Mateo 23:14 - Nuevo Testamento Toba Sur

¹⁴ ¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ÿataqta qauqui'itaxachiite' naua lma'te ana pa'aipi, nachi qami' chochi qanqañoxochiÿoigui da qau'ochi da logodaic qanatamnaxaqui. Qaq ÿoqo'oyi qami' ÿataqta lta'adaic qome da qanhuaxanaguiiqui.

La'aqtaqa Ñim Lo'onatac 'Enauacna 2013

¹⁴ [¡Ỹataqta qauem da qa'aita'ague qami' fariseopi maye qoñiitega qami' 'eesora! Cha'aye qami' ỹataqta qui'itchiguilo qanqa'eñi naua lma'ate ana pa'aipi, qataq qanqañoxochiỹoigui da qauo'oche da logoraic qanatamnaxaqui, qaq souaxat de'era nache qami' ỹataqta lta'araic qome ca qanhuaxanaguiqui.]

Mateo 23:14 Iomraidhean Croise

Mateo 11:24

Qaq aÿim qami' shinapegalo da que'eca pa'ateec na'a'q qom qaÿauo'o ca nhuaxanaguecna, nachi qami' ÿataqta ÿacteec ca qanhuaxanaguiiqui, qaq saq 'en'am se'eso shiÿaxauapi mayi netaña yi'iyi 'alhua Sodoma.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

Marcos 12:40

Qaq na mayipi ÿataqta iÿalaxa't naua lma'te ana pa'ai, qa nachi chochi nqañoxotoigui da ÿataqta logodaic naq'en da natamnaxac. Qaq namayipi qome nachina na ÿataqta ÿacteec da nhuaxanaguec.

Lucas 12:48

Qaq cam nlatac mayi ÿoqta 'itchiguiñi da sa ÿaÿaten cam i'ottac mayi ishit da chigaqaigui da huo'o qanqoÿin ca nhuaxanaguec, qaq camayi saq 'amaqtaq qome ca nhuaxanaguec. Qaq ca qalota cam qoÿanem, qaq nataq'en qalota cam qaiÿaxaneu'a, qataq cam qalota cam qaipataxalec, qaq nataq'en ÿacteec da qalota cam qaiÿaxanaique.

Lucas 20:47

Nataq'en namayipi ÿataqta iÿalaxat na huetañalo naua lma'te nam pa'aipi, nachi namayipi chochi nqañoxotoigui da i'ot da ÿataqta logodaic naq'en da nqouagaxaunaxac. Qaq ÿataqta ÿacteec qome da nhuaxanaguec namayipi.

2 Timoteo 3:6

Cha'ayi namayipi huo'o na 'ico' nchittau'alo naua noiqa da ÿoiqueetac ana 'alo mayi sa naÿaten, qataq lqapalqa naua n'onataxaco. Ana'ana 'alo chochi quetague' na ÿotta'a't lqopitaxanaqtaiguesat,

Tito 1:10

Cha'ayi mashi saqalota na sa ÿalaq, lamaaxa na judiopi. Namayipi ltaxaÿaxaco naua chochi n'ajnaxaiqa, qataq ÿatenachittalec na shiÿaxauapi.

Santiago 3:1

Qami' ÿaqaÿadolqa, sa ishito' qome da saqalota na dapaxaguenataxanapec da qoñiita, cha'ayi mashi qauaÿajñi da qomi' mayi sapaxaguenataxanaqtac, qomi' naÿalguete ca saq llalcolec qanhuaxanaguec, saq shinaqa'am na qadaÿipi.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.