Mateo 21:34 - Nuevo Testamento Toba Sur

³⁴ Qaq co'ollaq mashi ivita so laloqo' da qanqat ana ala na nanguishic, nachi somayi namaq so l-latacpi, da yaqto' iÿaxanot se'eso 'onataxanaxaicpi, da yaqto' icolaxateuga cam talec somayi qanqoÿin.

Nuevo Testamento Toba Sombrero Negro

³⁴ “Ca'li yovita jo'me nolo' laloqo' da'me male qonaqat ga'me jala, qama'le yamaĝalo jogaa'me onataĝanaĝayaqa gaa'me lalemaĝaje'te qaedi qoyanema ga'me loĝot ñe'me ladipa ga'me nanaĝanaqa'.

La'aqtaqa Ñim Lo'onatac 'Enauacna 2013

³⁴ Qaq co'ollaq mashe ivita so laloqo' da qanqat ana ala na nañiguishec, nache somaye huo'oi soua ỹamaq som lamaxashecpi, da yaqto' iỹaxanot se'eso 'onataxanaxaicpi da icolaxateuga cam talec somaye qanqa'en.

Mateo 21:34 Iomraidhean Croise

Mateo 21:35

Qalaxayi se'eso 'onataxanaxaicpi ÿaconeu'a se'eso namaxashicpi. Nachi huo'o na iuaxaatac, qataq huo'o na ÿalauat, qataq huo'o na ÿasaq na coma'.

Mateo 21:38

Qalaxayi co'ollaq qaila'aguet se'eso llalec, nachi so 'onataxanaxaicpi detaxaÿapega't, 'eeta': “'Ena cha'aguet nam talec qome qanqoÿin da lsallaxa so qan'aco'. Namayi salauataq, yaqto' qomi' talguete qome na nma'.”

Mateo 21:40

Nachi so Jesús denataxan, 'eeta': –Qom ivita da anac se'eso lalamaxat so 'alhua, qaq ¿chaq huá'ague ca 'eetec naq'en se'eso 'onataxanaxaicpi?

Mateo 21:41

Nachi qoÿiita': –Qomyi ÿataqta sa ichoxonnai' da ÿalauat se'eso qauemaicpi. Ime, qaq ÿanem so 'alhua so laÿipi 'onataxanaxaicpi mayi ÿataqta ipacchigui da icolaxateuga cam talec so 'aco', da iviteuga ca laloqo' da qanqat na nanguishic.

Mateo 22:3

Nachi ÿamaq so lamaxashicpi da icoyiguen 'enauac so lqui'axauapi. Qalaxayi somayipi sa ishit da huo'o ca anac.

Marcos 12:1

Nachi so Jesús ÿauota'a so laloqnaxanaxat da da'aqtaxanem so shiÿaxauapi, 'eeta': –Huo'o so shiÿaxaua ÿaañi aso languishi uvas. Ime, nachi npaxateu'a, qataq i'ot aso laÿi' da qanlom na lli'i, qataq i'ot aso nalloxolate da yaqto' ishit da qaÿallitalec 'enauac asomayi. Qaq co'ollaq ime, nachi huo'o so i'aalaxanaxanec 'onataxanaxaicpi se'eso n'alhua. Nachi somayi jec, qaÿoqta ca taÿa.

Marcos 12:7

Qalaxayi som 'onataxanaxaicpi 'enapeco': “'Ena cha'aguet nam qaÿauotaique da talec qome qanqoÿin na 'alhua. Namayi salauataq, yaqto' qomi' talguete ne'ena 'alhua da qadalamaxat.”

Marcos 12:9

Nachi so Jesús denataxan, 'eeta': –Qaq ¿chaq huá'ague qome ca 'eetec som lalamaxat se'eso 'alhua? Qomyi somayi anac, nachi ÿalauat se'eso 'onataxanaxaicpi, nachi se'eso n'alhua i'aalaxanaxanec so laÿipi 'onataxanaxaicpi.

Lucas 20:9

Qaq co'ollaq ime, nachi da'aqtaxanem so shiÿaxauapi, nachi ÿauo'o da daloqnaxana, 'eeta': –Huo'o so shiÿaxaua ÿauo'o so lanaxanqa' da ÿaañi ana uvas. Qaq co'ollaq ime, nachi ipataxalec so l'onataxanaxanecpi. Ime, nachi taÿa ca lÿa 'alhua, nachi huo'oi naua vi'iyi da hueta'ague.