Mateo 23:3 - Nuevo Testamento Toba Sur

³ Qaq ÿoqo'oyi qami' ÿataqta qaualaqailec qome namayipi, qataq qau'ochi 'enauac nam qami' ÿapaxaguenque. Qalaxayi sa ishit qome da qoquiigue da lataxac, cha'ayi namayipi da huo'o da 'enapec, qalaq sa ishit da i'ot.

Nuevo Testamento Toba Sombrero Negro

³ Qo'che' 'noota qom auauoyi yema ga'me ami 'yaĝatema nataq'aen aviyamaĝachi, qalaĝaja ena'te auadenaĝachi da'me e'n 'loyaĝa'j, qa'a jogaa'me 'yaĝatetedac qalaĝaja ja yauote.

La'aqtaqa Ñim Lo'onatac 'Enauacna 2013

³ Qaq ỹoqo'oye qami' iuen da qauo'oche 'enauac cam la'aqtac namayepi, qalaxaye saishet qome da qauo'oche nam ỹo'ottac namayepi, cha'aye da ỹauo'o ye dapaxaguenataxanec, qalaq namayepi ỹaqa'a na ỹo'ottac.

Mateo 23:3 Iomraidhean Croise

Mateo 21:30

Ime, nachi se'eso lta'a qaltaq nqo'ona so lÿa llalec da nataq'en 'enapega. Nachi se'eso llalec 'enapeco': “Aja', taxade, ashico'.” Qalaxayi somayi sa ishit da jec.

Mateo 23:2

–Nam dapaxaguenataxaatapeguec na nqataxacpi qataq nam fariseopi, namayipi qoÿanagui da nachina na i'axategue da llic na lqataxacpi so Moisés.

Mateo 23:4

Cha'ayi namayipi icoñiyiñi na ñi'ac qapa'atta mayi sa ishit da huo'o ca ÿañoxot da ÿachi, nachi ÿachilec naq'en na shiÿaxauapi. Qalaxayi namayipi sa ishit da chochi 'oonole llaxaata aca ÿaconeu'a naq'en.

Hechos 5:29

Nachi so Pedro qataq soua lÿa't namaxa'shi 'ena'po': –Qomi' iuen da hua'auñi da ÿataqta salaxasoxoguet ñi Dios, ime, qataq jec na yi'oqchigui shiÿaxauapi.

Romanos 13:1

'Enauac qome na shiÿaxauapi iuen da ÿalaxaguet da l'onataxanaxac na nta'alpi. Cha'ayi qaica ca nta'a da saq chigoqchigui ñi Dios. Qaq ÿoqo'oyi nam nta'alpi mayi do'onataxaatacpi nagui, namayipi chigoqchigui ñi Dios.

2 Timoteo 3:5

Namayipi nachaxaata da 'eetega quetague' da n'amqajnataxanaxac, qalaxayi sa ishit da hueto'ot da l'añaxac da n'amqajnataxanaxac. Qaq 'ena qome na 'antela'aguet.

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.