Mateo 21:11 - Nuevo Testamento Toba Sur

¹¹ Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Nuevo Testamento Toba Sombrero Negro

¹¹ Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

La'aqtaqa Ñim Lo'onatac 'Enauacna 2013

¹¹ Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.

Mateo 21:11 Iomraidhean Croise

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Mateo 21:10

Nachi so Jesús co'ollaq mashi inoxoneu'a yi Jerusalén, nachi 'enauac nam netaigui yimayi ÿataqta huo'o da l'elaxa. Nachi qalota na denataxaatac, 'eeta': –¿Négue't som so'?

Mateo 21:26

Qaq da huo'otaq shinaqpec da chochi shiÿaxaua ca ÿamaxalec, qaq huo'o da qadcolanaxa na shiÿaxauapi. Cha'ayi 'enauac namayipi ÿataqta i'amaqten so Juan da l'aqtaxanaxanec ñi Dios.

Mateo 21:46

Nachi somayipi ÿauotaique da icoñi' so Jesús. Qalaxayi huo'o da lcolanaxa na shiÿaxauapi, cha'ayi namayipi 'eetega da so Jesús ÿataqta 'eesa da l'aqtaxanaxanec ñi Dios.

Marcos 6:15

Qataq huo'o na laÿipi 'eeta': –Souaxai' nachida da Elías mayi l'aqtaxanaxanec ñi Dios. Qataq huo'o na 'eeta': –Souaxai' Dios l'aqtaxanaxanecda, 'eeta'am som hua'au l'aqtaxanaxanecpi ñimayi.

Lucas 13:33

Qalaxayi no'on da ñaq cada'acolec da ashic na na'a'q qataq'en qome nte' qataq ca lÿa na'a'q, cha'ayi sa ÿaÿamaxañi da saq huaña yi Jerusalén da ileu cam 'oonolec nam l'aqtaxanaxanecpi ñi Dios.

Lucas 24:19

Nachi somayi 'enapeco': –¿Négue'to' camaxa? Nachi soomayi 'ena'po': –Qomyi dam huaigui so Jesús mayi l'ec yi Nazaret som l'aqtaxanaxanec ñi Dios. Se'eso shiÿaxaua qaica ca ÿaqalanapec cam l'aqtac qataq cam i'ot, qaq ÿataqta ÿaÿamaxadeeta somayi ñi Dios qataq 'enauac na shiÿaxauapi.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Lucas 7:39

Qaq co'ollaq ÿauaachigui de'eda so fariseo mayi ÿayina'a da lqui'axaua so Jesús, nachi deuennataxaatac, 'eeta': “Ñi'iñi shiÿaxaua da ÿoqta 'eesa da l'aqtaxanaxanec ñi Dios, qaq ishíttaxa da ÿauatton añim 'alo mayi ipottau'alo naua lchil da añimayi quishiguetaxai.”

Juan 1:21

Nachi qaltaq qaÿi'iguelaxalec da qainat, qoÿiita': –Qaq ¿chaq négue't 'am qone'? ¿Peta'a nachi'am Elías? Nachi so Juan 'enapeco': –Sa ishit da nachaÿim Elías. Nachi qaltaq qaÿi'iguelaxalec da qainat, qoÿiita': –Qaq ¿peta'a nachi'am que'eca n'aqtaxanaxanec mayi qai'axatta'aguet da naÿa'cna? Nachi somayi ÿasat, 'eeta': –'A'i, sa ishit da nachaÿim.

Juan 1:25

Nachi somayipi inattac so Juan, 'eeta': –Qalaq ¿tá'ainco' qone' yi 'auachilaxanataxan, yi sa ishit da nachi'am que'eca nta'a nca'alaxaqui, qataq sa ishit da nachi'am Elías, huo'otaq que'eca n'aqtaxanaxanec mayi qoÿinac naÿa'cna?

Juan 4:19

Qaq co'ollaq hua'axaÿa de'eda aso 'alo, nachi 'enapeco': –'Am ÿataxala', aÿim sela'a da ÿoqta 'eesa da 'am l'aqtaxanaxanec ñi Dios.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 7:40

Nachi huo'o na shiÿaxauapi na hua'aqchigui co'ollaxa de'eda, nachi 'eeta': –De'eda shiÿaxaua ÿoqta 'eesa da nachida da l'aqtaxanaxanec ñi Dios mayi qai'axatta'aguet co'ollaxa da naÿa'cna.

Juan 9:17

Nachi qaltaq qaÿi'iguelaxalec da qainattac se'eso shiÿaxaua mayi qanamaic co'ollaxa, qoÿiita': –Qaq 'am, ¿huá'ague ca 'eetec ca 'ad'aqtac som shiÿaxaua mayi ÿauo'oi naua 'ad'ai'te? Nachi somayi 'enapeco': –Qomyi aÿim shinapec da somayi l'aqtaxanaxanec ñi Dios.

Hechos 7:37

Qataq nachiso se'eso Moisés so da'aqtaxanem co'olloxochiyi so Israel llalaqpi, 'eeta': “Ñi Dios qami' namaxalo qome ca l'aqtaxanaxanec, camayi maichi qadalamaxachi qadqaÿai, camayi 'eeta'am aÿim da qami' qanamaxalo. Qaq camayi ÿataqta qaualaqaileco' qome.”