Mateo 2:4 - Nuevo Testamento Toba Sur

⁴ Nachi so nta'a iÿaxangue 'enauac na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios qataq nam ÿapaxagueetapeguec na shiÿaxauapi na nqataxacpi. Nachi inat da chaq hua'ague ca lañoqo' qome ca nta'a mayi nca'alaxaqui.

Nuevo Testamento Toba Sombrero Negro

⁴ Qama'le Herodes damaĝajoĝolegue qaedi qoyiyaĝanalo ena'uaque gaa'me tamenaĝaiqui lo'olpi lejaliaĝanaqapi nataq'aen jogaa'me judiopi napaĝaguenoqo'tpi, qama'le yachimaĝatalo queda'me jach'e jogamaĝa niyi'ña ñe'me Dios Liquiyac.

La'aqtaqa Ñim Lo'onatac 'Enauacna 2013

⁴ Nache so nta'a iỹaxanegue 'enauac so lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq nam ỹapaxagueetapeguec na shiỹaxauapi na nqataxacpi. Nache ichemaxattac da chaq hua'ague ca lañoqo' qome ca Lca'aguishec Ñim Lo'onatac 'Enauacna.

Mateo 2:4 Iomraidhean Croise

Mateo 13:52

Nachi somayi 'enapeco': –Ca dapaxaguenataxaatapeguec na lqataxacpi so Moisés da huo'otaq ñaq napaxagueetega da l'onataxanaxac ñi Dios mayi neta'ague da piguem, nachi camayi ishit da ivida'a da 'eeta'am cam lalamaxat ca noÿic mayi ÿataqta ÿaÿaten da nqatshiguem nam ÿaÿamaxattacpi cam dalaxaicolec qataq cam toguishic.

Mateo 2:3

Nachi so nta'a Herodes co'ollaq ÿaÿaten de'eda, nachi ÿataqta i'elaq, nataq'en 'enauac nam shiÿaxauapi mayi netaña yi Jerusalén.

Mateo 2:5

Nachi somayipi 'eeta': –Qomyi huaña yi Belén yim huaigui yi 'alhua Judea, cha'ayi nachiyi yi ÿiyiñi so l'aqtaxanaxanec ñi Dios co'ollaq 'eeta':

Mateo 21:15

Qalaxayi nam lataxala'pi na ltaxaÿaxanaxanec na shiÿaxauapi da qaitaxaÿapegue' ñi Dios qataq nam dapaxaguenataxaatapeguec na nqataxacpi, namayipi co'ollaq ÿauaachigui nam qai'otpi mayi sa qaÿauanapega qataq hua'axaÿa da 'eetec so ñaqpiolec da i'alaqtagui co'ollaq huaigui aso n'onaxanaxaqui, 'eeta': “Ÿataqta huo'o da lli'oxoyic da llalec so qadta'a David,” nachi somayipi ÿataqta dalemata.

Mateo 21:23

Nachi so Jesús huenoxoneu'a aso n'onaxanaxaqui late'edai. Qaq co'ollaq ña dapaxaguenataxaatac, nachi nqo'oneu'a somayi nam lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios qataq nam lquedoxonecpi na judiopi. Nachi inattac somayi, 'eeta': –¿Huá'ague ca 'auachigoxota'ague ca 'an'aqtac da huo'o mshi 'au'ot de'eda? ¿Négue't ca 'am ÿanem de'eda 'adamaxasoxonaxac?

Mateo 26:3

Nachi se'eso na'a'q nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lquedoxonecpi na judiopi, namayipi lapona't, hueta'a yi nqasoxoc so lma' lta'adaic so Caifás mayi lataxala' nam ntaxaÿaxanaxanecpi.

Mateo 26:47

Qaq so Jesús ña detaqtac co'ollaq mashi nvi' so Judas, som 'oonolec soua doce lapaxaguenataqa. Qaq somayi ÿataqta qalota so nnaictague' shiÿaxauapi, nachitac na lainecpi qataq na nponpi. Somayipi nachi lamaxashicpi som lataxala' na ntaxaÿaxanaxanecpi da qaitaxaÿapegue' ñi Dios, qataq nam lquedoxonecpi na judiopi.

Mateo 27:1

Qaq co'ollaq mashi yi'oxoñi, nachi 'enauac nam lataxala'pi nam ntaxaÿaxanaxanecpi qataq nam lquedoxonecpi na judiopi mashi nmachigui da lataxac da yaqto' qaÿalauat so Jesús.

Mateo 7:29

Cha'ayi somayi da dapaxaguenataxaatac, qalaq qaila'a da hueto'ot da l'añaxac ñi Dios. Qaq sa ishit da 'eeta'am nam dapaxaguenataxaatapeguec nam lqataxacpi so Moisés.

Marcos 8:31

Huaña, nachi da'aqtaxanema soomayi, 'eeta': Ne'ena shiÿaxaua llalec ÿataqta qalota qome da nque'ejnaxac, qataq ÿamaqhuec qome namayi na nquedoxonecpi, qataq na lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi. Qataq i'axatema soomayi da somayi taÿa'a da qaÿalauat, qalaxayi qom mashi inoxoodeec caua tres na'axa'te, nachi qaltaq nca'aleec.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Lucas 23:10

Qaq nataq'en nachattauo nam lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi, namayipi ÿataqta qalota na ÿasaqtapeguelec da 'eetega lasouaxashit somayi.

Juan 18:3

Qaq so Judas nachi nateu'a somayi, nnaictague' so allippi qataq som huataxanaq mayi ilotague' aso n'onaxanaxaqui mayi lamaxashicpi na lataxala'pi na ntaxaÿaxanaxanecpi qataq na fariseopi. Qaq somayipi ÿataqta n'atchiguiñi na l'ogoxonaxatpi, qataq ÿachitac na lcoÿadaxanaxatpi.

Juan 3:10

Nachi so Jesús 'enapeco': –'Am mayi 'auapaxagueetac na llalaqpi so Israel, qalaq ¿tá'ainco' yi sa 'auaÿaten de'eda?

Juan 7:32

Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

Juan 8:3

Nachi nam dapaxaguenataxaatapeguec na nqataxacpi qataq na fariseopi nauegueu'a somayi aso 'alo mayi qaÿauanalec da ncachitapegue' ca sa lhua. Nachi qanachaalataxaangui na laiñi som shiÿaxauapi mayi hueta'asop somayi.

Hechos 23:9

Nachi 'enauac somayipi i'alaqtagui; nachi huo'o na nachajñi nam dapaxaguenataxaatapeguec na nqataxacpi mayi nachi laÿipi na fariseopi. Nachi namayipi 'eeta': –De'eda shiÿaxaua, damayi sa ishit da huo'o ca i'ot sa ÿaÿamaxañi, cha'ayi sa iuena'a da huo'otaq huo'o cam detaqtague' nam namaxashic piguem l'ecpi, huo'otaq nam saq cha'a nqui'ipi. Qaq no'on da sa ishit qome da 'ico' ñipa'aguenaqtague' ñi Dios.

Hechos 4:5

Qaq so yi'oxoñi, nachi huo'o so laponaxac yi Jerusalén nam lta'alpi na judiopi, dataÿa't nam nquedoxonecpi qataq nam dapaxaguenataxaatapeguec na nqataxacpi.

Hechos 6:12

Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat.