Mateo 21:26 - Nuevo Testamento Toba Sur

²⁶ Qaq da huo'otaq shinaqpec da chochi shiÿaxaua ca ÿamaxalec, qaq huo'o da qadcolanaxa na shiÿaxauapi. Cha'ayi 'enauac namayipi ÿataqta i'amaqten so Juan da l'aqtaxanaxanec ñi Dios.

Nuevo Testamento Toba Sombrero Negro

²⁶ Nataq'aen ja jaqanatetaq ta'le jenaqaac queda'me nach'egaua gaa'me jiyaĝa'u, qa'a qat'oiyapega ga'me jiyaĝadipi queda'me ena'uaque joga'me p'iida'a ñe'me Juan da'me mach'e Dios 'laqataĝanaĝanec.”

La'aqtaqa Ñim Lo'onatac 'Enauacna 2013

²⁶ Qataq huo'o da qarcolanaxa da shenaqapec da choche shiỹaxaua ca ỹami' da la'añaxac so Juan, cha'aye 'enauac na shiỹaxauapi ỹataqta ỹa'amaqten da somaye la'aqtaxanaxanec Ñim Lo'onatac 'Enauacna.»

Mateo 21:26 Iomraidhean Croise

Mateo 11:9

Qaq ¿chaq négue'to' som qami' qaumejnaxañiitapeuga? ¿Peta'a l'aqtaxanaxanec ñi Dios somaxa? Aja', ÿoqta 'eesa n'aqtaxanaxanec. Qaq somayi ÿataqta napacalec cam l'aqtaxanaxanec ñi Dios.

Mateo 14:5

Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Mateo 21:11

Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Mateo 21:25

Da inataxanaxac 'eeta': ¿Chaq négue't ca ÿamaxalec so Juan da dachilaxanataxan? ¿Peta'a nachiñi ñi Dios, huo'otaq ca chochi shiÿaxaua? Nachi somayipi maichi nqalligottega't, 'eeta': –Da qomi' shinaqpec da nachiñi ñi Dios da ÿamaxalec somayi da dachilaxanataxan, qaq ÿoqta qome da 'eeta': “¿Tá'ainco' qone' yi sa qau'amaqchiñi?”

Mateo 21:27

Nachi somayipi 'enapega so Jesús, 'eeta': –Aque', sa saÿatenaq. Nachi so Jesús 'enapeco': –Aÿim nataq'en sa ishit da qami' sa'aqtaxanema ca sachigoxota'ague de'eda shinec da so'ot de'eda.

Mateo 21:46

Nachi somayipi ÿauotaique da icoñi' so Jesús. Qalaxayi huo'o da lcolanaxa na shiÿaxauapi, cha'ayi namayipi 'eetega da so Jesús ÿataqta 'eesa da l'aqtaxanaxanec ñi Dios.

Marcos 11:32

¿Qalqo' shinaqpec da nachina na shiÿaxauapi na ÿamaxalec? Cha'ayi somayipi ÿataqta huo'o da lli'iÿaxa na shiÿaxauapi, cha'ayi qaÿaÿaten da 'enauac da qai'amaqten so Juan da ÿoqta 'eesa da l'aqtaxanaxanec ñi Dios.

Marcos 12:12

Nachi namayipi ÿauotaique da icoñi' so Jesús, cha'ayi ÿaÿaten da somayi i'ot de'eda daloqnaxana da tachigui naq'en namayipi. Qalaxayi namayipi ÿataqta ñi'iÿa'aguet na shiÿaxauapi. Nachi qaÿauaqta'a somayi, nachi qanayica'ai.

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Lucas 20:6

Qaq da huo'otaq shinaqpec da chochi shiÿaxaua ca ÿamaxalec, qaq 'enauac na shiÿaxauapi ÿoqta qome da qomi' ÿasa'q na coma' da qomi' ÿalaua't, cha'ayi ÿoqta 'eesa da so Juan, somayi l'aqtaxanaxanec ñi Dios.

Lucas 22:2

Nachi so lataxala'pi na ntaxaÿaxanaxanecpi da qaitaxaÿapegue' ñi Dios qataq som dapaxaguenataxaatapeguec na nqataxacpi, somayipi nmittaique ca ÿachigoxotchigui da ishit da ÿalauat so Jesús, qalaxayi somayipi ÿataqta ñi'iÿa so shiÿaxauapi.

Juan 5:35

So Juan, somayi 'eeta'am aca ncoÿadaxanaxaqui mayi 'ettaigui. Nachi qami' co'ollaxa ÿataqta qantoñiitapeguec de'eda lcoÿadaxanaxac, qalaxayi sa qaÿauec da qantonaxaqui.

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Hechos 5:26

Nachi som lta'a na huataxanaqpi jec, lÿa som nallippi da naueguedeuo soomayi. Qalaxayi sa ishit da sa iyina'pe soomayi, cha'ayi ñi'itega na shiÿaxauapi da huo'otaq ÿasaq somayi na coma'.