Mateo 22:21 - Nuevo Testamento Toba Sur

²¹ Nachi somayipi 'eeta': –Qomyi nachiñi ñi lta'a na nta'alpi. Nachi so Jesús 'enapeco': –Qai'añiim qome ñim lta'a na nta'alpi cam lalamaxat, qataq ñim Dios qai'añiim qome cam lalamaxat.

Nuevo Testamento Toba Sombrero Negro

²¹ Jogaa'me 'yadeteguet: —Nach'eñe ñe'me lejaliaĝane'j ga'me Roma laje'pi. Chane'eja ñe'me Jesús enapegalo: —Qama'te auañem ñe'me lejaliaĝane'j ga'me Roma laje'pi ga'me jo'ne mach'e loĝot, nataq'aen auañem ñe'me Dios ga'me jo'ne mach'e loĝot ñe'me Dios.

La'aqtaqa Ñim Lo'onatac 'Enauacna 2013

²¹ Nache somayepi 'eeta': –Qomye nacheñi ñi lta'a na nta'alpi maye netaña ye Roma. Nache So Jesús 'enapeco': –Qaỹa'añim qome ñim lta'a na nta'alpi cam lalamaxat ñimaye, qaq Ñim Lo'onatac 'Enauacna qalaq qaỹa'añim cam maiche lalamaxat nataqa'en.

Mateo 22:21 Iomraidhean Croise

Mateo 22:20

Qaq co'ollaq mashi imeten, nachi so Jesús inat somayipi, 'eeta': –¿Négue't lashic ñim huetalec ana'ana? qataq ¿négue't l'enaxat yim nanettañi?

Mateo 22:37

Nachi so Jesús 'enapeco': –“Ÿataqta 'auauotec ñi 'adataxala' Dios, imauec 'anqa'en da 'adquiyaqteÿaxac, qataq da 'anachaalataxac, qataq da 'adhuennataxac.”

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Marcos 12:17

Nachi so Jesús 'enapeco' somayipi, 'eeta': –Qai'añiim qome ñim lta'a na nta'alpi cam maichi lalamaxat, qataq ñim Dios qai'añiim ca maichi lalamaxat. Nachi somayipi ÿataqta i'aalac da l'aqtac somayi.

Lucas 20:25

Nachi somayi 'enapeco': –Qai'añiim ñim ilotague' nam nta'alpi cam maichi lalamaxat, nataq'en qai'añiim ñim Dios ca maichi lalamaxat.

Lucas 23:2

Huaña, nachi qaÿauo'o na qaÿasaxalecpi qoÿiitega lasouaxashit, qoÿiita': –Qomi' selaqalec de'eda shiÿaxaua da ÿataqta taÿa't naq'en na qadhuo' l'ecpi. Qataq 'eetega da sa ishit da seshiitenaq ñi lta'a na nta'alpi mayi netaña yi Roma, qataq 'eetega da nachida dam nta'a nca'alaxaqui.

Hechos 4:19

Nachi so Pedro qataq so Juan 'ena'po': –Maichiyi qami' qauennataxañi da huo'otaq ñi Dios ishit da ÿaÿamaxadeeta da qami' salaxasoxolguete, qalqo' salaxasoxoguet ñimayi.

Hechos 5:29

Nachi so Pedro qataq soua lÿa't namaxa'shi 'ena'po': –Qomi' iuen da hua'auñi da ÿataqta salaxasoxoguet ñi Dios, ime, qataq jec na yi'oqchigui shiÿaxauapi.

Romanos 13:7

Qaq ÿoqo'oyi iuen da ñi 'oonolec shiÿaxaua qoÿanem cam iuen da qoÿanem. Cam neto'ot aca navigaxaiste nam ÿotta'a't mayi qaishiiteetacpi, qaq no'on da camayi qaÿi'iguelaxatot cam lalamaxat. Qataq cam iuen da huo'o naq 'enec qanqoÿin, qaq nachida qai'otec. Qataq cam iuen da qaÿi'oxoden, qaq nachida qai'otec.