Mateo 23:8 - Nuevo Testamento Toba Sur

⁸ Qalaxayi qami' sa ishit qome da qami' ÿamata'aque napaxaguenataxanaxayi na shiÿaxauapi. Cha'ayi 'enauac da qoñiita qami' nqaÿañicpi, qaq 'oonolec na qanapaxaguenaxala'ai, mayi nachina na nta'a nca'alaxaqui.

Nuevo Testamento Toba Sombrero Negro

⁸ “Qalaĝaja ami 'noota qom ja a'uamaqachiñe ta'le ami qoyiyaĝanaĝatapeque paĝaguenataĝanaĝayaqa, qa'a ena'uaque ami mach'e ami naqaya' nataq'aen onolec ñe'me Anapaĝaguenoqo't.

La'aqtaqa Ñim Lo'onatac 'Enauacna 2013

⁸ Qalaxaye qami' saishet qome da qauacheeta'a na shiỹaxauapi da qami' iỹaxanalo qalaq 'eetega qami' napaxaguenataxanaqpi. Cha'aye 'enauac da qoñiita qami' nqaỹañecpi, qaq 'oonolec na Qanapaxaguenaxala'ai.

Mateo 23:8 Iomraidhean Croise

Mateo 10:25

Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 23:10

Qataq sa ishit qome da qami' qaÿamata'aque da qami' nataxala'te, cha'ayi 'oonolec na qadataxala'ai, mayi nachina na nta'a nca'alaxaqui.

Mateo 23:7

Qataq nshitaique da qaiyaata da qaiquin da huangui na nqa'aic, qataq da qaÿamata'ac napaxaguenataxanaqpi.

Mateo 26:25

Nachi detaqa so Judas mayi nachiso so ÿaneuo, 'eeta': –'Am qadataxala', ¿peta'a nachaÿim? Nachi so Jesús 'enapeco': –Aja', nachi'am.

Mateo 26:49

Nachi somayi nqo'oneu'a so Jesús, nachi iquin, 'eeta': –¡La', 'am ÿataxala'! Nachi napigoqot.

Marcos 10:51

Nachi so Jesús inattac somayi, 'eeta': –¿Négue't ca 'anshitaique da 'am so'otec? Nachi se'eso qanamaic 'enapeco': –'Am mayi 'auapaxaguenataxaatac, aÿim ñishitaique da ñauaañi.

Marcos 11:21

Nachi so Pedro tachigui lauel co'ollaxa da l'aqtac so Jesús, nachi 'enapego' somayi, 'eeta': –'Am mayi 'auapaxaguenataxaatac, ña 'aula'a adam higo lchiyic mayi 'anlaqtega caillayi, adamayi daqaqa.

Marcos 14:45

Nachi somayi co'ollaq nvi', nachi nqo'oneu'a so Jesús. Nachi 'enapego', 'eeta': –'Am ÿataxala'. Nachi napigoqot.

Marcos 9:5

Nachi so Pedro 'enapego' so Jesús, 'eeta': –'Am mayi 'auapaxaguenataxaatac, ¡ÿataqta ÿaÿamaqchiguiñi da nachi souaqta'a ne'ena! Nachi so'ota'q caua qadma'chilli', 'oonolec ñaq'enaq ca 'adma', qataq da Moisés, qataq da Elías.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.

Juan 1:38

Nachi so Jesús co'ollaq nqoilec, nachi ila'agueta soomayi da ca'attrauo, nachi inatta'pe, 'eeta': –¿Négue't ca qanmichiitaique? Nachi soomayi 'ena'po': –'Am mayi 'auapaxaguenataxaatac, ¿huá'ague ca qoneta'ague?

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Juan 11:8

Nachi soua lapaxaguenataqa 'eetegalo somayi, 'eeta': –'Am mayi 'auapaxaguenataxaatac, ñaq chita'ague da na judiopi mayi lma' yi'iyi 'alhua, nshitaique da 'am ÿalauat da 'am ida'a na coma', qalaq ¿tá'ainco' yi qaltaq 'anshitaique da 'aÿa yimayi?

Juan 20:16

Nachi so Jesús 'enapego' asomayi, 'eeta': –¡María! Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta': –¡Raboni! (Damayi naigui da 'eeta': 'Am napaxaguenataxanaq).

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 3:26

Nachi se'esoua nale't nqo'oodeu'a so Juan da qai'aqtaxanem, qoÿiita': –'Am mayi 'auapaxaguenataxaatac, ña 'aumeten da 'am hueta'aguet so lÿa na'a'q mayi hueta'ague da nala' lliguishiguem yim tala Jordán, dam qomi' 'au'axattapeguema co'ollaxa, damayi nagui dachilaxanataxaatac. Nachi 'enauac na shiÿaxauapi quetague'.

Juan 4:31

Nachi soua lapaxaguenataqa ÿoqopitaxaata'pe da nachoxodeetracot somayi, qoÿiita': –'Am mayi 'auapaxaguenataxaatac, ña cada'ac 'auque'e qome.

Juan 6:25

Nachi somayipi co'ollaq ivittague da le'ego aso lapel, nachi qailalec so Jesús. Nachi qainattac, qoÿiita': –'Am mayi 'auapaxaguenataxaatac, ¿chaq lágui co'ollaxa da 'anvitta ne'ena?

Juan 9:2

Nachi soua lapaxaguenataqa inatta'pe somayi, 'eeta': –'Am mayi 'auapaxaguenataxaatac, ¿chaq tá'ainco' ñi'iñi shiÿaxaua yi nacteueegue' da lqanamaxa? ¿Peta'a souaxat da huo'o ca lasouaxashi't caua lta'al, loqo' chaq souaxat ca maichi lasouaxashit ñimayi?

2 Corintios 1:24

Cha'ayi qomi' sa ishit da sauoqtaique da qami' sapaxaguenaxaque ca qad'amqajnataxanaxaqui, cha'ayi da qadpi'iÿaxaqui mashi ÿaÿamaqchiguiñi. Chaqdata da sauoqtaique da qami' setauana'q, da yaqto' nquic da qantonaxaqui.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

Efesios 3:15

ñim chigoqo'ot na l'enaxat nam ÿotta'a't nhuo' l'ecpi mayi netalec ana 'alhua qataq nam lamaxashicpi mayi hueto'ot na piguem.

Filemón 1:16

Qaq nagui namayi sa ishit da 'ico' 'adlatac. Cha'ayi namayi saq 'en'am ca chochi nlatac, cha'ayi namayi 'eeta'am ca 'anauochaxaua 'adqaÿa. Namayi ÿataqta sauotec, qalaxayi ÿataqta ÿacteec 'anqa'en qome da 'adauochi. Sa ishit da chaqdata da 'auauotec, cha'ayi qoneta'am shiÿaxaua, cha'ayi namayi 'eeta'am ca 'adqaÿa 'ad'amqajnataxanaxaua so qadataxala'.

Santiago 3:1

Qami' ÿaqaÿadolqa, sa ishito' qome da saqalota na dapaxaguenataxanapec da qoñiita, cha'ayi mashi qauaÿajñi da qomi' mayi sapaxaguenataxanaqtac, qomi' naÿalguete ca saq llalcolec qanhuaxanaguec, saq shinaqa'am na qadaÿipi.

1 Pedro 5:3

Qataq sa ishit da qami' maxasoxonaxaiqa da qami' qauamaqaitac nam qami' qaipataxalguete 'amqajnataxanaxaicpi. Chaqdato' da qami' laloqnaxanqa'te namayipi,

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 22:9

Qalaxayi somayi aÿim 'enapega, 'eeta': –Sa ishit da nachi qonetec de'eda, cha'ayi chochi aÿim lamaxashic ñi Dios. Shiita'am 'am qataq nam 'adqaÿañicpi mayi l'aqtaxanaxanecpi ñi Dios, qataq 'enauac nam ÿataqta ÿalaxalguete naua nanettalguete ana'ana nede. Qaq nachiñita ñi Dios 'anatamnot.