasoxoolec da qaÿalauat.

Mateo 11:6

Qaq ÿataqta machiguiñi qome cam sa ishit da aÿim ÿoqolguet.

Mateo 13:21

Qalaxayi souaxat da qaica ca lpa'a'ÿaxac da n'aqtac, nachi sa ishit da 'eetai'. Cha'ayi da huo'o da ñi'iguenataguec, huo'otaq da ncanaguec souaxat da n'aqtac, nachi qoshiuec.

Mateo 13:57

Qaq ÿoqo'oyi sa ishit da qaÿoqocha'a somayi. Qalaxayi so Jesús 'enapeco': –'Enauac na shiÿaxauapi ÿataqta ÿauotec ca l'aqtaxanaxanec ñi Dios. Qalaxayi nam maichi lmayaxauapi qataq nam lalamaxat lqaÿañicpi, sa ishit da ÿauotec.

Mateo 24:11

Qataq qalota qome na tenataxanaxaicpi na nachaxan, 'eetega da l'aqtaxanaxanecpi ñi Dios, nachi ÿataqta qalota qome na ÿatenachit shiÿaxauapi.

Marcos 13:12

Na shiÿaxauapi maichi i'oteguet qome ca maichi lqaÿa ca nalaataguec qataq ca nta'a maichi i'oteguet ca llalec ca nalaataguec, qataq ca ñalec maichi i'otegueta da nalaatague'c caua maichi lta'al.

Marcos 4:17

Qalaxayi sa qaÿangui na lpa'a'q, nachi sa ishit da 'eetai'. Cha'ayi da ivita da anac da ñi'iguenataguec, huo'otaq da ncanaguec souaxat da n'aqtac, nachi camayi qoshiuec.

Lucas 21:16

Qalaxayi qami' qoÿadeuo qome, ivida'a ca qadalamaxachi qadta'ai qami' ÿaadeuo, huo'otaq ca qadqaÿañiquipi, huo'otaq ca qadhuo'oi l'ecpi, huo'otaq ca chochi qanauochaxauaipi. Qataq qaÿalauat ca 'oonolec da qoñiita.

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

2 Timoteo 4:10

Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

2 Timoteo 4:16

Se'eso na'a'q co'ollaq chita'ague da so'ot so hua'auchiguiñi itaxaÿaxac da setaxaÿapegue' na nta'alpi, qalaq 'enauac da aÿim qaÿalata'a't, qaica ca aÿim nachaateu'a da aÿim detaqlec. Qalaxayi 'onaxaic da ñi Dios sa ishit da ilogui qome de'eda.