Mateo 20:21 - Nuevo Testamento Toba Sur

²¹ Nachi so Jesús inattac asomayi, 'eeta': –¿Négue't ca 'auauotaique? Nachi asomayi 'eeta': –'Ai'an qome nagui ca 'ad'aqtac, da yaqto' qom ivita ca laloqo' ca 'ad'onataxanaxac da 'am nta'a, nachi ca 'oonolec ne'enaua dos ÿalqa huo'o ca nso'oota'ague da 'oic, qaq ca lÿa, qalaq nso'oota'ague da 'an'emaq.

Nuevo Testamento Toba Sombrero Negro

²¹ Jesús yachimaĝata jañe'me: —¿Jach'e ga'me auepaquetaque? Jaga'me enaac: —Auamaĝajoĝolegue qaedi naajo' dojolqa yalaqa onolec ga'me na'ña na'me auayaten nataq'aen laqaya na'ña na'me a'nemaq qom novitequena da'me adejaliaĝa jo'ne onaĝaic.

Mateo 20:21 Iomraidhean Croise

Mateo 18:1

Nachi se'eso na'a'q soua lapaxaguenataqa so Jesús nquiguedeuo, nachi qainattac somayi, qoÿiita': –¿Chaq négue't ca ÿoqta ÿacteec da l'amaqchic nam huetaigui da l'onataxanaxac ñi Dios mayi neta'ague da piguem?

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Mateo 20:22

Nachi so Jesús 'enapeco': –Qami' sa ishit da qauaÿajñi cam naigui dam qauÿaxañiitapegueu'a. ¿Qami' peta'a ishit qome da qauachii da que'ejnaxac mayi 'ico' aÿim qanÿomaxangui qataq dam achilaxac mayi saigui? Nachi soomayi 'ena'po': –Aja', seshitaq.

Mateo 20:32

Nachi so Jesús vi'iiguet, nachi iÿaxanalo se'esoua qanamaiqa. Nachi inatta'pe, 'eeta': –¿Négue't ca qanshiitaique da qami' so'oteque?

Marcos 10:51

Nachi so Jesús inattac somayi, 'eeta': –¿Négue't ca 'anshitaique da 'am so'otec? Nachi se'eso qanamaic 'enapeco': –'Am mayi 'auapaxaguenataxaatac, aÿim ñishitaique da ñauaañi.

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Marcos 6:22

Nachi aso llale aso Herodías inoxoneu'a ca huaña ca nqui'axac da dasot. Qaq de'eda lasotaxac asomayi ÿataqta lauela so Herodes qataq som lqui'axauapi. Nachi so nta'a Herodes 'enapego' asomayi, 'eeta': –Aÿim 'auÿaxanot ca 'aueetac, nachi 'am sami'.

Lucas 18:41

–¿Négue't ca 'anshitaique da 'am so'otec? Nachi somayi 'enapeco': –'Am ÿataxala', qomyi ñishitaique da nauaayiñi naua i'ai'te.

Lucas 19:11

Qaq so shiÿaxauapi co'ollaq ñaq queta da n'axaÿaxaatega so Jesús, nachi somayi ÿauo'o da daloqnaxana, cha'ayi souaxat da mashi sa qaÿapeque yi Jerusalén. Cha'ayi somayipi ipi'itaxaatega da mashi ivita ca laloqo' da ñi Dios ilo'ogue 'enauacna.

Lucas 22:24

Huaña, nachi ncotatega't somayipi da chaq negue't ca ÿoqta ÿacteec da qaÿamata'ac da ÿi'oxodaq.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Hechos 1:6

Qaq soomayi co'ollaq ñaq huetra'aguet so Jesús, nachi qainattac somayi, qoÿiita': –'Am qadataxala', ¿peta'a nachina nagui na laloxoqui da qaltaq nÿoteec 'anqa'en na llalaqpi so Israel?

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.