Mateo 20:2 - Nuevo Testamento Toba Sur

² Nachi somayi detaxaÿapegue' se'eso 'onataxanaxaicpi da do'onataxaalec naq'en aso 'oonole denario yi 'oonolec na'a'q. Ime, nachi ÿamaxauga so lanaxanqa' da do'onataxan.

Nuevo Testamento Toba Sombrero Negro

² Qama'le gaa'me onataĝanaĝayaqa yiyamaĝade'n da'me qoyejeteneque onolec denario jo'ne nalo'taguet ga'me onolec nolo'. Yem qama'le yama' qaedi t'onataĝa'n.

La'aqtaqa Ñim Lo'onatac 'Enauacna 2013

² Nache camaye naỹamaxate' que'eca 'onataxanaxaicpi da do'onataxaalec naqa'en añi lasheue ca 'oonolec na'a'q da do'onataxan ca ỹale. Ime, nache ỹamaxauga ca lanaxanaqa' da do'onataxan.

Mateo 20:2 Iomraidhean Croise

Mateo 18:28

Qalaxayi co'ollaq chochi huenoxoneec se'eso namaxashic, nachi ilalec so lÿa mayi l'onataxanaxaua mayi neto'ot aso saq 'amaqtaq lavigaxaiste somayi. Nachi nquemoxonot na lqosot, nachi ivigoqto'ot. Nachi 'eetega, 'eeta': “¡'Aushiiten qome añi 'adavigaxaiste!”

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

Mateo 20:13

Qalaxayi se'eso 'aco' 'enapega so 'oonolec somayipi, 'eeta': “'Am shinapega da aÿim sa ishit da sa sepagaqchingui aso 'adashiue. Cha'ayi can 'am ñi'aqtaxane', qalaq 'am shinapega da 'au'onataxaalec aso 'oonole denario yi na'a'q.

Mateo 20:3

Qaq co'ollaq mashi qaÿata'ague aso nala' se'eso nte'eta, nachi qaltaq ÿi'iguelaxauec se'eso 'aco'. Nachi somayi ilalec so laÿipi 'onataxanaxaicpi, somayipi hueta'a so naponqa', qaica ca l'onatac.

Mateo 20:9

Ime, nachi anac som do'onataxanpi co'ollaq mashi inoxootapiguiñi aso nala'. Nachi ñi 'oonolec somayipi ÿaconguet aso 'oonole denario mayi nshiitenaqte ca do'onataxan yi 'oonolec na'a'q.

Mateo 22:19

Ñaq aÿim qauachaxañiÿa qome acam lcatole mayi lashiue da qaishiiten ca nta'a. Nachi qandou'a aso 'oonole denario.

Mateo 9:37

Nachi 'enapegalo soua nale't, 'eeta': –'Eesa da ÿataqta qalota na ala na nanguishic da yaqto' qanqat, qalaxayi nam 'onataxanaxaicpi saq 'amaqtaq.

Marcos 12:15

Qalaxayi so Jesús ÿauattooteguet dam lli'iguenataxanaxac somayipi. Nachi 'enapega, 'eeta': –¿Tá'ainco' yi aÿim qavi'iguiñiitac? Ñaq aÿim qandoÿa aca 'oonole lcatole, da yaqto' semeten.

Lucas 1:15

cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Lucas 10:35

Qaq so lÿa na'a'q co'ollaq mashi jec se'eso Samaria l'ec, nachi nqatshiguem aso lshiitenaxanaqte, nachi ÿami' som lma' se'eso nanataqa'. Nachi 'enapega, 'eeta': “'Aulo'ogue qome ne'ena shiÿaxaua. Qom huo'o aca ÿacauec lavigaxaiste, qaq maichi seshiiten qom ñi'iguelaq.”

Lucas 20:24

'Ego', ñaq aÿim qauachaxañiÿa acam lcatole. ¿Négue't lashic ñim huetalec? qataq ¿négue't l'enaxat yim huetalec? Nachi somayipi 'enapeco': –Qomyi nachiñi ñim ilotague' nam nta'alpi.

2 Timoteo 3:15

cha'ayi nal'ena da 'ananacta'ai' da 'auauatton naua ñiyigui'shi l'aqtaqa ñi Dios mayi ishit da 'am ÿajnaxanaxaic naq'en, qataq ishit da 'am ÿaueca'aguet da nca'alaxa mayi chigaqaigui da qaipi'iÿa'a so Cristo Jesús.

Apocalipsis 6:6

Nachi sa'axaÿa so n'aqtac chimaxangui na laiñi soua shiguiÿac, 'eeta': –Ca un kilo na trigo naÿa'aguet qome aca lashiue ca shiÿaxaua da do'onataxan yi 'oonolec na'a'q, qataq tres kilo na cebada. Qalaxayi sa ishit qome da huo'o ca qon'ac na aceite qataq na lataxa.